அரசூரான்

முல்லை பெரியாறு – த மஸ்ட்

2012-01-26T17:19:00.003-05:00

வலை முழுவதும் முல்லை பெரியாறு பற்றிய பல ஆவணங்கள், யூ-டியூப் காணொளிகள் என்று ஆயிரக் கணக்கில் உள்ளன. எனவே நான் அவற்றை இங்கு குறிப்பிட விரும்ப வில்லை.

முல்லை பெரியாறு – த மஸ்ட், சிவாஜி – த பாஸ்-லேருந்து என் எண்ணமாக நான் சொல்ல நினைப்பது.

எப்படி சிவாஜி (பழைய படம் இல்லை, சங்கர் இயக்கத்தில் வந்த்து) படத்தில் சிவாஜி என்ற ஒரு தனி மனிதன் ஒரு நல்ல நோக்கத்தோடு கல்வி மற்றும் மருத்துவ கூடங்களை நிறுவ பல வகையான எதிர்ப்புகளை எதிர் கொள்ளுவார். சுய நலம் கொண்ட தனி மனித எதிர்ப்பு, அனுமதி பெறவேண்டி அரசு அலுவர்களின் லஞ்ச லாவன்ய கெடுபிடி, லோக்கல் ரவுடியில் ஆரம்பித்து கடைசியில் ஒரு மாநிலத்தின் கல்வி மற்றும் முதல் அமைச்சர் வரை.

முல்லை பெரியாறு விவகாரத்திலும் அதுதான் நடைபெறுகிறது. பென்னிகுயிக் என்ற ஒரு நல்ல மனிதன் இரண்டு மாநிலங்களுக்கும் உதவட்டுமே என்ற உயர்ந்த நோக்கத்தோடு ஒரு சிறந்த அணையை நமக்கு அளித்துவிட்டு சென்றிருக்கிறார். பின்னாட்களில் நடக்கப் போவதை முன்கூட்டியே அனுமானிக்க கூடியவர்கள் அறிவாளிகள் – தீர்க்கதரிசிகள். அப்படிப்பட்ட அறிவாளிகள் எதிகாலத்தில் சுய நலக் காரர்களிடம் இருந்தும், அரசியல் வியாதிகளிடம் இருந்தும் மனித வாழ்வாதாரமான தண்ணீரை காக்க அதை 999 வருட ஒப்பந்தமாக நிலை நிறுத்திவிட்டு சென்றிருக்கிறார்கள்.
மாநிலத்திலும் மத்தியிலும் அரசியல் மாற்றங்கள் நிகழும் போதும், அங்கு அவர்களின் ஆட்சிக்கு அச்சுருத்தல்கள் வரும்போதும் அவர்கள் பிரச்சனைகளை திசை திருப்பவே முல்லைப்பெரியாறு அணையை கையில் எடுக்கிறார்கள் என்பதுதான் உண்மை. [சிவாஜி படத்தில் சொல்வது போல், நீங்க கொடுத்ததெல்லாம் அந்த பார்ட்டிக்கு, எனக்கு என்ன கொடுப்பீங்க, உங்க புராஜெக்ட் வேல்யு எவ்வளவு?]

தன் சுய லாபத்திற்க்காக அணைப் பிரச்சனையை கிளறி விடும் அயோக்கியர்களே, உங்கள் ஒவ்வொருவரு ஆட்சி மாற்றதிற்க்கும் உறுதியாக இருக்கின்ற அணையை ஓட்டை போட்டு ஓட்டை போட்டு அணையின் உறுதியை உருகுலைக்கும் அரசியல் வாதிகளே, நீங்கள் போட்ட ஓட்டையால் அணையில் நீர்க்கசிவு உண்டாகிறதோ இல்லையோ, ஒற்றுமையாய் வாழும் தமிழக-கேரள மக்களின் இருதயத்தில இரத்தக் கசிவை உண்ட்டாக்கி விட்டீர்கள். போதும் உங்கள் சோதனை, இம்முறை செய்யும் சோதனை இறுதியாக இருக்கட்டும், முடிவு உறுதியாக இருக்கட்டும்.

மனம் இருந்தால் மார்க்கமுண்டு. உங்கள் அருகில் உள்ள சிறிய நாட்டைப் பாருங்கள், கற்றுக்கொள்ளுங்கள். சிங்கப்பூர் – இயற்க்கை வளம் இல்லாத நாடு/ஊர். மலேசியாவிடம் இருந்துதான் குடிநீர் பெறுகிறது. இங்கு உள்ள பிரச்சனைகள் போலத்தான் அங்கும் நிகழ்ந்தது. உதாரணத்திற்க்கு ஒன்று – மலேசியாவிடம் இருந்து பெற்ற நீரை சிங்கப்பூரில் சுத்தப்படுத்தி, பாட்டிலில் அடைத்து அதை மலேசிய சந்தையில் விற்பாதாக. [தமிழகம் கேரள தண்ணீரில் விவசாயம் செய்து அதை கேரளத்தில் விற்பது போல்].

சிங்கப்பூரின் மதியுக அமைச்சர் லீ-குவான்-யூ மற்றும் முதல் அமைச்சர் கோ-சோ-தோங் அணி 2010-ல் முடிவுக்கு வர இருந்த தண்ணீர் ஒப்பந்தத்தை மிக அழகாக கையாண்டார்கள். அப்போது மலேசியா இதில் மலேசிய மக்களின் சிங்கப்பூர் மத்திய சேமிப்பு நிதி இருப்பை (சி.பி.எஃப்) துருப்புச்சீட்டாக உபயோகப்படுத்தியது. எதை எவ்வளவு விட்டுக் கொடுக்க வேண்டுமோ அதை விட்டுகொடுத்து, இரண்டு நாட்டிற்க்கும் எது நல்லதோ அதை முன்னிறுத்தி சிங்கப்பூருக்கு 2011 முதல் 2061 வரை, தற்போதைய விலையை விட 46 பைசா (செண்ட்) அதிகம் கொடுத்து தண்ணீர் வரத்தை உறுதி படுத்தினர். இது தொலை நோக்கு பார்வை மற்றும் பயணத்திற்க்காண தீர்வு, இனி 50 ஆண்டுகளுக்கு அவர்கள் அதைப்பற்றி பேசப்போவது இல்லை.
ஒரே நாட்டில், அருகருகில் உள்ள இரண்டு மாநிலங்களுக்குள் உள்ள தண்ணீர் தேவையை/பிரச்சனையை நம்மால் தீர்க்க முடியாதா?
இரு மாநில மக்களும் சொல்லவேண்டிய ஒரே வாக்கியம், அது சிங்கப்பாதை வாக்கியம் : முல்லை பெரியாறு – த மஸ்ட்

Most Unenviable Source to Tamilnadu
Mallus Use and Secure Tenancy

கடலையா இல்லை பீட்டரா?

2011-12-15T20:24:00.004-05:00

பள்ளி/கல்லூரி காளைகள் பேசுவது கடலையாகவும், கன்னிகள் பேசுவது பீட்டராகவும் நாம் கூறுவோம். ஆங்கிலத்தில் இதை பொதுவாக “வோக்கல் ஃபிரை” என்று அழைக்கிறார்கள்.

இந்த “வோக்கல் ஃபிரை” அதிகம் காணப்படுவது பெண்கள் இடத்தில் என்று ”ஜர்னல் ஆஃப் வாய்ஸ்”-ன் சமீபத்திய கணக்கெடுப்பு சொல்லுகிறது. இது ஒரு பக்கம் பேச்சின் புதிய வடிவம்/அமைப்பு (ஃபேஷன்/ஸ்டைல்)-ன்னு சொன்னாலும் இது ஒரு வைகையான பாதிப்பு (ஸ்பீச் டிஸாடர்)-ன்னு மருத்துவகள் சொல்லுகிறார்கள். நான் இது பற்றி “இன்னா பேசுர நீ”-ன்னு ஒரு பதிவிட்டிருந்தேன்.

நாம் பேசும் போது ஒன்னு பம்மி பேசுவோம், இல்லையா உரக்க பேசுவோம் இல்லை வறுப்போம், அதைதான் இப்ப “வோக்கல் ஃபிரை”-ன்னு சொல்லுராங்க. எனக்கு ரொம்ப நாளா சில/பல தமிழ்ப் பெயர்களும் ஆங்கில பெயர்களும் ஒத்து இருப்பதை பார்த்து ஆச்சிரியமாக இருக்கும். உதாரணத்திற்க்கு வானவில் (ரெயின்போ) – தமிழ் ஆங்கிலம் இரண்டிலும் பெயர் வைத்தவர்களுக்கு வில்லின் அமைபை பொதுப்படையாக கையாண்டிருப்பது. இதிலும் வறுத்தலை (ஃபிரை) பொதுப்படையாக இருப்பது.

சரி, வறுத்தலுக்கு அடிப்படை பிரிட்னியோட ஓ பேபி பேபி பாடல், மற்றும் பாப் பாடகிகளோட ஹஸ்கி, முஸ்கி, புஸ்கி பாடகல்தான் காரணமாம்.
ஓ பேபி பேபி கேட்கனும்னா படத்தை கிளிக்குங்க.

உப்புமாக் கவி!

2011-12-14T18:08:00.002-05:00

கவிதை எழுதும் நண்பா
தெரியுமா உனக்கு வெண்பா?

கேள்வி கேட்கும் நண்பா
எனக்கு பேசதெரியும் அன்பா!

இலக்கணத்தில்
நேர் நேர் தேமா, நிரை நேர் புளிமா

அரசியலில்
நேரு நேரு மாமா, அமெரிக்க அதிபர் ஒபாமா

கவிதைக்கு அழகு - சீரும் தொடையும்
மதிய உணவுக்கு அழகு - மோரும் வடையும்

கவிதையை மெருகூட்ட - தலையும் யாப்பும்
சிகையை மெருகூட்ட - சோப்பும் சீப்பும்

கவிதை சிறக்க - எதுகையும் மோனையும்
புதுக்கவிதை சிறக்க - ரைமிங்கும் டைமிங்கும்

ஆஹா, புதுக்கவிதையில்
நீ ஓபாமா!

அய்யகோ,
கவிஞன் எனச் சொல்ல என்மனம் ஒப்புமா?
கவிதையில் இது வெறும் உப்புமா!!

தமிழ் இனி மெல்ல வாழும்...

2011-12-14T17:55:00.004-05:00

தமிழ்
தமிழ் தமிழென்று தமிழ் அமிழ்தமாய்
தமிழ்மொழி நம் தாய்மொழி எனும் தாரக மந்திரமாய்
தமிழ் தமிழ்நாட்டில் வாழ்ந்த காலம் - இறந்த காலமாய்

இனி
இனிய மொழிகளிலே தமிழ் மொழிபோல்
இனிதானது எங்கும் காணோம் என்று
இன்று இணையத்தில் தமிழ் வாழும் காலம் – நிகழ் காலமாய்

மெல்ல
தமிழ் இனி மெல்லச் சாகும்
எனச் சொன்னவர்களிடம் மெல்லச் சொல்லுங்கள்
புலம்பெயர்ந்த தமிழர்களிடம் தமிழ் – எதிர் காலமாய்

வாழும்
வாழ்வாங்கு வாழ்வது வள்ளுவரின் குறள் மட்டுமல்ல
வாழையடி வாழையாய் நாம் பேசும் தாய்மொழியும் தான் என்று
மெல்ல அல்ல உரக்கச் சொல்லுங்கள்

தமிழ் இனி மெல்ல வாழும் – காலம் காலமாய்.

குறிப்பு: இது நான் அட்லாண்டா தமிழ்ச் சங்கத்தில் நடைபெற்ற விடுமுறை தின கவிதை அரங்கத்திற்க்காக எழுதியது. தமிழ் நாட்டில் தமிழ் இறந்த காலமாய் என குறிப்பிட்டது இன்றைய தமிழ் ஆர்வத்தையும், ஆங்கில மோகத்தையும் காலத்தால் குறிப்பிடவே அன்றி குறைத்து மதிப்பிட அல்ல.

அடி ராக்கம்மா ராக்கு ராக்கு...

2011-11-16T18:07:00.004-05:00

இங்கு அமெரிக்காவில் தேங்ஸ்கிவ்விங் விடுமுறை, அதையொட்டிய கொண்டாட்டங்கள் கலைகட்ட தொடங்கிவிட்டன.

அதில் முதலாவதாக நான் இன்றைய செய்தியில் பார்த்து ரசித்தது... உங்களுக்காக.

இங்கே சொடுக்குங்க... சில வினாடி விளம்பரங்களுக்கு பிறகு வரும் ஆடலை கண்டு ரசிங்க.

அம்மாடி என்ன ஒரு நேர்த்தியான படைப்பு.

எனக்கு அவர்கள் பெயரை ”ரேடியோ சிட்டி ராக்கெட்டர்ஸ்” கேட்டவுடனேயே நினைவுக்கு வந்தது சிறுத்தை பட பாடல் அடி ராக்கம்மா ராக்கு ராக்கு... அதான் தலைப்பா ஆயிடுச்சி.

அடி ராக்கம்மா ராக்கு ராக்கு நெஞ்சுக்குள்ள ராக்கெட்டு
தாக்கம்மா தாக்கு தாக்கு ஆட்டத்துல விக்கெட்டு

இந்த ரேடியோ சிட்டி ராக்கம்மா எல்லாம் ஒரு ஐம்பது வருடமாக இப்படி ஆடி பல விக்கெட்ட ”கிக்” பண்ணியிருக்காங்க.

மாதிரிக்கு சில... கீழேயுள்ள இரண்டு தொடுப்பையும் சொடுக்கி பாருங்க.

2010 கிருஸ்துமஸ் அணிவகுப்பு

2008 மேசீஸ் அணிவகுப்பு

சரி... கிக்கு கிக்கா இருந்துச்சா? நாம பாடலை மேற்கொண்டு தொடருவோமா?

எதுக்கும்மா உதைக்க வர? கூட்டமா கூடி வர?
உன் காலல ஏன் காத்துல நீ கவிதை எழுதுர?

என்னையா சொல்ல வர? எப்பவுமே துள்ளுகிற
இல்லாத என் இடுப்ப இப்ப ஏன் கிள்ளவர?

மங்காத்தா அப்ப... மாயவரத்தா(ன்) இப்ப...

2011-11-16T17:41:00.002-05:00

மங்காத்தா சென்ஸேசனல் ஹிட்டா இருக்கலாம், ஆனா நம்ம மாயவரத்தா(ன்) சீஸனல் ஹிட்டு... அப்ப இல்ல இப்பவும்தான்.

யூ ட்யூப்ல பார்த்தேன்... நீங்களும் பார்த்து ரசிங்க...

இங்க சொடுக்குங்க...

மறந்தே போச்சி... ரொம்ப நாள் ஆச்சி...

2011-07-07T16:52:00.007-04:00

மறந்தே போச்சி... ரொம்ப நாள் ஆச்சி...
நான் பதிவு போட்டு-ன்னு சொல்ல வந்தேன், அதுவே தலைப்பாகி விட்டது.

மூன்று மாத காலமாக, அலுவல், தமிழ்க் கல்விப் பணி, எங்கள் (அட்லாண்டா) தமிழ்ச் சங்கப் பணி, இந்தியப் பயணம் பிறகு வட அமெரிக்கத் தமிழ்ச் சங்கப் பேரவை பணி என்று நாட்கள் ஓடிவிட்டது.

சரி நாட்டுல என்ன நடக்குதுன்னு பார்த்தா... திருந்தாத முன்னேற்றக் கழகம் திஹார் முன்னேற்ற கழகமா மாறிவிட்டது போல இருக்கு. மேற்கொண்டு செய்திகள வாசிச்சா ஒரு அருமையான நகைச்சுவை விருந்த நமது எஸ்.ஏ.சி சொல்லியிருக்காரு... தகவல் என்னன்னு பெட்டிச் செய்திய பாருங்க.இவரு (எஸ்.ஏ.சி) முன்னின்று வழி நடத்துவாராம், (இளைய) தளபதி (விஜய்) கேடயமா நமக்கு பின்னாடி இருப்பாராம். எனக்குத் தெரிந்த வரை தளபதின்னா முன்னின்று போரிடுபவர், கேடயம்னா நெஞ்சுக்கு முன்னாடி ஏந்தி நம்மை எதிரியிடம் இருந்து காத்துக்கொள்ள. இவரு பின்னாடி கேடயமா இருந்து நமக்கு யாரும் ஆப்பு அடிக்காம காப்பாத்துவாரா?

எனக்கு ஒன்னும் புரியல, உங்களுக்கு ஏதாவது புரியுதா?

செல்வி செயலலிதாவோட ஆப்பு அடிக்கிற விதமே தனி, எஸ்.ஏ.சி-க்கு அவசியம் பின்னாடி கேடயம் தேவை என்கிறதைதான் இப்படி சொல்கிறாரோ? அவ்வ்வ்வ்வ்வ்வ்வ்வ்.

எங்கே இருக்கிறேன் நான்...

2011-03-05T23:51:00.009-05:00

இன்று நான் ஒரு கணம் என்னையே வியந்து கொண்டபொழுது, என் மனதில் எழுந்த கேள்விதான்... எங்கே இருக்கிறேன் நான்?

தமிழகமோ இல்லை புலம் பெயர்ந்த அகமோ, வேலை வேலை... எல்லோருக்கும் வேலை என்று ஆளாய் பறந்துகொண்டிருக்கும் நாட்களில், நாடு எந்த நாடாய் இருந்தால் என்ன? நம் மண்ணும் நம் பழக்க வழக்கமும்தான் நாம் நம் பிள்ளைகளுக்கு கற்றுக்கொடுக்கும் பழக்கம் என்பதை மிக அழகாக உணர்த்தினார் என் நண்பர்.

ஓர் மாலை நேர சந்திப்பிற்க்காக அழைந்திருந்தேன், வந்தார் முகத்தில் முத்தான சிரிப்புடனும் முக்கனிகளுடனும்... இல்லை நான்கு கனிகளுடன்... ஒரு சகோதரியின் வீட்டுக்கு சீர்வரிசை செய்யப்போகும் சகோதரனாய்.

அவர் கொண்டுவந்தது அப்படியே...

வீட்டிற்க்கு வரும் நண்பர்களை நா(ன்)ம் எப்போதும் வீட்டில் இருந்து “பை” சொல்லுவதில்லை. வாசல் வந்து வழியனுப்புவோம். எப்போதும் என் மகள் கேட்பாள் ஏனப்பா இங்கிருந்தே சொல்லக்கூடாதா என்று... இன்று அவளும் என்னோடு வாசல் வந்து “பை” சொன்னால் நண்பர்களுக்கு.

நன்றி நண்பரே.

யாரிடம் கேட்கிறாய் வரி....

2011-03-01T18:19:00.008-05:00

இப்போது அமெரிக்காவில் வருமான வரி செலுத்தும் நேரம், அதையொட்டி வலையில் நான் படித்த ஆங்கில நகைச் சுவையை தமிழில் என் நடையில்...

வரி வசூலிக்கும் அதிகாரி ஒருவர் வேலையிலிருந்து ஓய்வு பெற்ற பெருசு-கள் அரசாங்க உதவித்தொகையில் உல்லாசமாக இருப்பதை கண்டு, அவர்கள் ஓய்வு காலத்தில் ஈட்டும் வருமானம் பற்றியும், அவர்களிடம் மேலும் வரி வசூலிக்க முடியுமா என்பதையும் கண்டறிய ஒரு உல்லாச தாத்தாவிற்க்கு வரி வசூலிக்கும் அலுவலகத்திற்க்கு நேரில் வந்து ஆஜராகுமாறு சம்மன் அனுப்பினார். வரி வசூலிப்பு அலுவலக உரையாடலாக இந்த பதிவு.

உல்லாச தாத்தா (உ.தா) தன் வழக்கறிஞர் உடன் வரி தணிக்கையாளர் (வ.த) அலுவலகம் வருகின்றார். வழக்கறிங்ஞருடன் வந்த உ.தா-வை பார்த்த வ.த-வுக்கு வியப்பு ஒன்றும் இல்லை (ஏனெனில் அமெரிக்காவில் வலிய வந்து ஆஜர் ஆகிறவர்தான் வக்கீல், மாத்திரை சாப்பிட்டு மயக்கம் போட்டு விழுந்து விட்டீர்களா? உடனடியாக என்னை அனுகுங்கள் அந்த மருந்து நிறுவனம் மீது வழக்குப் போட்டு உங்களுக்கு நிவாரணத்தொகை வாங்கி தருகிறேன் என்று விளம்பரப்படுத்தி நமக்கு உதவி செய்பவர்கள்).

வ.த: வாங்க, எங்கள் அழைப்பை ஏற்று ஒரு பொருப்பான குடிமகனாய் ஒத்துழைப்பு நல்கியதற்க்கு நன்றி. நீங்கள் ஓய்வு பெற்று விட்டீர்கள், அரசாங்கத்திடம் இருந்து உதவித்தொகை பெறுகின்றீர்கள், இருந்தாலும் கெடிலாக் கார், ஹவாய் கப்பல் பயணம் என்று அதீத செலவு செய்கின்றீர்கள், உங்கள் வருமானம் பற்றிய தகவல்களை நீங்கள் எங்களுக்கு (வருமான வரி துறைக்கு) தெரியப்படுத்த வேண்டும் என கேட்டுக்கொள்கிறேன்.

உ.தா: ஓ அதுவா, நான் ஒரு சிறந்த சூதாட்டக்காரன். அந்த வருமானங்களை நிரந்தர வருமானமாக கணக்கில் கொள்ள முடியாது. அதனால் அதை வருமானமாக வகைப்படுத்த இயலாது.

வ.த: அப்படியா? சற்று நம்ப கடினமாக உள்ளது...

உ.தா: என் வார்த்தையில் நம்பிக்கை இல்லை அதானே? நீங்கள் விரும்பினால் ஒரு பந்தயத்தை செயல்முறையில் காட்டினால் ஒத்துக்கொள்வீர்கள்தானே?

வ.த: ம், அது நன்றாக தெரிகிறது, செயல்படுத்திக் காட்டுங்கள். நான் பந்தயத்திற்கு உடன்படுகிறேன்.

உ.தா: நான் என் கண்களை என் பல்லால் கடித்துக் காட்டுகிறேன்... ஆயிரம் டாலர் பந்தயம் என்றார்.

வ.த: தாத்தா தானகத்தான் நடந்து வந்தார், கண் நன்றாக இருக்க வேண்டும் என நினைத்து ஆகட்டும் என்றார்.

உ.தா. தான் அணிந்திருந்த குளிர் கண்ணாடியையும் கழட்டினார், கூடவே ஒற்றை பளிங்கு கண்ணையும் கழட்டினார். பளிங்கு கண்ணை வாயில் போட்டு கடித்தார்.

வ.த-வுக்கு சற்று வருத்தம், அவசரத்தில் கோட்டை விட்டோமே என்று தாடை தொங்கிற்று.

உ.தா: சரி, இன்னொரு கண்ணையும் கடிக்கிறேன்... ஆனால் பந்தயம் ஈராயிரம் டாலர் என்றார்.

வ.த: ஒரு கண்ணு நொல்லையா இருந்திருக்கும், அதுல நாம் ஏமாந்திட்டோம்... நிச்சயம் தாத்தா இதுல மாட்டிக்கப் போறாரு, சரி ரெண்டாயிரம் பந்தயம் என்றார்.

உ.தா: இப்போது பல்செட்டை கழட்டி அந்த நல்ல கண்ணை கடித்தார்.

வ.த-வுக்கு இப்போது கொஞ்சம் படபடப்பு கூடிட்று, மூன்றாயிரம் போனது கூட வருத்தமாய் இல்லை, தாத்தாவின் வழக்கறிங்ஞர் முன் இப்படி மூக்குடை பட்டுவிட்டோமே என்று உள்ளுக்குள் உதறல்.

உ.தா: கவலைப்படாதீர்கள், உங்கள் மூவாயிறத்தை ஆறாயிரமாக தருகிறேன், என் அடுத்த பந்தயத்திற்கு ஒத்துக்கொண்டால் என்றார்.

வ.த: சரி சொல்லுங்கள், நான் கேட்டு விட்டுத்தான் சொல்லுவேன் பந்தயத்திற்க்கு உடன்படுகிறேனா இல்லையா என்று (உஷாராயிட்டாரு).

உ.தா: நிச்சயமாக அது உங்கள் விருப்பம், நான் உங்கள் மேசையின் இந்த பக்கத்திலிருந்து அந்த பக்கத்தில் உள்ள குப்பைக்கூடையில் மிகச் சரியாக மூச்சா அடிக்கிறேன், மேசையில் ஒரு சொட்டு பட்டாலும் நான் உங்களுக்கு ஆறாயிரம் தருகின்றேன்... நன்கு யோசித்து சொல்லுங்கள் தோற்றால் நீங்கள் மூவாயிரம் தரவேண்டாம்... வென்றால் ஆறாயிரம்... என்றார்.

வ.த: தாத்தா உள்ள நிலைமைக்கு மேசைக்கு இந்த பக்கத்தில் இருந்து அடித்தாலே தோற்றுவிடுவார், அதிலும் அந்த பக்கத்திலிருந்து, மேலும் மேசையில் ஒரு சொட்டுப் படாமால்...ம் தாத்தாவுக்கு என்ன ஆச்சு? வென்ற மூவாயிரமும் வேண்டாமாம், தோற்றுப் போனால் ஆறில் மூன்றை கழித்து மூன்றை கொடுத்துவிட்டுப் போயிருக்கலாம். மொத்ததில் நமக்கு இரட்டை வருமானம், கையிலிந்து மூவாயிரம் இழப்பு மிச்சம், ஆறாயிரம் வருமானம் என்று இரட்டிப்பு மகிழ்ச்சியில் மிக்க மகிழ்ச்சியோட பந்தயத்திற்க்கு ஒத்துகொள்வாதாக சொன்னார்.

உ.தா: தான் சொன்ன படியே செய்ய முயற்ச்சித்தார், முயற்சி தோல்வி... வ.த-வின் மேசையெல்லாம் உ.தா-வின் மூச்சா.

வ.த: வெற்றிக் களிப்பில் எழுத்து ஆட ஆரம்பித்து விட்டார். ஆடும்போதுதான் கவனித்தார்... உ.தா-வுடன் வந்த வழக்கறிங்ஞர் தன் தலையில் கைவத்து அமர்ந்திருந்ததை. அருகில் சென்று கேட்டார்... ஏன் என்னவாயிற்று என்று?

உ.தா.வ: உ.தா காலையில் அழைத்து சொன்னார், வேலையில்லா வெட்டி ஆப்பிசர் வருமானம் இல்லாத என்ன கூப்பிட்டு வரிகட்ட சொல்லுரார், நான் அவர் மேசையில் மூச்சா அடிச்சி அவர் மூக்க உடைக்கிறேன் என்றார்.

வ.த: பிறகு?

உ.தா.வ: நான் நீங்க கோபத்தில் அவர் மீது வழக்கு போடுவீர்கள் என்றேன். அதற்கு உ.தா இல்லை இல்லை அவர் மகிழ்ச்சியாக நடனம் ஆடுவார், இருபத்தி ஐந்தாயிரம் பந்தயம் கட்டுகிறேன் என்றார்... நானும் ஒத்துக்கொண்டேன்.

வ.த: ஆஹா... பெருசு உங்களுக்கு வெச்சுட்டா ஆப்பு?

உ.தா.வ: யோவ், எனக்கு மட்டுமா ஆப்பு, உனக்கும்தான்யா... ராத்திரி ஐஞ்சு லிட்டர் சரக்க போட்டுட்டு இன்னும் இங்க டெலிவரி பண்ணிகிட்டு இருக்கிறாரு பாரு, உன் மேசை, தரைக் கம்பளம், ஆப்பீசு எல்லாம் மாத்தானும் நீ.... எங்க சேர்ந்து சொல்லு....அவ்வ்வ்வ்வ்வ்வ்வ்.

ஓல்ட் ஈஸ் கோல்ட், அவர்கள் அனுபவத்தால் கற்ற பாடங்கள் எல்லாம் புத்தகமாக தொகுக்கப்பட வில்லை... அல்லது வலையுலகில் பதிவாகப் பதியப்படவும் இல்லை. அனுபவசாலிகளிடம் மோதுவது தவிர்க்கப்பட வேண்டும் அல்லது மிகவும் கவனம் வேண்டும். இல்லையேல் பெருசு-கள் எல்லாம் ரஜினி பட பாடலான “என்கிட்ட மோதாதே...” பாட்ட பாடிகிட்டு ரவுசு பண்ணவார்கள்... பெருசு-கிட்ட காட்டாத ரவுசு...ன்னு பஞ்ச் டயலாக்கோட.

பயணங்கள் முடிவதில்லை...

2011-02-24T16:04:00.003-05:00

ஒரு எந்திரத் தாயின் இறுதிப் பயணம். அவள் இதுவரை தான் விண்ணுக்குச் சுமந்து சென்றர்வர்கள் அனைவரையும் மீண்டும் பத்திரமாக மீண்டும் வீடு கொண்டுவந்து சேர்த்திருக்கிறாள்.

1984-ல் கரு பெற்றால் உரு பெற்றால், அன்றுமுதல் இன்று வரை பல விண்வெளி தகவல் திரட்டு, ஆராச்சி மற்றும் சர்வதேச விண்வெளி மேடை அமைப்பு பணிகளை செவ்வனே செய்திருப்பவள்... அவள் பெயர் டிஸ்கவரி (விண்வெளி ஊர்தி).

இது நாள் வரை அவள் கொண்ட பயணம் முப்பத்தி எட்டு, பயணப் பட்ட தொலைவு மில்லியனில்... 142,917,535 மைல்கள் ( 230,003,477 கிலோ மீட்டர்). விண்ணில் வாழ்ந்த நாட்கள் 351, சுமந்து சென்ற விண்வெளி அறிவியலர் 246 பேர்.

நாஸாவில் இவளைப்போல் மூன்று பேர் இருந்தாலும் இவளே முதுமையானவள், பயணம் என்றால் பயப்படாமல் பெட்டி படுக்கைகளை தயார் செய்பவள். இன்று இன்னும் சில மணி நேரங்களில் அவளின் கடைசி விண்வெளிப் பயணம் தொடங்க போகிறாள்... அவளின் இப்பயணமும் முந்தைய பயணங்கள் போல் வெற்றியடையா வாழ்த்துகிறேன்.

இன்று அவள் செல்லப் போகும் பயணம் வேண்டுமானால் இறுதியாக இருக்கலாம், ஆனால் அவளுடைய பயணங்களும் அதன் பயன்பாடுகளும் விண்வெளி ஆராச்சியிலும், சாதனையாக அருங்காட்சியகத்திலும் தொடரப்போகின்றன... டிஸ்கவரியின் பயணங்கள் முடிவதில்லை.

முதல் 10 நிமிடப் பயணம்...

பொறுப்பி: 39-வது பயணத்திற்க்குப் பிறகு டிஸ்கவரியை நீங்கள் ஸ்மித்ஸோனியன் இன்ஸ்டிடியூட்-ல் உட்வர் கேஸி மையத்தில் பார்க்கலம்.

வாழ்க்கைக்கு உறுதுணை உறவா நட்பா?

2011-02-21T10:39:00.003-05:00

கேட்ஸ் தமிழ்ச் சங்கப் பொங்கல் விழாவில் பட்டிமன்றம் புகழ் திரு.ராஜா தலைமையேற்று மிகச் சிறப்பாக நடத்தினார்... அவருக்கே உரிய நகைச்சுவையுடன். அதில் பங்கு பெற்றோரும் சிறப்பாகவே பேசினார்கள்.

அதை நீங்க கண்டு கேட்டு ரசிக்க இத்துடன் காணொளித் தொடர்புகளை இணைத்துள்ளேன்.

பட்டிமன்ற நிகழ்வுத் தொடக்கம்...

பட்டிமன்ற ராஜா தொடக்கவுரை...

திரு.பிரதீப் திருமலை உறவே...

திருமதி.லெக்ஷ்மி தேசம் நட்பே...

திருமதி.சுரேகா பாலாஜி உறவே...

திரு.ஸ்ரீராம் சுப்ரமணியம் நட்பே...

அரசூரான் (ராஜா) உறவே...

திருமதி. அவ்வை மகள் நட்பே...

பட்டிமன்ற ராஜா தீர்ப்புரை...

நன்றி.

கேட்ஸ் பொங்கல் விழா 2011... தகவல்கள்

2011-02-09T16:21:00.000-05:00

பொங்கல் விழா இனிதே நடந்தேறியது. நேரில் வந்து நிகழ்ச்சியில் கலந்துகொண்ட நண்பர்களுக்கும், தொலைபேசியில் வாழ்த்து சொன்ன அன்பர்களுக்கும் நன்றி... நன்றி... நன்றி.

500 பேர் அமரும் அரங்கம்... உட்கார இடமின்றி அரங்கத்தின் இருபுறமும் நின்றவாறு நிகழ்ச்சியை கண்டுகளித்தனர் விருந்தினர்கள்.

காலை சின்னஞ்சிறு மொட்டுக்களின் ஆடல் பாடலுடன் தொடங்கிய விழா, சிறப்பு விருந்தினர், லில்பர்ன் மேயர் திருமதி டயானா ப்ரஸ்டன் அவர்களின் சீறிய உரையுடன் மதிய இடைவேளையை தொட்டது. அரங்கத்தில் ஒருபுறம் தாளம் மறுபுறம் கோலம், ஆம் வண்ணமயமான கோலப்போட்டியும் நடைபெற்றது.

கோலத்தைக் காண...இங்கே சொடுக்கவும்...

அரங்கம் நிறைந்து வழிந்தோடிய கூட்டம், நின்றுகொண்டே விருந்தினர்கள் பட்டிமன்றத்தை கேட்டு ரசித்தனர். பட்டி மன்றம் ராஜா, தனக்கே உரிய பாணியில் தமிழ் சங்கங்களின் சேவைகளையும் மற்றும் அதில் உறுப்பினராவதின் தேவைகளையும் வலியுறுத்தி பேசியதோடு, புலம்பெயர்ந்து வாழும் வாழ்க்கையில் நட்பின் அவசியத்தையும், உறவின் தாக்கத்தையும் ஒப்பிட்டு, வாழ்க்கைக்கு உறுதுணையாக இருப்பது உறவே என தீர்ப்பு கூறி பட்டிமன்றத்தை நிறைவு செய்தார். (நான் தான் உறவு அணிக்கு தலமை பொறுப்பேற்றிருந்தேன்... அப்படி என்ன பேசினோம் என்றுதானே கேட்கிறீர்கள்... ஹா... ஹா... ஹா... உண்மையப் பேசினோம்)

விரைவில் பட்டிமன்ற காணொளியை இணைக்கிறேன்.

பொங்கல் விழா அழைப்பு

2011-01-29T11:19:00.007-05:00

நண்பர்களே வணக்கம்!

கிரேட்டர் அட்லாண்டாத் தமிழ்ச் சங்கத்தின் பொங்கல் விழா வருகின்ற பிப்ரவரி 6-ம் தேதி ஞாயிற்றுக் கிழமை நடைபெற உள்ளது. சிறப்பு விருந்தினராக பட்டிமன்றம் புகழ் ராஜா அவர்கள் கலந்து கொள்கிறார், வாழை இலையில் சாப்பாடு மற்றும் கலை நிகழ்ச்சிகள்... அட்லாண்டா வாசிகளும் அருகில் உள்ளோரும் வந்து கலந்துகொண்டால் பெரும் மகிழ்ச்சியடைவோம்... நன்றி.

இடம், நேரம் மற்றும் நிகழ்ச்சி பற்றிய மேலதிகத் தகவல்களுக்கு இங்கே தொடுக்கவும்.

பட்டிமன்ற ராஜாவின் அழைப்பு... படத்தை தொடுக்கவும்

2011-ல் மீண்டும் 2ஜி புயல்...

2011-01-05T20:07:00.009-05:00

ஹி... ஹி... அது தமிழகம் வந்த நம்ம மன்மோகன்ஜி-யும், அவருக்கு தண்ணி காட்டின கலைஞர்ஜி-யும்தான்...

அனைவருக்கும் இனிய புத்தாண்டு வாழ்த்துக்கள்.

அஞ்சா நெஞ்ஜன் அசாங்...

2010-12-23T20:31:00.012-05:00

விக்கி லீக்ஸ் நிறுவனர் ஜூலியன் பால் அசாங் பற்றி நிறைய படித்திருப்பீர்கள், இல்லையேல் பதிவர் சுடுதண்ணி-ய படிங்க. இது சும்மா நகைச்சுவைக்காக மட்டும்.

தகுதி என்பது...1

2010-12-20T12:49:00.009-05:00

காஞ்சி மகாப் பெரியவர் பற்றி திரு.சுகி சிவம் அவர்கள் பேசியதை கேட்டுக்கொண்டிருந்தேன்... ஒரு உயர்ந்த பதவியில் இருப்பவர் அல்லது பொது நலச்சேவையில் இருப்பவர் எப்படி இருக்க வேண்டும், சிலர் எப்படி வாழ்ந்தார்கள் என்று சொன்னார்... அப்படி நான் கேட்டதில் ஒன்றிரண்டு... நன்றி சொல்வேந்தர் சுகி அவர்களுக்கு.

அன்று வழக்கம் போல் பூசை முடிந்தது, மகா பெரியவர் தனக்கு பிட்சை (உணவு) வேண்டாம் என்று சொல்லிவிட்டாராம். சரி பெரியவருக்கு பசியில்லை போல என நினைத்து அலுவலர்கள் தங்கள் வேலையை பார்க்க சென்றுவிட்டார்கள். இரண்டாம் நாளும் பெரியவர் பூசை முடித்து போசனம் வேண்டாம் என்று சொல்லி சென்றுவிட்டார். மடாலய நிர்வாகிகளுக்குள் சற்று பயம், ஒருவருக்கு ஒருவர் பேசிக்கொள்ள ஆரம்பித்தனர், யார்-என்ன-ஏது நடந்தது என தகவல் பறிமாற்றம் தீவிரமடைந்தது.

மூன்றம் நாள், பெரியவர் வழக்கம் போல் பூசையில், இன்று எல்லா மட நிர்வாகிகளும் ஆஜர், பிட்ஷைக்கு அழைப்பு, பெரியவர் மறுப்பு. மடத்தின் நிர்வாகிகள் இன்று நாங்கள் செய்த தவறு தெரியாமல் வேறு வேலை செய்யப்போவது இல்லை (உணவு உண்பது உட்பட) என்று பெரியவரிடம் சொல்ல, பெரியவர் சொன்னாராம்... சரி என்னை விடமாட்டீங்க போல இருக்கு, தவறு செய்தது நான் தான் என்றும், அதற்க்கு தண்டனையாய் உணவருந்தாமல் இருப்பதாகவும் சொன்னாராம்.

கீரைக்கு ஆசைப்பட்டு...

அவர் அப்படி என்ன தவறு செய்தார் தெரியுமா? பெரியவர் சொன்னதாக..

ஒரு நாள் (பிட்ஷை வேண்டாம் என்று சொன்ன மூன்று தினங்களுக்கு முன்) உணவில் கீரை சாப்பிட்டேன், நன்றாக இருக்க கொஞ்சம் அதிகம் சாப்பிட்டேன், அதை கவனித்த மட சிப்பந்தி இரண்டாம் நாளும் அந்த கீரையை சமைத்து பறிமாறினார், அன்றும் நன்றாக சாப்பிட்டேன். மூன்றாம் நாள் பூசையின் போதே மனம் பூசையில் ஒட்டாமல் இன்றும் சமையலில் கீரை இருக்குமா என்று நினைக்க ஆரம்பித்து விட்டது. அந்த ஆசையை ஒழிக்கவும், பூசையில் மனமில்லாமல் உணவை நினைத்ததிற்காகவும் நான் எனக்கு கொடுத்து கொள்ளும் தண்டனை இது, நீங்கள் அவர் அவர் தங்கள் அலுவல்களை கவனியுங்கள் என்று சொன்னாராம்.

பெரியவர்... தன் செயல்பாட்டால் என்றுமே பெரியவர்.

என்னை மன்னியுங்கள் அப்பா...

2010-12-04T22:40:00.009-05:00

உழுதவன் கணக்கு பார்த்தால்
உழக்கு கூட மிஞ்சாது
விவசாயத்தில் விழுந்து விழுந்து
உடலும் மனமும் காயம் ஆகும்முன்
உன் ஆடை சாயம் போகும்முன்
படி படி என்றாள் அம்மா.

படித்தவுடன் வேலையை
பிடி பிடி என்றாள் பாட்டி
உள்ளூரிலே வேலை ரொம்ப
கடி(னம்) கடி(னம்) என்றாள் மனைவி
விவசாயத்தை விட்டேன்
விமானத்தை தொட்டேன்.

கலந்துரையாடைலில் நண்பர்கள் சொன்னார்கள்
என் அப்பா டாக்டர்... நானும் டாக்டர்
என் அப்பா எஞ்ஜினியர்... நானும் எஞ்ஜினியர்
அப்பா... நான் என்ன சொல்ல?
மவுனமாய் இருந்து விட்டேன்
விவசாயத்தை மறந்து விட்டேன்
அப்பாவை மறைத்து விட்டேன்...

என்னை மன்னியுங்கள் அப்பா...

இன்னா பேசுர நீ?

2010-11-16T22:39:00.002-05:00

தமிழ்தான் பேசுரேன்னு சொன்னீங்கன்னா சந்தோசம்.

இன்னா தமிழு அது? தஞ்சாவூரா, மதுரையா, திருநெல்வேலியா, கோவையா இல்ல சிங்கார சென்னையா?

தமிழ அழகா எப்பவும் எங்க மண்வாசனையோடுதான் பேசுவேன்னு சொன்னீங்கன்னா ரொம்ப ரொம்ப சந்தோசம்.

அது உங்களுக்கும் உங்க உடல் நலத்திற்க்கும் நல்லது. மற்றவரைப் போல பேசுதல் தலைவலியில் ஆரம்பித்து நம் உயிரையே எடுக்கும் அபாயம் கொண்டதாம்.

இன்று தொலைகாட்சி பார்த்தபோது இதுபற்றிய தகவல் அறிந்தேன், அதை உங்களோடு பகிர்ந்துகொள்ளவே இப்பதிவு. இது பேசும் தன்மை பாதிப்பு (மன நல பாதிப்பு மாதிரி) – ஸ்பீச் டிஸ்ஸாடர்/SPEECH DISORDER-ன்னு சொல்லி, அதை ஒரு உடல் நலக் குறைவு அல்லது நோய் என்று வகைப்படுத்துறாங்க... பேர் இன்னா நைனான்னு யாங்கைல கேட்க்காதீங்க... அவங்க அத “ஃபாரின் ஆக்ஸண்ட் சிண்ட்ரோம்”-ன்னு சொல்றாங்க.

நாங்க ஃபாரினே போகல எங்களுக்கு எப்படி ஃபாரின் ஆக்ஸண்ட் சிண்ட்ரோம் வரும்ன்னு கேட்க்க கூடாது. நம்ம ஊருல உள்ள முள்ளு நம்ம ஊருலயே நம்ம கால்ல குத்தினால் நமக்கு சீழ் பிடிக்கும், காரணம் முள்ளு (மரத் தூள்) நம்ம பாடிக்கு ஃபாரின் பாடி, அதான் ஒவ்வாமைன்னு சொல்லுவேமே அந்த அலர்ஜிதான்.

எலே என்னலே சொல்றே, தமிழ மாத்திபேசுனா தலவலியாம்லேன்னு லேசானா விசயமா நினைக்காதீங்களே... இத படிச்சி பாருங்களே...

விக்கி என்ன சொல்லுதுன்னா...

மேலதிகத் தகவலுக்குன்னா...

கண்ணு, ரோமாபுரியில் இருக்கும் போது ரோமானியனா இருன்னு சொல்லியிருக்காங்க, அத வுட்டுபோட்டு சிண்ட்ரோம் காந்திபுரம்ன்னு சொல்லிகிட்டு திரியிரிங்கன்னுதான கேட்கிறீங்க?

புரியிது... புரியிது. அமெரிக்கா ஐரோப்பிய நாடுகளுக்கு வந்த நம் இந்திய மக்கள், அதுவும் குறிப்பா நம் தமிழ் மக்கள் அமெரிக்கர் மாதிரியே ஆங்கிலம் பேசி அசத்துரதுல கெட்டிக்காரங்க. வாயில ‘ர’-வே வராம ‘ழ’-வாவே பேசுவாங்க... வென் ஐ டிழைவ் த காழ்-ன்னு பெருமையா பேசுவாங்க. பேசுங்க... நீங்க உங்கள் பணி சம்பந்தமா உங்கள் வாடிக்கையாளர்களிடம் பேசும்போது பேசுங்க. நம்மவர்களுடன் பேசும்போது நார்மல பேசலாமே?

இங்க ஒரு அம்மா சாமி வந்த பூச்சரியா பேசுது கிளிக்கி பாருங்க.

நாம் நம் மனத்தாலும், சொல்லாலும்/பேச்சாலும், செயலாலும் நாமாக இருக்கும்போது நாம் எந்தவகை சிண்ட்ரோமையும் வென்றோம் என்று சொல்ல முடியும்தானே?

ஓம் டெக்னாலஜியே நமக...

2010-11-06T09:15:00.005-04:00

வீட்டில்...

ஒரு இடத்துக்கு போகனும்னா நேரம் காலத்தோட வர்றியா? எப்ப பாரு லேட்டு லேட்டு லேட்டு.

ஏன் சொல்ல மாட்டீங்க, மருந்துக்கு கூட ஒரு வீட்டு வேலை செய்யறது கிடையாது, எல்லாத்தையும் செய்துட்டுதான வரனும்.

நீ ஒன்னும் செய்யவேணாம் வா, மேக்கப்ப கூட கார்லயே போட்டுக்கலாம்.

காரில்...

என்னங்க, ரூம் லைட்ட ஆஃப் பண்ணினீங்களா?

என்ன எங்கிட்ட கேட்கிற? நீதான கடைசியா ரூம்லேருந்து வந்த... லைட்ட ஆஃப் பண்ணலியா?

இல்லீங்க நான் ஆஃப் பண்ணினதா ஞாபகம் இல்லை. அடுப்புல உங்களுக்கு குடிக்க வெண்ணீர் போட்டேன்... நீங்க படுத்தின பாட்டுல அதையும் ஆஃப் பண்ண மறந்திட்டேன்.

சரி சரி விடு... டென்ஷன் ஆவாத, என் ஃபோனில் ஹோம் பேஜ் போ, அதுல ஹோம் அப்லையன்ஸ்ன்னு ஒரு ஆப் இருக்குபாரு, அதுல எது ஆணாயிருக்கோ அதையெல்லாம் ஆஃப் பண்ணு.

சிறிது நேரத்திற்க்குப் (மேக்கப்) பிறகு...

என்னங்க, இன்னிக்கு தீபாவளி சிறப்பு நிகழ்ச்சி இருக்கே, டி.வி ரெக்கார்டர ஸ்கெடியூல் பண்ணியிருக்கீங்களா?

நான் டி.வி.ரிமோட்ட தொட்டு ரெண்டுநாள் ஆவுது, எல்லாத்தையும் இப்ப வந்து கேளு, வீட்டுல அப்படி என்னாத்த வெட்டி முறிக்கிறியோ தெரியல.

ஆ...ஊ-ன்னா அதையே சொல்லுங்க. அதான் வெட்டினாலே துண்டாயிடுமே அதையேன் முறிக்கனும்? இல்ல தெரியாமத்தேன் கேட்கிறேன்... பதில் சொல்லுங்க.

போனாப் போவுது டி.விய ரெக்கார்ட் பண்ணுவோம்ன்னு நினைச்சேன்... கேள்வியா கேட்கிற நீ?

அட உடனே கோவிச்சிக்காதீங்க, வீட்டோட ரெண்டு சாவியும் நம்மகிட்ட இருக்கு, எப்படி யார விட்டு ரெக்கார்ட் பண்ண சொல்றது?

என் ஃபோனுல அதுக்கும் ஒரு ஆப் இருக்கு பாரு, அதுல டைரக்ட் டி.வி-ன்னு ஒன்னு இருக்குல்ல, அதுல சேனலையும், நாளையும், டையதையும் போட்டு ஓ.கே பட்டன அழுத்து.

என்னங்க... கமலஹாசன் ஒரு படத்துல சொல்லுவாறே... நிஜமாவே டெக்னாலஜி காட் ஸோ இம்ப்ரூவ்டுங்க.

வாயாலதான் சொல்லுற... வீட்டிற்க்கு செட்பண்ணியிருக்கிற ஆட்டோமேட்டிக் அலார்ம் சிஸ்டத்த நம்பாம இன்னும் ஊருலேருந்து எடுத்துகிட்டு வந்த திண்டுக்கல் தொட்டிப்பூட்டல்ல போட்டு பூட்டுற.

அய்யய்யோ...

என்னாச்சு... லிப்ஸ்டிக்க மறந்துட்டு வந்திட்டியா?

இல்லைங்க, பூட்ட பூட்டி இழுத்துப் பார்க்க மறந்துட்டேங்க... உங்க ஃபோனுல ஏதாவது ஆப் இருக்கா?

அம்மா தாயே... சத்தியாம அதுக்கெல்லாம் ஆப் இல்லம்மா, முடிஞ்சா எந்திரன் வசீகரன கூப்பிட்டு சிட்டி சும்மா இருந்தா ஒரு எட்டு போயி பூட்ட இழுத்து பார்த்திட்டு வர சொல்லு.

வேணாங்க வேணாம்... அது பூட்டோட கதவையும் இழுத்து பார்க்கும். சொந்த காசுல சூனியமா? வேண்டவே வேண்டாம்.

சும்மா படம் காட்ட...

அப்போது ஃபோன் சினுங்குகிறது...

அம்மாடி ஃபோனு உங்கிட்டதான இருக்கு, யாரு கூப்பிடுறாங்கன்னு பாரு...

உங்க பாஸுங்க...

அவன் கிடக்கிறான் லூஸு, நான் இன்னொரு லைன்ல இருக்கேன் என்னன்னு கேளு.

.....

என்ன சொன்னாரு?

நீங்க பண்ணுன அப்பிளிகேஷன் ஊத்திகிச்சாம், உங்க எல்லோருக்கும் ஆப்பு அடிக்க உங்க பெரிய லூஸு...சாரிங்க... பெரிய பாஸு வராராம், அதனால் திங்க கிழமை வொரிகிங் ஃபிரம் ஹோம் போடாம ஆப்பீஸுக்கு வரச் சொன்னார்.

ஏங்க ஃபோனுல ஆப் இருக்கு... ஆப் இருக்குன்னீங்க... இப்படி ஒரு ஆப்பு இருக்குன்னு சொல்லவே இல்ல... அவ்வ்வ்வ்வ்வ்வ்.

அனைவருக்கும் இனிய தீபாவளி வாழ்த்துக்கள்.

எனக்கு ஐ.ஜி-ய தெரியும்...

2010-10-25T12:00:00.004-04:00

எனக்கு ஐ.ஜி-ய தெரியும்... அ-னா, ஆனா, இனா, ஈயானா... இப்படி எத்தனை போட்டாலும் அவருக்கு என்ன தெரியாது.

இந்த அக்டோபர் மாதத்தில் அட்லாண்டா தமிழ் சங்கத்தின் நிகழ்வுகள் வாயிலாக தமிழ் நாட்டின் சில சிறந்த மனிதர்களை சந்திக்கும் வாய்ப்பும் அவர்களுடன் உரையாடும் வாய்ப்பும் கிடைத்தது... அதற்க்காக கேட்ஸ் செயற்க்குழு உறுப்பினர்களுக்கு என் நன்றி.

1. தமிழக சட்டசபையின் சபாநாயகர் (ஸ்பீக்கர்) திரு.ஆவுடையப்பன். அவருடைய வட அமெரிக்க பயணத்தின் நடுவில் எங்கள் ஊரில் நடைபெற்ற தமிழ் மருத்துவ முகாமில் கலந்துகொண்டு சிறு உரையாற்றினார். மிக எளிமையான, பழகுவதற்க்கு இனிமையானவராக இருந்தார். கழக கண்மணிகள் இல்லாம இருக்கும்போது (சிங்கம் சிங்கிளா வந்தது) நம் தலைவர்களின் உண்மையான அன்பையும் பண்பையும் நாம் காணலாம் என நினைக்கிறேன்.

2. தமிழக தன்னார்வத் தொண்டர் திரு. நாராயணன் கிருஷ்ணன் அவர்களின் அட்சயா ட்ரஸ்ட்-க்கு உதவி. எங்களால்முடிந்த அளவிற்க்கு ஒர் நிதிதிரட்டு போட்டி நடத்தினோம். நீங்களும் உதவலாம் நிதி அளிக்காமலே... எப்படியா? சி.என்.என் நடத்தும் கதாநாயகர்கள் வாக்கெடுப்பில் கிருஷ்ணனுக்கு ஒரு ஓட்டு போட்டால் போதும்... போட்டுட்டீங்களா? நன்றி.

3. தமிழக (டான்சி-யின் நிர்வாக இயக்குனர்) அரசு இயந்திரத்தில் ஒரு அப்பழுக்கற்ற மனிதர் திரு. உமாசங்கர் (இ.ஆ.ப). அமெரிக்காவின் ஐந்தாவது தூண் நண்பர்கள் ஏற்பாடு செய்திருந்த ஒரு குழு சந்திப்பு இது. திரு. உமாசங்கர் அவர்களை 18 வருடங்களுக்கு முன் மயிலாடுதுறையில் சப்-கலெக்டராக என் மாணவர்களுடன் சந்தித்தேன்... சில தினங்களுக்கு முன் அதே முனைப்பில் ஊழலை எதிர்த்து போராடும் ஒரு போராளியாக.

இணைப்புகளை தொட்டுப்பாருங்கள்... உங்கள் மன ஓட்டமும் அதுவாக இருந்தால் தொடர்ந்து பாருங்களேன்... அது நிதி உதவியாக இருந்தாலும் சரி... ஊழலுக்கு மணியடிக்கும் நிர்வாக உதவியாக இருந்தாலும் சரி... நன்றி... நன்றி.

அய்யோ பாவம் பூதம்

2010-10-19T00:45:00.002-04:00

ஒரு நாள் நம்ம ஆளு ஒரு முனிவரை சந்தித்தார். இறை நம்பிக்கை இல்லாத நம்ம ஆளு அந்த முனிவரை பார்த்து இறைவன் இருக்கிறாரா அப்படி இருந்தால் நமக்கு ஏன் இவ்வளவு கெடுதல்கள் தருகிறார், மேலும் அவர் நாம் வேண்டுவதை கொடுப்பதே இல்லை என்றான்.

அதற்க்கு முனிவரோ, சரி சரி அது ஒரு நம்பிக்கைதான் நாம்தான் நன்றாக வாழ முயற்சி செய்ய வேண்டும் என்றார்.

முனிவரின் பேச்சில் திருப்தி அடையாத நம்ம ஆளு, இல்லை இல்லை நீங்கள் சொல்வது எனக்கு ஏற்புடையதாக இல்லை என்றான்.

முனிவரோ, சரி நீயே சொல் நான் என்ன செய்யவேண்டும் என்று, நானாவது நீ விரும்புவதை தர முயற்ச்சிக்கிறேன் என்றார்.

முனிவரோ முயற்ச்சி அது இது என்று பேசுகிறார் அவரிடம் மொத்தமா ஒரு சில கோடிய கேட்டா போடா கேடின்னு சொல்லிவிடுவார் என நினைத்து நம்ம ஆளு சமயோசிதமாய் விக்கிரமாத்தனிடம் வேலைசெய்த வேதாளத்தை மனதில் நினைத்து ஒரு நல்ல வேலை செய்யும் பூதம் வேண்டும், அதை வைத்து நான் முயற்ச்சி செய்து பார்க்கிறேன் என்றான்.

முனிவரும் சரி உன் ஆசைப்படியே நான் ஒரு பூதத்தை தருகிறேன், உனக்கு தெரியும் தானே நீ பூதத்திற்க்கு வேலை கொடுக்கவில்லை என்றால் அது உன்னை கொன்றுவிடும் என்பதையும் நினைவு படுத்தினார். (முனிவர் ரொம்ப நல்லவர், விதிமுறைகள் சிறிய எழுத்தில் இருக்கு, படிச்சி தெரிந்துகொள் இல்லையேல் பரலோகம் செல் என்று சொல்லவில்லை).

நம்ம ஆளுக்கு இப்போ ஒரு சின்ன சந்தேகம் கூடவே சந்தோஷமும்... ஒரு வேளை கடவுள் இருக்கிறாரோ... கேட்டவுடனே பூதம் கிடைத்து விட்டதே என்று சந்தேகம், பூதத்த வெச்சி கடவுளையும் ஆராய்ச்சி பண்ணிடலாம்ன்னு ஒரு சந்தோஷம்.

தினத் தேவைகளையும் தன் பணத் தேவைகளையும் முடித்து கொண்டபின் நம்ம ஆளுக்கு பூதத்தை வைத்து ஆக வேண்டிய காரியம் எதுவும் இல்லாததால், இனி கடவுள் ஆராச்சி (ஆத்திகம் / நாத்திகம்) என முடிவு செய்து ஆன்மீகம் பற்றி அந்த தகவலை கொண்டுவா இந்த தகவலை கொண்டுவா என அனுப்பினான். அது அர்த்தமுள்ள இந்து மதம் முதல் ஓசோ வரை பல தகவல் நூல்களை அள்ளிவந்து கொடுத்தது. கண்ணதாசனின் அர்த்தமுள்ள இந்துமதத்தை படித்தவுடன் நம்மாளுக்கு சந்தேகம்... இந்த பூதம் வேலைகளுக்கு நடுவில் முனிவரை சந்திக்குதோ, அவர்தான் இந்த நூலை நம்மகிட்ட கொடுக்க சொல்லியிருப்பாரோ என்று. சந்தேகத்தை தெளிவு செய்ய நாத்திகம் பற்றி ஆராய்வது என முடிவு செய்து அந்த தகவல்களை கொண்டுவருமாறு கட்டளையிட்டான் (அது பதிவுலம் தெரிந்த பூதம் போல, ரொம்ப சிரம படாமா வினைவு, தமிழ் ஓவியா போன்ற தளங்களில் இருந்து தகவல்களை நொடிப் பொழுதில் கொண்டுவந்து கொடுத்தது).

நம்ம ஆளூ ஆராய்ச்சிய ஆரம்பிக்கவே இல்லை, ஆனால் பூதம் மீண்டும் அய்யா வேலை என்றது... இப்போதுதான் நம்மாளுக்கு தெரிந்தது அவனிடம் பூத்ததிற்கு சொல்ல ஏதும் வேலையில்லை என்று. பூதம் கொன்றுவிடுமே என்ற பயம் வந்தது, என்ன செய்யலாம் என யோசித்தவனுக்கு முனிவரின் நினைவுதான் முதலில் வந்தது. மீண்டும் அய்யா வேலை என்ற பூதத்திடம் சொன்னான்... என்னை முனிவரிடம் அழைத்துச்செல் என்று.

முனிவர் கேட்டார், நீ கேட்டதை கொடுத்தேனே இறைவனை பார்த்தாயா?
என்ன கைய புடிச்சி இழுத்தியா? (அய்யோ அய்யோ பதிவ ரொம்ப படிக்காதன்னு சொன்னா கேட்டாதான) என்ன இறைவனை பார்த்தாயா? சாமியாவது பூதமாவாது? இது மனுசன நிம்மதியா இருக்கவிடமாட்டேங்குது, அய்யா வேலை அய்யா வேலைங்குது, எனக்கு இந்த பூதம் வேண்டாம் நீங்களே திரும்ப பெற்றுக்கொள்ளுங்கள் என்றான்.

நம்மாளு சாமி இருக்குதோ இல்லையோ... இனி இந்த முனிவர் இல்லை... பூதம் கேட்கிற வேலைக்கு இடையில் இவரு வேதம் படிக்கிறாரா இல்லை பூதத்திற்க்கு சாப்பிட சாதம் போடுறாரான்னு (என்ன ஒரு வில்லத்தனம்) பார்க்கிறேன் என அமைதியாக நின்றான்.

முனிவர் சொன்னார், சரி பூதத்தை பற்றி நீ இனி கவலைகொள்ளத் தேவையில்லை நான் பார்த்துக் கொள்கிறேன் நீ செல் என்றார்.
அய்யா நான் உங்களுடன் அமர்ந்து கொஞ்சம் தியானம் செய்துவிட்டு போகிறேன் என்றான்.

முனிவரும் சரி அப்படியே ஆகட்டும் என்றார். அதற்க்குள் பூதம் அய்யா வேலை என்றது. முனிவர் சொன்னார், காட்டிற்க்குச் சென்று கழு மரம் செய்ய கூடிய ஒரு நல்ல மரத்தைக் கொண்டுவா என்றார். உடனே கொண்டு வந்தது. சரி அதில் நன்கு விளக்கெண்ணையை தடவு என்றார்... ஆச்சு என்றது பூதம். சரி நான் கூப்பிடும் வரை அதில் ஏறி இறங்கி கொண்டிரு, தேவையிருப்பின் உன்னை அழைக்கிறேன் என்றார். பூதமும் அப்படியே ஆகட்டும் என்று தன் வேலையை பார்க்க போயிற்று… அய்யோ பாவம் பூதம்.

முனிவரோ அமைதியாக வேதங்களை படிக்க ஆரம்பித்து விட்டார்.

முந்தி முந்தி...

2010-09-29T16:20:00.010-04:00

முந்தி முந்திச் சென்றேன்
முச்சந்தியில் முட்டி நின்றேன்
முதலில் முட்டியது நானில்லை என்று
முரண்டு பிடித்ததில் - பயன் ஏதுமில்லை.

அபராத புள்ளிகள் மூன்று
அபராத வெள்ளிகள் முன்னூறு
முச்சந்தி என்பதால்
மூன்றும் முன்னூறும் - முழுவதுமாய் எனக்கே.

முந்திச்செல் என்று ஒரு மூளை
ஊளையிட்டாலும், இப்போது
மூன்றும் முன்னூறும்தான் முந்திச் செல்கின்றன
முந்தாமல் நான் – முழுக்கட்டுப் பாட்டில்.

மூன்று முகம்

2010-09-24T11:28:00.001-04:00

முகப்புத்தகத்தில் தன் நிஜமுகத்தை இழந்து
அறி-முகமில்லாரோடு அன்பாய் பழகி
முகமெல்லாம் சந்தோஷம் – உலகமெங்கும் நண்பர்கள்
முகம்மறந்து போனேன் – உள்ளூர் நண்பர்கள் யாரென்று.

முகப்புத்தகத்தை கண்டெடுத்தவன்
முகமறியா முன்கோபம் கொண்டேன்
முட்டாள், ஐனூறு மில்லியன் முகத்தை ஒருமுகமாக்கி
எழுனூறு பில்லியன் மணித்துளிகளை மரணித்துவிட்டானென்று.

வாய்ப்புகள் நிறைந்த நாட்டில் தற்போது வேலையிழப்பு
அதனால் கல்வியின் முகவரியிழப்பு - வேதனை
கொட்டி கொடுத்திருக்கிறாய் நூறு மில்லியன்
இன்று உன் முகமும் தெரிந்தது, அகமும் தெரிந்த்து
இருபத்தியாறு வயதில் இணையில்லா – சாதனை.

மெது ஓட்டம்...

2010-09-17T10:52:00.006-04:00

அந்தி மாலை
பசுமைச் சாலை

உச்சியிலிருக்கு நிலவு
வீடு இருக்கு தொலைவு

குறிலைக் (பம்பு) கண்டேன் வந்தது தாகம்
நெடிலைக் (பாம்பு) கண்டதும் கொண்டேன் வேகம்

விரைந்து வந்து தொட்டேன் இல்லக் கதவு
மறக்கும் முன் இட்டேன் இந்தப் பதிவு.

அன்றும்... இன்றும் – 2

2010-09-16T18:32:00.003-04:00

அன்று, மாலை வழக்கம் போல் பூப்பந்து விளையாடிவிட்டு சற்று இளைப்பாறும் வேளையில் அந்த வருடத்திற்க்காண விளையாட்டுப் போட்டி நடத்துவது குறித்து பேச்சு வந்தது. உடனே ஒரு மூத்த உறுப்பினர் சொன்னார் சரி அனைவரும் இன்று இரவு யோசித்து வந்து சொல்லுங்கள், இந்த வருடம் சென்ற வருடத்தைவிட சிறப்பாக செய்ய வேண்டும். மற்றவைகளை நாளை பேசலாம். (ஏன் பெரிசு எங்ககிட்ட எல்லாம் ஒரு வார்த்தை கேட்டுபுட்டு சொல்ல மாட்டீங்களா?)

இன்று, நண்பர்கள் ஒருவருக்கொருவர் கைத்தொலைபேசியில் அழைத்து இந்த ஆண்டு கைப்பந்து விளையாட்டுப் போட்டி நடத்துவது குறித்து பேச, உடனே ஓரிரு தினங்களில் ஒரு குழுச் சந்திப்பிற்கு ஏற்பாடு செய்யப் பட்டது. (என்னப்பா எல்லோருக்கும் ஓ.கே-தான? இல்லன்னா சொல்லுங்க சந்திப்ப ரெண்டு நாள் தள்ளி வச்சிக்கலாம்...அது சரி)

மாலை விளையாட்டு முடிந்தவுடன் மூத்த உறுப்பினர் வழக்கம் போல் தேனீர் அருந்தும் போது அனைவரையும் விழா பற்றிய விருப்பங்களை கேட்டு சிறப்பு விருந்தினராக யாரை அழைப்பது, முதல், இரண்டு மற்றும் மூன்றாம் பரிசுத்தொகை எவ்வளவு, யார் யார் எந்த வேளையை பார்க்க போகிறோம் என்பதும், எப்போது என்பதும் முடிவாகியது. (திண்ணையும் சொம்பும் இல்லாமலேயே தீர்ப்ப சொல்லி முடிச்சிட்டா எப்பூடி? ரொம்ப லோக்கலால்ல இருக்கு!)

குழுச் சந்திப்பில் முதல் வேலையாக, வருகை பதிவேட்டில் கையொப்பமிட்டு யார் இந்த நிகழ்வை/குழுவை தலைமை தாங்கி நடத்துவது என்பதற்க்காண வாக்கெடுப்பு மற்றும் வெவ்வேறு குழுக்களின் தலைமை மற்றும் குழு உறுப்பினர்கள் யார் என முடிவு செய்யப்பட்டது. (என்னதான் இருதாலும் படிச்சவங்க இல்லியா? ஜனநாயக முறைப்படி நடந்துகிறாங்க... திங்க் குளோபல்!!)

நான் நம்ம காவல் நிலையம் சென்று புதிதாக வந்துள்ள சட்ட ஒழுங்கு ஆய்வாளரை விழாவிற்க்கு அழைக்கிறேன், அவர் விளையாட்டு பிரியராம். (திடலிலேயே முடிவு எடுத்திடுராங்க, திடமான முடிவாய் எடுக்கிறாங்க).

நான் நம்ம நகைக் கடைக்கார்ர பார்த்து பரிசுக்காண ஏற்பாட்டை செய்திடுறேன். ( நம்பிக்கையும் வாக்கும் தானே வாழ்க்கை)

நான் நம்ம அரிசி மண்டி தம்பி, மற்றும் மளிகை கடைகளை பார்த்து உணவுக்கு பொருட்களை தயார் பண்ணிடுறேன். (வருசா வருசா கேட்டாளும், எப்படி அண்ணே உதவி பண்ணுறீங்க... ரொம்ப பெரிய மனசுன்னே)

நான் நம்ம அச்சகத்துல கொஞ்சம் நோட்டீஸ் அடிக்க சொல்லிட்டு, அப்படியே நிருபரை பார்த்து செய்திதாள்கள்ல வர ஏற்பாடு பண்ணிடுறேன். (ஹேய்... அந்த கலர் நோட்டீஸ்தான? சைக்கிள்ல போயி குடுப்பீங்களா இல்லை மாட்டு வண்டியா?)

டேய் குட்டிப் பசங்களா... நீங்கதாண்டா களப்பணி எல்லாம் செய்யனும்... தயாரா இருங்க. (சின்ன பிள்ளைகலா வேலை செய்தாலும் சிறப்பா செய்வோம்ல)

விழாக் குழு தலைவர்... யார் சீஃப் கஸ்ட காண்டாக் பண்ண போறீங்க? நம்ம குழுவப் பத்தி ஒரு மெயில் அனுப்பி அப்பாயிண்ட்மெண்ட் வாங்கிக்கோங்க. ஒன்னுக்கு ரெண்டுபேரா பார்த்து பேசுங்க. ஒருத்தவங்கதான் வருவதா இருந்தா அவங்களே எல்லா பரிசையும் கொடுக்கட்டும். ரெண்டு பேர் வந்தா இன்னொருத்தவங்க நம்ம வாலியண்டர்ஸுக்கு மெமண்டோ கொடுக்கிற மாதிரி பண்ணிடலாம் (ரூம் போட்டு யோசிக்கிறாங்க...பிளான் – ஏ, பிளன் – பி எல்லாம் இல்லாட்டி எப்பூடி?)

பைனான்ஸ் டீம்: பட்ஜெட் தயார் பண்ணிகிட்டு இருக்கோம், ஸ்பான்ஸர்ஸ் லிஸ்ட் அடுத்த வாரம் தயார் ஆயிடும். (பார்த்து பட்ஜெட்ல துண்டு விழுந்திட போகுது....அவ்வ்வ்வ்வ்)

லாஜிஸ்டிக் டீம்: நாங்க விளையாட்டு திடல், பந்து மற்றும் வந்து போகிறவர்களுக்காண சாப்படு உதவி/ஏற்பாடுன்னு வேலைய பிரிச்சிக்கிறோம். (ஸ்பான்ஸ்ர்ஸ்க்கு பூத் கொடுக்கனுமா? அவங்க எல்லாம் கோவிச்சிக்க போறாங்க)

கம்மியூனிகேஸன்ஸ் டீம்: நாங்க மெயில் எஸ்கலேசன், கடைகளுக்கு ஃபிளையர்ஸ், நியூஸ் ஜேர்னல்ஸ் போஸ்டிங் (தமிழ் மணத்துல உண்டா?) வேலைகள பார்த்துக்கிறோம். (அய்யோ... இன்னொரு ஜங்க் மெய்லா? ஏன் பில்டர் ஆவுல?)

யூத் டீம்... நீங்க உங்களுக்கு பிடிச்ச டீம்ல உதவி பண்ணுங்க. உங்க திறமைகள வளர்த்துக்க இந்த விழாவை சரியா பயன்படுத்திக்கோங்க. (அதெல்லாம் நாங்க பண்ணுவோம், நீங்க எல்லாம் உள்குத்து இல்லாம வேலை செய்ங்க)

அன்றும் விழாக்கள் சிறப்பாக நடந்தன,
இன்றும் விழாக்கள் சிறப்பாக நடக்கின்றன.

அன்று ஒரு குடும்பமாய்...
இன்று பல குழுக்களாய்.

எந்திரன்... மந்திரன்... தந்திரன்

2010-08-31T12:28:00.001-04:00

பல திறமைசாலிகள் ஒன்றிணைந்து விரைவில் நாம் வெள்ளித்திரையில் காணக் கிடைக்கப்போகும் ஒரு பெரிய விருந்து எந்திரன். இது தமிழ் சினிமாவில் ஒரு மைல் கல்லாக அமையும் என்பது எல்லோரும் எதிர்பார்க்கும் ஒன்று. மிகப் பெரிய வெற்றி பெற்றால் தமிழ் சினிமாவின் ஒரு புதிய தொலவை காட்டும் கல், சராசரி படமாக இருந்தால் சினிமா என்ற நெடுந்தொலைவு பயணித்தில் சற்றே அமர்ந்து செல்ல ஒரு ஒய்வுக் கல்.

எந்திரன்... ரஜினி, அவர்தானே கதாநாயகன். ஒரு சராசரி சினிமா ரசிகனுக்கு என்ன எதிர்பார்ப்பு இருக்குமோ அதை தருவதில் ரஜினி என்றும் ஏமாற்றியது இல்லை. ஆக்‌ஷன், ஸ்டைல், சிரிப்பு, டயலாக் டெலிவரி... அது குசேலனோ, சிவாஜியோ இல்லை எந்திரனோ அவர் பகுதியை சிறப்பாக செய்திருப்பார்.

மந்திரன்... சங்கர், அவர்தானே இயக்குனர். தன் ஒவ்வொரு படத்திலும் தன்னுடைய முந்தைய படத்தினை விட அடுத்த ஒரு படி மேலே செல்ல என்ன செய்ய வேண்டும் என யோசிப்பவர். சிவாஜி இயக்குனர் சங்கரை வெல்வது எப்படி என சிந்தித்து நிச்சயமா எந்திரனில் பல புதிய மந்திரங்களை உச்சரித்து இருப்பார்.

தந்திரன்... கலாநிதிமாறன், அவர்தானே தயாரிப்பாளர். வியாபார தந்திரம் அறிந்த எந்திரன் & மந்திரன். காசை போட்டு காசை எடுக்கும் இயந்திரம் எந்திரன் என்பதை அறிந்து இயக்குனர் கேட்ட கோடிகளை கொட்டிக் கொடுத்த (கேடி) மந்திரன். இசைத் தகடு வெளியீட்டை வெளிநாட்டில் (மலேசியாவில்) வெளியிட்டு முதல் வருமானத்தை வெள்ளிகளில் (டாலர்களில்) வெள்ளாமை செய்ய ஆரம்பித்து விட்டார். இனி எந்திரன் எழுத்தது, ஆயிபோனது, பல்துலக்கியது என்று இரவு எந்திரன் தூங்கப்போனது வரை அனைத்தையும் சன் நெட்வொர்க்கில் நீங்கள் பார்த்து ர(இம்)சிக்கலாம். அதுதானே அவரது வியாபார தந்திரம்.

எந்திரனோ, மந்திரனோ இல்லை தந்திரனோ, ஒரு இந்திரனாக தமிழ் சினிமா ரசிகர்களை இரட்சித்து மகிழ்விக்க வேண்டும்.

கலியுகமா இல்லை பலியுகமா?

2010-08-23T12:31:00.000-04:00

ஆட்டுரலில் குழவி நின்று கல் சுற்றியது
கலி காலமாம்

தொடர்வண்டி நீராவியில்லாமல் ஓடுகிறது
மின்சாரத்தின் உதவியாம்

தொடர்பில்லாமல் தொலைக்காட்சியும் தொலைபேசியும்
தகவல்தொடர்பின் புதுப் பரிணாமமாம்

கடல் நீரைக் குடி நீராக்கி குடிக்கப்போகிறோம்
சுழற்ச்சி மாற்றமாம்

ஆமாம், இவையெல்லாம்
கலியுகத்தின் மாற்றம் பலியுகத்தின் தோற்றம்.

மறந்து விட்டோம் பண்பாட்டை
இழந்து விட்டோம் செயல்பாட்டை

அறிவியல் ஆடுகிறது வேட்டை
ஓசோனில் போடுகிறது ஓட்டை

தெரிகிறதா அதுகாட்டும் நடைபாட்டை?
அடையப்போகிறோம் விரைவில் சுடுகாட்டை.

வண்ணாந்துறை

2010-08-01T19:50:00.004-04:00

ஒவ்வொரு நாட்டிலும் சைனா டவுன் இருப்பது போல் வண்ணாந்துறையும் இருக்கும் போல, சென்னையில் அது வண்ணாரப் பேட்டை, சிங்கப்பூரில் அது தோபி காட் (பிரிட்டிஷ் காலணிகளில் என்று நினைக்கிறேன்).

அன்று வண்ணாந்துறையில் அழுக்கு வெளுக்கப் பட்டு பலரும் பொலிவுடன் வளம்வர காரணமாயிருந்து உள்ளது. இன்று அந்த வண்ணாந்துறைய மையமாக வைத்து ஒரு சிறந்த தமிழ்ப் படம் வந்துள்ளது. இது தமிழ் சினிமாவில் உள்ள இன்றைய இயக்குனர்களின் மனதை வெளுக்குமா?

ஒரு படத்தின் கதாநாயகன் அதன் இயக்குனர் என்பதில் எனக்கு மாறுபட்ட கருத்து கிடையாது, ஹீரோ-தான் மாஸு என சொல்பவர்கள் என் பார்வையில் வெரும் லூஸு. வெரும் வெளிர் வெள்ளை வேட்டியில் ஒரு கதா நாயகனை இன்று நம் கண்ணில் காட்டியுள்ளது இப்படம்.

வடநாட்டு கோழியைப் போட்டு வறுத்தால் மசாலாவாக இருக்கும் என்று எண்ணி கதையை நம்பாமல் வெள்ளைச் சதையை நம்பி படம் பண்ணும் இயக்குனர்களின் நம்பிக்கையை வெளுக்க இதோ ஒரு தமிழ்ப் படம். அறைகுறை ஆடையில் (ஏமி ஜாக்ஸன்) – அள்ளித்தர இருந்தாலும் அவரை அழகியாக (ஏமி மில்கின்ஸனாக) காட்டியவர் இப்பட இயக்குனர்.

டெக்னாலஜி ஹாஸ் ஸோ இம்ப்ரூவ்ட் ஆனால் இயக்குனர் சைக்காலஜி ஹாஸ் ஸோ டேமேஜ்ட், கணணி வரைகலையை இப்ப உள்ள படத்துல பார்த்து கண்கள் அவிந்து போனதுதான் மிச்சம் என்று சொல்லும் அளவிற்கு கதாநாயகன் கைய தூக்குனா மின்னல் வெட்டுது, கால தூக்குனா பொறி பறக்குது, கதாநாயகி நடந்து வரும்போது கலர் கலரா உடை மாறுது என்ற மாயை கலர்களை வெளுத்து சிங்கார சென்னையை கருப்பு வெள்ளையில் அழகாக காட்டுவதற்கு கணணி வரைகலையை பயன் படுத்திய இயக்குனருக்கு ஒரு ஹேட்ஸ் ஆஃப்.

இப்படி பல இடங்களில் வெளுத்து வாங்கி,

தமிழ் சினிமாவில்
கதைக்கு இல்லை வெற்றிடம்
சதைக்கு இல்லை புகளிடம்
நல்ல இயக்குனரிடம்
மனம் இருந்தால் எடுக்கலாம்
மதராசப்பட்டினம் போல் வெற்றிப்படம்

மதராசப்பட்டினம் – இன்றைய தமிழ் சினிமா இயக்குனர்களின் மன அழுக்கை வெளுக்க வந்த வண்ணாந்துறை.

எனக்கு சாதி பிடிக்கும், மதம் பிடிக்கும்

2010-07-31T16:09:00.003-04:00

சத்தியமாய்
சாதிப் பிடிக்காது
ஆனால்
மதம் பிடிக்கும்.

மதம் பிடிக்கும்
சில சமயங்களில்
எனக்கு
சாதியைப் பிடிக்கும்

சண்டாளா
சாதி மதம் பிடிக்காதென்று
பதிவு எழுதி பேசியது?

பேசியது உண்மைதான்...
சாதிகள் இரண்டொழிய வேறில்லை
அதை மீண்டும் உணர்த்திச் சொல்லப் பதிவு

பதிவெழுதி பதிவெழுதி
பலவேலைகளை நான் கால தா-மதம் செய்தும்
அதை பொருட்-படுத்தாத
என் பெண்-சாதியை பிடிக்கும்
அதை பொருட்-படுத்தினாலும்
மதம் பிடிக்காத பெண்-சாதியை பிடிக்கும்

தா-மதம் தா-மதம் என்றாலும்
இன்னுமொரு இடுக்கை இடவில்லையா
என பதிவெழுத சம்-மதம் சொல்லும்
மதம் பிடித்த பெண்-சாதியை பிடிக்கும்.

குடைச்சல்...

2010-07-28T14:44:00.001-04:00

ஒருவன்தான் உணவுண்டேன்
சோற்றுடன் கறி ஒன்று
ஒழித்துப் போட்டேன்
பத்துப்பசை பாத்திரங்கள் ஒன்பது
கழுவிப் போட்டேன்
கையெல்லாம் வலி குடையுது

என்னவளை எண்ணினேன்
நித்தம் கறி இரண்டு
ஒழித்துப் போடப்போட
வற்றா பத்துப்பசை பாத்திரங்கள்
கைவலித்ததாய் செவிமடிக்கவில்லை
மனதெல்லாம் வலி குடையுது

கவி.பர்வீன் சுல்தானாவிற்கு நன்றி

2010-07-28T14:30:00.001-04:00

கம்பன் வீட்டுக் கட்டுத்தறியும் கவிபாடுமென்பது – அன்று
கருணாநிதி வீட்டிக் கட்டில்தறி கவிபாடியது – இன்று

கவிஞர் பர்வீன் சுல்தானா
கவிஞர் பர்வீன் சுல்தானா
கவிதையாய்
பாரில் இனி உன் தமிழ் சொல் தானா?

அவையில் உங்களை
பேசச்சொல்லி அழைத்தவர் துணைத்தலைவர் ரவி
கேட்டு ரசித்ததோ அவையில் உள்ளோரின் செவி.

தலைப்போ சிகரம் தொட்டு
தலைப்போ “பெண்மையின்” சிகரம் தொட்டு
திகைத்தோம் உங்கள் உரையைக் கேட்டு
காரணம் – நீங்கள் பேசியவை
ஒவ்வொன்றும் எங்கள் மனதைத் தொட்டு.

நீங்கள் பேசியதெல்லாம் பெண்ணின் “சுயம்”
அதைக்கேட்ட ஆண்களுக்கு சற்றே பயம்.

அகநானூறு சொன்னீர், புறநானூறு சொன்னீர்
ஆம், அகம் சொன்னீர், புறம் சொன்னீர்
அகமோ, புறமோ
உங்களால் இந்த முத்தமிழ் விழாவில் நாங்கள் பெற்றது
தமிழ் எனும் சுகம் சுகம் சுகம்.

கொசுத் தொல்லை...

2010-05-11T13:04:00.002-04:00

அமெரிக்கா வந்த ஐந்து ஆண்டுகளில் நான் (ஏன் இந்த கொசுக் கடிய ஒவ்வொரு தேசியும் அனுபவிச்சி இருப்பாங்க) அதிகம் கடி பட்டது இரண்டு கொசுக்களிடம். ஒன்று தேசிக் கொசு, மற்றொன்று விதேசிக் கொசு. இந்த ரெண்டு கொசுக்களை அடையாளம் காணுதல், அவற்றை கையாளுதல் மட்டுமே இந்தப் பதிவின் நோக்கம். நகச்சுவைக்காக மட்டுமே, யார் மனதையும் புண்படுத்த அல்ல.

தேசிக் கொசு:

இந்தக் கொசு தேசியை மட்டும்தான் கடிக்கும். இது மளிகை கடை, காய்கறி கடை மற்றும் வால்மார்ட் போன்ற தேசிகள் அதிகம் நடமாடும் இடங்களில் தென்படும். இது உங்களை பார்த்தவுடன் சிரிக்கும், நீங்கள் பதிலுக்கு சிரித்தவுடன் (சிரிக்கா விட்டாலும்) உங்களை எங்கயோ பார்த்த மாதிரி இருக்கே என்று குசலம் விசாரிக்கும். பிறகு பழகுவதற்க்கும், தொடர் நட்பிற்க்கும் என்று சொல்லி உங்கள் தொலைபேசி எண்ணை கேட்கும். தொலைபேசியில் அவ்வப்போது தொடர்பு கொண்டு மீண்டும் சந்திக்கலாம் என்றும், வீட்டிலிருந்தபடியே பணம் பண்ணலாம் என்றும் கடிக்கும். இந்த சிறுகடி ஒரு நாள் பெருங்கடியாக மாறும். இது ரொம்ப சமர்த்தான கொசு கடைசி வரை ஏன் கடிக்கிறேன் எதுக்கு கடிக்கிறேன் என்று சொல்லாது... ஆனா கடிக்கும். இந்த கொசு உங்களை ஒரு வியாபார குழு சந்திப்பிற்க்கு அழைக்கும், உங்களுக்காக அது ஒரு இருக்கையை முன்பதிவு செய்திருப்பதாக சொல்ல... சிறுது நேரத்தில் ஒரு கொசுக் கூட்டம்... உங்கள் காதில் (கிழிய) ரத்தம் வர வர கடிக்கும். நீங்கள் கொஞ்சம் ஏமார்ந்தால் அன்றே அது உங்கள் மணி பர்சையும் கடிக்கும்.

இந்த கொசுக்களை நீங்கள் எளிதில் அடையாளம் காணலாம். மேற்ச்சொன்ன இடங்களில் இந்தக் கொசு வெறும் வண்டியுடன் (எம்டி கார்ட்) சுற்றும்.
இந்தக் கொசுக்களை சமாளிப்பது எப்படி? அது மிகச் சுலபம். உங்கள் தொலைக்காட்சி பெட்டியில் வரும் மன மகிழ்வு தொலைபேசி எண்களை (உதாரணத்திற்கு, கொஸ்ட் எண்) நினைவு படுத்தி அதை அந்தக் கொசுவிடம் கொடுத்து விடுங்கள். பிறகு என்ன? உங்களுக்கு ஜாலி... கொசுவுக்கு டென்சன்.

விதேசிக் கொசு:

இந்தக் கொசு பெரும்பாலும் தொடர் குடியிருப்பில் உள்ள அனைவரையும் கடிக்கும். இது சனிக்கிழமை அல்லது விடுமுறை நாட்களில் உங்கள் கதவை தட்டும். உங்கள் நாடு மற்றும் அமெரிக்கா பற்றிய சில நல்ல விசயங்களை கடித்துவிட்டு மெல்ல உங்களை சமயம் பற்றி கடிக்க ஆரம்பிக்கும். இந்த கொசு பரிசுத்த வேதகாமம், பழைய/புதிய ஏற்பாடுகளில் இருந்து சில நீதி/வசனம் என்று சொல்லியும், உங்களை வருகின்ற ஞாயிற்றுக் கிழமை கூட்டு பிரார்த்தனைக்கு வாங்க என அழைத்துக் கடிக்கும்.

இந்தக் கொசுவையும் நீங்கள் எளிதில் அடையாளம் காணலாம். இந்தக் கொசு வீட்டிற்க்கே வந்து கதவை தட்டி கடிப்பதால், கையில் உள்ள விசயங்களை வைத்து முடிவு செய்து விடலாம்.

இந்தக் கொசுக்களை சமாளிப்பது எப்படி? இந்த விதேசிக் கொசு தேசிக் கொசுக்களைக் காட்டிலும் பல மடங்கு நல்ல கொசுக்கள். இதன் நோக்கம் நல்ல(?!) நோக்கம் என்பதாலும், கடிக்கும் போது நல்ல விசயங்களை சொல்லி கடிப்பதாலும் இந்தக் கடியை பொருத்துக் கொள்ளலாம். மேலும் இதை உங்கள் மன நிலைக்கும், பக்குவத்திற்க்கும் ஏற்ப்ப இதைக் கையாளலாம். உதாரணத்திற்கு, கார்ட் ப்ளஸ் அமெரிக்கா, பிறகு சந்திப்போம் என்று சொல்லி அனுப்பி விடலாம். இல்லை எனில் இந்தக் கொசு பரிசுத்த வேதகாமம் என்று ஆரம்பிக்கும் போது நீங்களும், பகவத்கீதை, சுலோஹம் 67, ஸ்ரீ பகவானுவுவாச்ச-ன்னு உங்க பராக்கிரமத்த (கடிதான்) காட்டலாம்.

அன்புடன் அழைக்கிறேன்...

2010-05-10T18:00:00.000-04:00

நீங்கள் அட்லாண்டா (அமெரிக்கா – ஜார்ஜியா மாகாணம்) வாழ் தமிழராகவோ அல்லது அட்லாண்டா அருகில் வாழும் தமிழார்வம் கொண்டவராகவோ இருப்பின் உங்களை கேட்ஸ் – கலிஃபோர்னியா தமிழ்க் கழகத் தமிழ்ப் பள்ளிகளின் முதலாம் ஆண்டு விழாவிற்க்கு, விழாக் குழுவினரின் சார்பில் உங்களை வருக வருக என வரவேற்ப்பதில் பெருமகிழ்ச்சி அடைகிறேன்.

நாள் : மே 16, 2010 ஞாயிற்றுக் கிழமை
நேரம்: மதியம் 2 மணி முதல்
இடம் : இண்டிபெண்டன்ஸ் உயர் நிலைப் பள்ளி,
மில்டன் மையம், 86 – ஸ்கூல் டிரைவ், அல்ஃபரட்டா, ஜார்ஜியா – 30009.

நிகழ்ச்சிக் குறிப்பு : 141 குழந்தைகளுக்கு கல்வியாண்டு சான்றிதழ் வழங்குதல், அவர்களின் கலை நிகழ்ச்சிகள் – ஆடல், பாடல், நாடகம், வில்லுப் பாட்டு, காவடியாட்டம் போன்ற தமிழ்க் கலாச்சார மற்றும் பண்பாட்டு கலைகளுடன்.

150-க்கு மேற்ப்பட்ட தமிழ்க் குடும்பங்கள் மற்றும் தமிழ் ஆர்வளர்களின் சந்திப்புக்கள்.

உங்கள் பகுதியில் புதிய கல்விக்கூடம் அமைப்பதற்க்காண வழிகாட்டுதல்கள்.

இளவேனில் கால மஞ்சள் நீராட்டு

2010-04-12T12:38:00.000-04:00

இளவேனில்...

ஊரெல்லாம் மஞ்சள்
மகரந்தத்தின் கொஞ்சல்
இது
இளவேனில்கால கெஞ்சல்
வரும் கோடைக்கான அஞ்சல்

மஞ்சள் நீராட்டு...

கை படாமல் கார் வாஷ் செய்து
கராஜில் நிற்காமல் காற்றாட நின்றவளை

அங்கமெல்லாம் மஞ்சள் பூசி சென்றவன் எவன்?
அவள் மாமனோ? அவன் பெயர் போலனோ?

ஓவ்வாமை...

காதலி
காதோடு ஆடுது கம்மல்
காரணி
உன்னால் வந்த தும்மல்.

இவர்கள் சந்தித்தால்....

2010-04-09T18:38:00.008-04:00

மரப் புலியும்... அதாங்க டைகர் உட்ஸ்-ம், நம்ம காவிப் பு(போ)லியும் சந்தித்தால் என்ன பேசிப்பாங்க?
மரப் புலி: நான் ஒரு விளையாட்டுப் பிள்ளை, என்னை வீணா வாம்புல மாட்டி விட்டுட்டாங்கையா... என் பெண்டாட்டி ஒரு பக்கம், பத்திரிக்கை காரர்கள் ஒரு பக்கம்ன்னு பின்னி எடுத்துட்டாங்கப்பா.

நித்தி: எங்க ஊருல பெண்கள் புலிய முரத்தால் அடித்ததாக வீர வரலாற்று செய்திகள் இருக்கு, ஆனா முகத்துல அடிச்சதா இல்லை. நீ வேஸ்ட்டப்பா. மூஞ்சில அடிவாங்கின சரி, காரை ஏன் கொண்டி மரத்துலயும் ஃபயர் ஹைட்ரண்ட் மேலயும் மோதின?

புலி: உண்மைதான் சாமி, எனக்கு உங்களவுக்கு திறமை இல்லை. உங்க கூட ஆசிரமத்துக்கு வந்து கொஞ்சம் பயிற்ச்சி எடுத்துக்கனும். நீங்க ஜாலிய படுத்து இருக்கீங்க, எல்லாத்தையும் அந்த புள்ளையே பண்ணுது.

நித்தி: (மனசுக்குள்... அட பாவிங்களா, இவன் நம்மூரு டி.வி.யும் பேப்பரும் படிக்க மாட்டான்னு நினைச்சி கொஞ்சம் பில்டப் பண்ணுலாம்ன்னு பார்த்தா இமேஜ டேமேஜ் பண்ணிட்டீங்களா?) புலி அதெல்லாம் கிராபிஃக்ஸ், நம்பாதீங்க.

புலி: சாமி, விடுங்க சாமி காய்ச்ச மரம்தான் கல்லடிபடும்ன்னு சொல்லுவாங்க. இருந்தாலும் இந்த விவகாரத்துல உங்களுக்கு திறமை பத்தாது சாமி, நான் இதுமாதிரி காரியத்துக்கெல்லாம் தனி சொகுசு படகு வெச்சிருக்கேன்... தயங்காம கேளுங்க கொடுத்து உதவுரேன்.

சிறிது நாட்களுக்கு பிறகு...
சாமி: புலி, என்ன இஞ்சி தின்ன குரங்கு மாதிரி ஆயிட்டீங்க?

புலி: சாமி, தெரியாம ஒன்பது பொண்ணுங்கன்னு ஒலறிட்டேன், ஒழுங்கா மத்ததையும் மறைக்காம சொல்லுன்னு உட்காரவெச்சி கேள்வி மேல கேள்வி கேக்கிறாங்க சாமி

சாமி: என்ன பாருங்க... அதெல்லாம் அலிஹேஸன், கான்ஸ்பைரஸி, கன்ஃபியூஸன், மிஸ்ரெப்ரஸண்டேச்ஸன், மேனிப்புலேஸன், பெனிப்ஃட் ஆஃப் டவுட்டுன்னு சொல்லிட்டு... எனக்கு கும்ப மேலா வேல இருக்குன்னு எஸ்கேப் ஆயி ஹிமாச்சல் போயி செட்டில் ஆகிட போறேன்.

புலி: என்னமோ சாமி நீங்க ஸன்... ஸன்-ன்னு சொல்றீங்க, எந்த சன்ன சொல்றீங்கன்னு எனக்கு ஒன்னும் புரியல.

சாமி: உனக்கு ஒன்னும் புரியாது. இனிமேலாவது திருந்து, கேள்ஸ்ஸ விடு, கோல்ஃப் விளையாட்ட மட்டும் பாரு.

பழமையின் குதபகாலம் – பின்னூட்ட பதிவு

2010-04-08T18:04:00.009-04:00

சாமியார்களும் சந்திப்புகளும்

2010-04-08T16:39:00.001-04:00

சாமியார்கள் அன்றும் இருந்தனர், இன்றும் இருக்கின்றனர், சந்திப்புகள் அன்றும் நடந்தது, இன்றும் நடக்கின்றது. ஆனால் இன்று அந்த சந்திப்புகள் சந்தி சிரிக்கின்றன... காரணம் சாமிகள் இல்லை இன்றைய ஆசாமிகள்.

அன்று அருள் வேண்டி சென்றனர், இன்று பொருள் வேண்டி செல்கின்றனர். சாமியோ, சாமியாரோ... அவர்கள் என்ன கருவூலத்தின் காரியதரிசிகளா... நீங்கள் வேண்டியவுடன் காசு (பொருள்) கொடுக்க?

அன்று அமைதி வேண்டி நடந்த சந்திப்புகள்... சாமிகளை பார்க்க சென்றேன் ஒரு விடிவுகாலம் பிறந்தது என்று சொல்லுவார்கள். அது சாமியார் செய்த மாயமோ மந்திரமோ இல்லை, அங்கு நடந்த சந்திப்பினால் பெற்றது. உதாரணத்திற்க்கு எல்லா காரணிகளும் சரிவர இருந்தும் ஒரு சரியான மேளாலர் இல்லாததால் மனம் நொந்த ஒரு நிறுவனத்தின் முதளாலி, தன் நேர்மையான செயல்பாட்டால் வேலையிழந்த ஒரு தொழிலாளி, சாமியாரின் தரிசனத்திற்க்கு காத்திருக்கும் வேளையில் ஒருவருக்கொருவர் மனம் விட்டு பேசிக்கொள்கின்றனர், இருவரின் தேவைகளும், மன எண்ணமும்/ஓட்டமும் ஒரே அலைவரிசையில் இருக்க இவர் அவருக்கு, அவர் இவருக்கு என்று உதவ இருவரது வாழ்விலும் ஒரு முன்னேற்றம் ஏற்பட அது சாமிகளின் சந்திப்பால் உண்டானது என்று தோன்றி, மீண்டும் அங்கு செல்ல அடுத்த சந்திப்பில் அங்கு வேறு சிலரை சந்திகின்றனர், அவர்களுடைய தேவை ஒரு மருத்துவ உதவியாக இருக்க, அதற்க்கு இவர்கள் உதவ, இவர்கள் செயத அந்த “அறம்” தொண்டு மரமாக (விரிட்சம்) வளர்ந்தது. சாமியார் கற்றதும் பெற்றது ஏதும் இல்லை, மாறாக சாமியாரை காணவந்தவர் கற்றது பெற்றதும் அவரவர் கண்ணும் காதும் திறந்திருந்தற்க்கு ஏற்ப்ப. சாமியாரின் தரிசனத்திற்க்கு காத்திருந்த காலமும், அங்கு வந்திருந்தவர்களின் பிரச்சனைகளை பார்த்த/கேட்ட பிறகு தன் பிரச்சனை ஒரு விசயமே இல்லை எனவும், அதை தானே எவ்வாறு சரிசெய்து கொள்ளலாம் என நினைக்கத்தோன்றும் “சுய தேடல்” அடையும் மனத் தெளிவுமே நீங்கள் அங்கு பெற்ற ”அரு-மருந்து”.

இன்று, காத்திருப்பது காணாமல் போய் எல்லாவற்றிர்க்கும் ஒரு பரபரப்புடன் இருப்பதால் சாமியாரை பார்க்க ஒரு ”கால கட்டம்” அதற்கு கப்பம் ”கட்டாய கட்டணம்”, சாமியார் மருந்தாய் அருளுவது ஒரு ”காய கல்பம்”... என அல்பம் சொல்பம்-ஆகி விட்டது.

சாமியை தேடுவதற்க்குமுன் உங்கள் மனச் சாவியை தேடுங்கள், திறந்த மனதோடு உங்கள் குடும்பத்தினருடன் பேசுங்கள், நண்பர்களுடன் பேசுங்கள். உங்கள் பிரச்சனைகளுக்கான காரணங்கள் தோரணங்களாக மாறும்.

பொன்னேரு...

2010-04-05T12:05:00.002-04:00

ஏய் சின்னவனே, சாமி அலமாரியிலிருந்து பஞ்சாங்கத்த எடுத்துகிட்டு வாடா.

எந்த பஞ்சாங்கம் தாத்தா?

அந்த பாம்பு படம் போட்டிருக்குமே, கௌரி பஞ்சாங்கம்டா.

தாத்தா ஏதும் விசேஷம் வருதா நம்ம வீட்டுல?

ஆடி பொறந்துடுச்சில்ல, விதைவிட வேண்டாமா? பொன்னேரு கட்டுறதுக்கு நல்ல நாள் பாக்கனும்ல்ல அதுக்குடா.

தாத்தா... இன்னிக்கேவா பொன்னேரு கட்ட போரோம்?

இல்லடா... இன்னும் ரெண்டு நாள் கழிச்சி... புதன் கிழமை காலைல கட்டுவோம், நீ இப்ப பஞ்சாங்கத்த கொண்டுவந்து கொடுத்துட்டு... கொள்ளைல செல்லதுரை இருப்பான்... அவனை போயி மணவெளி பங்குல... சனி மூலைல காட்ட கழிக்க சொல்லு, வயல் பக்கம் கொத்தி போட்டுட்டு... அப்படியே வரப்ப செத்தி வெக்க சொல்லு... சாமிக்கு படையல் வைக்கினும்ல்ல அதுக்கு.

சரி தாத்தா.

[பொன்னேரு (பொன் + ஏர்)... வருடத்தில் ஒரு நாள் பொன்னேரு பூட்டும் நாள்... ஒரு சிறப்பு தினமாக இருக்கும்]

அன்று அவன் அம்மா அரிசியில் வெள்ளம், தேங்காய், எள்ளு எல்லாம் போட்டு அந்த பூட்டரிசி-யை தயார் செய்வாள், அது கூட அவல், வெள்ளம், பொட்டுக்கடலை கலவையும் இருக்கும். பிரப்பங் கூடையில் பூ, பழம், பூட்டரிசி போன்ற பூசை சாமான்களுடன் புதுப் பெண் போல் விதை நெல்லும் அதில் இருக்கும். தீபாவளிபோல் அதிகாலையில் குளித்து தயாராகவிடுவான் அவன்... தாத்தாவிற்க்கு முன் சனி மூலையில் சட்டான் பிள்ளையாய்.

மணல்வெளி என்பது ஒரு வயலின் பெயர், காவிப் படுகையில் இருமண் பாடு கொண்ட நிலம், பொன் போட்டால் பொன் விளையும் என்று அவன் தாத்தா சொல்லுவார். அதில்தான் வருடா வருடம் பொன்னேறு கட்டுவார். ஆடிப் பதினெட்டில் எப்படியும் காவிரி ஆற்றில் தண்ணி வந்துவிடும், அதற்க்கு இரு வாரம் முன்பாக பொன்னேறு கட்டி, மறு நாளே “மோட்டார் பம்ப்” குழாய் வழி நீர் பாய்ச்சி மணல்வெளி நிலத்தில் விதை தெளித்து... இரண்டு வாரத்தில் மற்ற நிலங்களுக்கு நாற்று தயாராகிவிடும். பொன்னேறு கட்டிய அன்று சட்டான் பிள்ளையாய் இருந்த அவன் நாற்றுடன் தானும் வளந்து, நாற்று பரிக்கும் போது தாத்தா சொல் கேட்கும் சமத்து பிள்ளையாய் அவன்.

வருடங்கள் உருண்டோடின...

அவன் பஞ்சாங்கம் பார்பதை தவிர்த்தான், காரணம் தாத்தா அவனை தவிக்கவிட்டு போனார் என்பதால் அல்ல, ஆடியில் காவேரியில் தண்ணீர் வருவது தவிர்த்து போனதால். பொன்னேரு மறந்து போனான், காரணம் அம்மா பூட்டரிசி செய்யாததால் அல்ல, வானம் பொய்த்து போனதால்.

இன்று அந்த
பொன்னேரு பூட்டிய விவசாயின் கண்ணில் கண்ணீரு,
பூட்டரிசி படைத்த வயல்வெளிக்கு இன்று வாய்க்கரிசி.

விவசாய நிலங்களில் பார் வீடு
வாய்க்கால் வரப்புகளில் தார் ரோடு
வித்திடுறான் இயற்கைக்கு சீர் கேடு
விழித்துக்கொள்... இல்லையேல்…
வாய்சோற்ற்க்கு ஏந்தனும் திரு வோடு

(காலிப் பெருங்காய டப்பா... ஆனால் அதன் மணம்... இன்றும் நறுமணமாய்)

துரியோதனன் – சொ.கா.சூ

2010-03-25T00:05:00.000-04:00

ஒருவர் நம் நம்பிக்கைக்கு பாத்திரமானவர் என்றால் அவர் சொல்வதை நாம் நம்ப வேண்டும்... இல்லையென்றால் சொந்த காசில் சூனியம் (சொ.கா.சூ) வைத்துக்கொள்ள வேண்டியதுதான்.

மஹாபாரதத்தில் அதை மிக அழகாக சொல்லியிருப்பதை பார்க்கலாம். கிருஷ்ணன் துரியோதனனை சந்தித்து பேசுகிறார், பேச்சுவார்த்தை தோல்வியில் முடிவடைகிறது. சரி இனி இவனிடம் பேசி பயனில்லை என்று கிருஷ்ணன் அவன் மாளிகையிலிருந்து புறப்படுகிறார். அப்படி புறப்பட்டு வரும் போது மாளிகை வாயில் பாதையில் அஸ்வதாமன் வருவதை பார்க்கிறார், துரியோதனன் கோபத்தில் மாடியில் குறுக்கும் நெடுக்குமாக நடந்து கொண்டிருப்பதையும் பார்க்கிறார். சரி இதுதான் சமயம் இவன வெச்சு அவன் மண்டைய குழப்பிட வேண்டியதுதான்னு முடிவு பண்ணி காய் நகர்த்துகிறார்.

எதிரணியில் கிருஷ்ணன் இருந்தாலும், அஸ்வதாமன் மரியாதை நிமித்தம் கை குவித்து கிருஷ்ணனுக்கு வணக்கம் தெரிவிக்கிறான். அதுதான் சமயம் என்று கிருஷ்ணன் தன் மோதிரத்தை கழட்டி கீழே விட, கிருஷ்ணன் மரியாதைக்குரியவர் என்பதால் அஸ்வதாமன் அதை குனிந்து எடுத்து கிருஷ்ணன் கையில் கொடுக்கிறான். கிருஷ்ணன் அதை நன்றியுடன் (சிறிது கயை பிடித்து அழுத்தி) வாங்கி கொள்கிறார். ஒன்றும் பேசிக் கொள்ளவே இல்லை, பிறகு இருவரும் வணங்கி விடை பெருகின்றனர்.

மாளிகையின் மாடியிலிருந்து இந்த காட்சியை ஊமைப் படமாய் துரியோதனன் பார்க்கிறான். கிருஷ்ணன் அஸ்வதாமனிடம் பேசி அவனை அவர்கள் (பாண்டவர்கள்) பக்கம் மாற்றிவிட்டான் என எண்ணுகிறான்.

இனி... துரியோதனனும் அஸ்வதாமனும் பேசிக்கொண்டது…

துரி: ஏண்டா பண்ணாட... அவ்ந்தான் நம்ம எதிரியாலுன்னு தெரியும்ல... அவன் கைல உனக்கின்னாடா பேச்சி வேண்டிகிடக்கு?

அஸ்: தோ...டா. என்னமோ புச்சா சொல்லவந்திட்டாரு. நாங்களும் உப்பு போட்டுதான் சோறு துண்றோம்... எங்களுக்கும் சொரண இருக்கு... நான் எவ்ன் கைலியும் பேஸ்ல... சும்மா மரியாதைக்காண்டி ஒரு அலோ சொல்லிகினோம்...
துரி: சரி நீ பேஸ்ல... உன்ன நம்பறேன்... ஒரு பேச்சுக்கு நீ பேஸ்லன்னே வெச்சுகிறன். நான் இங்கன இருந்ததால நீ பேஸ்னயா இல்லியான்னு என்னால கட்டன்ரைட்டா சொல்லமுடியல. ஆனா அவன் கைல அடிச்சி சத்தியம் பண்ணியே... இன்னா மேட்டரது... அத்த சொல்லு.

அஸ்: இன்னாது... நான் அவன் கைல அடிச்சி சத்தியம் பண்ணினா? யாம்பா... உன்கு ஏதாவது மண்ட கிண்ட ஓடிப்போச்சா? இல்ல... ராத்திரி அட்ச்ச மப்பு இன்னும் தெளியலயா?

துரி: நீ என் கைல டபாய்ககாத... என் ரெண்டு கண்ணால பார்த்தேன். தரையிலேருந்து மண்ண எடுத்து அவன் கைல அடிச்சி சத்தியம் பண்ணுன.

அஸ்: யோவ்... இன்னாயா உன்கூட படா பேஜாராகீது... பேசாதத பேஸ்னேங்கிற... செய்யாதத செஞ்சேங்கிற... இத்தான் பெரியவங்கோ சொல்றத கேட்கனுங்கிறது. நீ யான் தோஸ்த்து, நீதான் எனக்கு முக்கியம்னு... நீ தப்பானவன்னு தெரிஞ்சும் உன்கு உதவ வந்தம் பாரு... எம்புத்திய ஜோட்டால அடிக்கனும்... அக்காங்.

(எது எப்படியோ, கிருஷ்ணன் அவர் நினைச்ச வேளைய கச்சிதமா செய்து முடித்திட்டார்).

கண்ணால் காண்பதும் பொய், காதால் கேட்பதும் பொய், உடையவரிடம் நேரடியாக கேட்டு தெரிந்து கொள்வதே மெய்.

எனக்கு பிடித்த பத்து பெண்கள்...

2010-03-18T00:30:00.002-04:00

என்னை நண்பர் கோபி பிருந்தாவனத்திலிருந்து இந்த தொடர் பதிவிற்க்கு அழைத்திருந்தார். நன்றி கோபி... இனி கூப்பிட்டா நிபந்தனை இல்லாம கூப்பிடுங்க. இல்லையா நிபந்தனைய கொஞ்சம் தளர்த்திக் கொள்ளலாம் என சொல்லுங்களேன். (சரி... சரி... ஏன் இவர கூப்பிட்டோம்ன்னு வருத்தப் படாதீங்க). கற்ப்புக்கரசி ஒருவரை சொல் என்றால் கண்ணகிக்குமுன் நமக்கு நினைவிற்க்கு வரவேண்டியவர்கள் நம் அன்னையும் பிறகு (திருமணமாகியிருந்தால்) நம் மனைவியுமாக இருக்க வேண்டும் என்பது என் கருத்து. நிபந்தனை இல்லையெனில் கொஞ்சம் சோப்பு போட்டிருக்கலாம்...

1. குண்டு டீச்சர் : செம்பனார்கோவில் உதவி பெரும் நடு நிலைப்பள்ளியில் என் முதல் வகுப்பு ஆசிரியை, பெயர் ஜெயலெட்சுமி. நான் காலந்தவறாமையை கற்றுகொண்டது இவரிடம்தான் என்பேன். உட்கார்ந்த இடத்திலிருந்தே நெய்வேலி காட்டாமணி-யால் வகுப்பு எடுத்தவர். இவர் எனக்கு பிடித்தவர் மட்டும் அல்ல என் மனதில் பசுமரத்து ஆணியாய் பதிந்தவர்... எனக்கு முதலில் பிடித்தவர்.

2. அவ்வையார் : திருவள்ளுவரின் இரு வரியில் நான் உலகை அறியும் முன் ஒரு வரியில் பல உண்ணதங்களை “ஆத்திச் சூடி”-யின் மூலம் அறிய செய்தவர். அறம் செய விரும்பு, ஆறுவது சினம்... அவரை மறக்குமா என் மனம்?

3. புஷ்ப்பவள்ளி டீச்சர் : மயிலாடுதுறை தி.ப.தி.அர. மேனிலைப் பள்ளியில் எனக்கு ஆங்கிலம் சொல்லிக் கொடுத்தவர். அவர்களை பிடிக்க இரண்டு காரணங்கள், 1. எப்போதும் புன்னகை, 2. மாணவர்களின் மனமறிந்து பாடம் சொல்லிக்கொடுத்த தன்மை. வெட்கப்படாமல் தந்தி ஆங்கிலம் பேசு என்று தட்டிக்கொடுத்தவர்... ஏறிங் த மாடி, அடிச்சிங் த பம்ப் என்று சொல்லு என சொல்லி... சிரிக்காமல் புன்னகைத்தவர். (டீச்சருக்கு தெரியாது, தந்திக்கு பிறகு இண்டர்னெட்டு, ஈமெயிலு-ன்னு வந்திருச்சு... ஆனா தம்பி இன்னும் தந்திதான் அடிச்சிகிட்டு இருக்காருன்னு...அவ்வ்வ்வ்வ்வ்வ்வ்வ்)

4. மேரி-கியூரி : மரியா எனும் இயர்பெருடன் பிறந்து, மணமானபின் கணவர் பியரி-கியூரின் பெயரால் மேரி-கியூரி ஆகி அணு ஆராய்ச்சியில் நோபல் பரிசு பெற்றவர். கணவன் இறந்த பின் கைம்பெண்ணாக இருக்காமல் கியூரி அணுகதிர்வீச்சு சோதனை மையத்திற்க்கு தலைமை ஏற்றதோடு ரேடிய-கதிர்வீச்சை மனித சிகிச்சைக்கு தக்கவாறு பிரித்தெடுத்த பெருமைக்குரிய நோபல் மங்கை.

5. அன்னை தெரசா : அண்டைய தேசத்திலிருந்து கல்வி கற்றுக்கொடுக்க வந்தவர்தான், க(கொ)ல்கத்தா சாலைகளில் அவர் கண்ட காட்சி… அவரை கல்விப் பணியிலிருந்து களப்பணிக்கு அற்பணிக்க வைத்தது. நோபல் பரிசுக்கு இவரால் பெருமை... அவரைப் பிடிக்கா விட்டால் என் மனதில் ஏதோ சிறுமை.

6. ஸ்டெஃபி கிராஃப் : ஸ்டெஃபி... அழகில் குல்ஃபி, டென்னிஸ் உலகில் ஆட்டத்தில் பேட்டா ராஃப்... இருப்பினும் நான் இதுவரை வாங்கவில்லை அவரிடம் ஆட்டோகிராஃப்.

7. ஷான் ஜான்சன் : பார்க்கத்தான் ஆள் குட்டி, பல்டி அடிப்பதில் படு சுட்டி. ஜிம்னாஸ்டிக் விளையாட்டில் எனக்குப் பிடித்த குட்டி(ப் பிசாசு).

8. நடிகை காஞ்சனா : காதலிக்க நேரமில்லை படத்தில் நடித்தவர். விமானப் பணிப் பெண்ணாக பணியாற்றி பின் நடிகையாகி தமிழ் சினிமாவை அழகு படுத்தியவர். (தற்போது அவர் பொருளாதாரத்தில் நலிவடைந்து மிக மோசமான நிலையில் இருப்பதாக எங்கோ படித்தேன்... வருத்தமாக இருந்த்து)

9. பாடகி அனுராதா ஸ்ரீராம் : அழகிய குரல்களால் என்னை கவர்ந்தவர். எவ்வளவோ பாடல்கள்... மல்லிகையே... மல்லிகையே மாலையிடும் மன்னவன் யார் கூறு... என்று என்னைத் தேடி இருந்தாலும்... கருப்புதான் எனக்கு பிடிச்ச கலரு.

10. கவிஞர் தாமரை : ஒரு கவிஞராய்தான் எனக்கு தெரிந்தவர், பிறகு பாடலாசிரியையாய்... வியாபார உலகில், வளர்ந்து வரும் கலைஞர் எவர் ஒருவரும் செய்ய துணியாத ஒன்றை, என் எண்ணமும் எழுத்தும் ஒன்றே என தன்னை ஈழத் தமிழர்களுக்கான போரட்டத்தின் போது வெளிப்படுத்தியது... தெரிந்தவரை பிடித்தவர் ஆக்கியது.

கதவை தாண்டி வருவாயா...

2010-03-02T22:37:00.002-05:00

குமுதத்தை திறந்தேன்
கட்டுரையை படித்தேன்
கதவைத் திறந்தேன்
காற்றாய் வந்தாய்!

கணனியைத் திறந்தேன்
பதிவை படித்தேன்
கணொளியைக் கண்டேன்
காணாமல் போனாய்!!

நித்யானந்தரே
நீர் ஒரு கல்பதரு
நான் ஒரு கவிதைதரு!!!

நாங்களும் ரவுடிதான்

2010-03-02T21:37:00.003-05:00

விண்டர் ஒலிம்பிக்ஸ் - 2010

வாங்கூவர் - கனடாவில் 2010-ன் விண்டர் ஒலிம்பிக்ஸ் விளையாட்டுக்கள்... கடந்த மூன்று வாரங்களாக பனி விளையாட்டுடன் கொண்டாட்டங்கள் என்று சொல்லும் அளவிற்க்கு நடந்து முடிந்துள்ளது.

நான் பெரும்பாலும் முதல் மற்றும் இறுதி நாள் கொண்டாட்டங்களை காணத்தவருவது இல்லை. இந்த வருடம்/முறை தொழில் நுட்பம் மற்றும் கம்ப்யூட்டர் கிராபிக்ஸ்ன் உதவியால் அவதார் படத்தை மிஞ்சியது என்று சொன்னால் மிகையாகாது.

முதல் நாள் கொண்டாட்டங்கள்... காணொளிகள யுடியூப்ல பாருங்க... இங்க சில முக்கிய படங்கள்

நாங்களும் ரவுடிதான்...

கடந்த மூன்று விளையாட்டுகளை பார்த்த பொழுது மனதில் ஒரு சிறு வருத்தம் இருக்கும்... அத்தனை கொடிகளுக்கு இடையில் சக்கரம் பதித்த நம் மூவர்ண கொடி எங்கே என்று என் கண்கள் தேடும். இந்த ஆண்டு அதை ஒரு சிங்கம் சிங்கிளா உயர்த்தி பிடித்த பொழுது நினைத்தேன்... இனி நாங்களும் ரவுடிதான்.

இம்முறை இந்தியா கலந்து கொண்ட மூன்றில் லூஜ் எனப்படும் ஸ்லெட் பனி சறுக்கில் உலக தரவரிசையில் 29-ம் இடத்தை பெற்று தந்த "சிவ கேசவன் கண்ணன் பாலன்".

அடியால்... ரவுடி... தாதா

இந்த விளையாட்டு போட்டிகள் நமக்கு சொல்லிக்கொடுக்கும் பாடம் என்ன?

ஒரு விசயத்தை பற்றி தெரிந்து வைத்திருந்தாலே நாம் எதையோ சாதித்துவிட்டோம் என்று நினைக்கும் எண்ணத்தை மாற்றி...

அந்த விசயத்தில் நாம் திறமை வாய்ந்தவராகவிட்டால் நாம் அந்தத் துறையில் இருந்து தூக்கியெறியப்படுவோம் என்பதை உணர்த்தியதோடு...

இன்று அந்த துறையில் வல்லமை அல்லது நிபுணத்துவராக இருக்க வேண்டும் என்பதை பறைசாற்றுகிறது.

தங்கத்திற்க்கும் வெள்ளிக்கும், வெள்ளிக்கும் வெண்கலத்திற்க்கும் இடைவெளி வினாடிகளில் நூற்றில் ஒரு பகுதி... உதாரணதிற்க்கு ஒன்று பாப்ஸ்லெய் என்ற பனிசறுக்கில் அமெரிக்கா எடுத்துகொண்ட நேரம் 3:24:46 - மூன்று நிமிடம் 24 வினாடி நூற்றில் 46 வினாடி, ஜெர்மனி 3:24:84, அமெரிக்காவை விட நூற்றில் 38 வினாடிகள்தான் குறைவு (அவ்வ்வ்வ்வ்வ்வ்வ்வ்வ்வ்வ்), மூன்றாம் இடம் வந்த கனடா 3:24:85... நூற்றில் ஒரு வினாடியில் ஜெர்மனியிடம் வெள்ளியை பறிகொடுத்தவர்கள்.

இனி நான் ரவுடி, அடியால்ன்னு சொல்லிக்கிறது ஒரு விசயமே இல்லை. தாதாவ இருந்தாத்தான் ஜீப்புல (பிழைக்க) ஏற முடியும். ஜீப்பா இல்ல ஆப்பா?

அன்றும்... இன்றும்... -1

2010-02-20T11:20:00.002-05:00

அன்று...
ஆசிரியர்: முருகா, வர வெள்ளிகிழமை விளையாட்டு போட்டிக்கு ஒரு 100 பேர் உட்கார பெஞ்சு போடனும்டா... அந்த வேளைய நீ பார்த்துக்கோ.

இன்று...
நண்பர்: முருகன், வர வெள்ளிகிழமை பிறந்த நாள் பார்ட்டி, ஒரு 100 பேர் உட்கார நாற்காலி ஏற்பாடு பண்ணும்... அத நீங்க பார்த்துக்கிறீங்களா?

முருகன்: சரி சார், காலைல ஏ.பி சார்கிட்ட சொல்லி அட்டெண்டன்ஸ் போட்டுட சொல்லுங்க... நான் கூட ரவிய அழைச்சிகிறேன், விளையாட்டு மைதானத்துல மதியம் பெஞ்ச இறக்கிடுறோம்.

ஒன்னும் பெரிய விசயம் இல்ல, ஒரு ஒன் அவர் அவே ஃப்ரம் டெஸ்க்னு போட்டுட்டு, மதியம் லன்ச் பிரேக்ல போயி எடுத்து கொண்டுவந்து வீட்டுல போட்டுடுறேன்.

டேய் ரவி வாடா ஒரு 20 பெஞ்சு ஏத்தனும், எங்க சிகப்பு காளை மாட்ட ஓட்டிக்கலாம், எங்க பார வண்டி சரிபடாது, உங்க வீட்டு டயர் வண்டிய எடுத்துப்போம், நம்ம தெருவிலேயே எடுத்து கொண்டாந்து இறக்கிடலாம்.

கணேஷ், லன்ச் பிரேக்ல ரெண்ட்-ய-பிளேஸ் வரை போயி கொஞ்சம் சேர் ஏத்திட்டு வந்திடலாமா? என் வண்டில ஏத்த முடியாது, யூகால்ல டிரக்க எடுத்துக்கலாம், அப்படியே ராஜ் வீட்டுல இறக்கிட்டு வந்திடலாம்.

பாட்டி: முருகா, பெஞ்ச ஒடைச்சி கொண்டாந்து போடுறீங்களா? காலு நொடிக்குது?

சேல்ஸ் லேடி: எச்சூசுமி, ரெண்டு சேரு டேமேஜ் ஆயிருக்கு

முருகன்: பாட்டி, அது ஏத்தும் போதே நொடிச்சிகிட்டுதான் இருந்துது... நீ பாக்கு இடிச்சி இடிச்சி... நொடிச்சி போச்சி. கவலை படாத அடுத்த வாரம் எங்க வீட்டுக்கு ஆசாரியார் வராரு அவர கூட்டிவந்து சரி பண்ணிதரேன்.

நாங்க செக் பண்ணல, உங்க டெலிவரிமேன் தான் லோட் பண்ணுனார், இருந்தாலும் இன்சூரன்ஸ் எடுத்திருக்கோம், அதுல கவர் பண்ணிக்கோங்க.

காலங்கள் மாறும்... காட்சிகள் மாறும்...
ஆனால் முருகனும் நானும் வேறல்ல...

இந்தியாவில் பாதி... அமெரிக்காவில் மீதி...
அன்றும் இன்றும் நம் நினைவுகள் ஒன்றல்லோ...

இத கவியரசர் கண்ணதாசன் எவ்வளவு அழகா பாட்டா எழுதியிருக்கார்.... கேட்கனுமா... இங்க அழுத்துங்க.

சோதனை

2010-02-18T17:17:00.003-05:00

இனிய காலை பொழுது, நண்பர்களுடன் வழக்கமாக கூடும் இடத்தில் அன்றும் வழக்கமான விசயங்களை பேசிக்கொண்டிருந்தான். அஞ்சல்காரர் அவ்வழி கடக்கும் போது சொன்னார்... தம்பி உங்களுக்கு ஒரு கடிதம் வந்துள்ளது அதை அம்மாவிடம் கொடுத்துவிட்டு வந்தேன் என்று.

கடிதம் பற்றி பெரிய எதிர்பார்ப்பு ஒன்றும் இல்லை. என்ன விவசாய கூட்டுறவு சங்கத்திலிருந்து கடன் கட்டச்சொல்லி வந்திருக்கும் என்று மனதினுள் நினைத்துக் கொண்டு நண்பர்களுடனான அரட்டையை தொடர்ந்தான்.

தெரு கைப்பம்பில் தண்ணீர் எடுக்க வந்த நண்பனின் அம்மா நண்பனை காலை சிற்றுண்டிக்கு கூப்பிட்டார், வழக்கம்போல நண்பர்களையும். நண்பர்கள் மறுத்து... மீண்டும் மாலை சந்திப்பதாக கூறி அவர் அவர் இல்லம் சென்றனர்.

வீட்டில் இட்டிலியுடன் அம்மா கடிதத்தையும் கொடுத்தார்... இதை பார் ஏதோ அரசாங்க கடிதம் போலிருக்கிறது என்று. உறையின் முகப்பை பார்த்தவனுக்கு மட்டற்ற மகிழ்ச்சி... ”எய்ம் ஹை”, இந்திய விமானப் படையின் தாரக மந்திரத்துடன் வந்திருந்தது அந்த கடிதம்.

விவசாய குடும்பத்தில் பிறந்து அறிவியல் முதுகலை பட்டம் பெற்ற அவனுக்கு, ஊதியத்துடன் முனைவர் படிப்பும்பெற வாய்ப்புடனுள்ள ஒரு வேலைவாய்ப்பிற்க்கான அழைப்பானை அது. ஒரு வாரம் மைசூர் இந்திய விமான பயிற்ச்சி மையத்தில் உடல் மற்றும் அறிவு சோதனை, தேர்ச்சி பெற்றால் ஐந்தாம் நாள் நேர்முக தேர்வு என்றும், சென்று வர செலவுகள் அரசாங்கத்தால் வழங்கப்படும் என்று கூறியது கடிதம்.

முதல் நாள் இரவு தொடர்வண்டி பயணம், மைசூர் தொடர்வண்டி நிலையத்தில் இருந்து அழைத்துச் செல்ல இந்திய விமானப்படைக்கு சொந்தமான லாரி வந்திருந்தது. மையத்தில் அழைப்பானை சரிபார்க்கப் பட்டு பயிற்சி சீருடைகள் மற்றும் தேர்வு அட்டவணை வழங்கப்பட்டது.

முதல் நாள் “டெஸ்ட் ஆஃப் ரீசனிங்”, முக்கோணங்கள், சதுரங்கள் போன்ற வடிவங்களின் வரிசை பற்றியும், எண்களின் தொடரமைப்பு பற்றியுமான சோதனை. நெல்லை பார்த்து இது ஐ.ஆர்.எட்டு, டி.கே.எம்.ஒன்பது என்று சொல்லும் ஸ்லம்டாக் விவாசாயிக்கு இது ஒரு பெரிய சோதனையாக இல்லை, மிகச் சுலபமாக கையாண்டான்.

இரண்டாம் நாள் “டெஸ்ட் ஆன் பிஸிகல் பிஃட்னஸ்”, ஓடுதல், தாண்டுதல், கயறு ஏறுதல், வளையத்தில் புகுந்து வருதல் போன்ற சோதனை. வைக்கோல் பிரியை மாங்காய் மரத்தில் கட்டி ஏறிய அனுபவம், கோடை எள் சாகுபடியின் போது கட்டி முட்டியில் ஆடுகளை விரட்டி ஓடிய அனுபவம், வேலிகளின் இடுக்கில் புகுந்து வாழையை அழித்த பன்றிகளை விரட்டிய அனுபவம்... இன்றும் சோதனைகள் சுலபமாக.

மூன்றாம் நாள் “திட்டமிடல், குழு வழி நடத்துதல் மற்றும் குழு ஆளுமை” பற்றிய சோதனை... குறிப்பாக இக்கட்டாண கால கட்டத்தில் ஒருவரின் செயல்பாடு பற்றி கண்டறிய. வெள்ளத்தில் சிக்கித் தவிப்பவர்களை கையில் உள்ள கயிறு மற்றும் மரப் பலகை கொண்டு கரையேற்ற வேண்டும். காவிரிப் படுகையில் வெள்ளத்தில் அறுவடை செய்தவன், மிதக்கும் வெள்ளத்தில் வாழை மரங்களை மிதவையாக்கி, அதன் மீது நெற்கதிர்களை சேர்த்துக்கட்டி களம் சேர்த்த அனுபவம் கை கொடுத்தது… ஸ்லம்டாக் விவசாயிக்கு இன்றும் வெற்றி.

நான்காம் நாள் காலை, முதல் மூன்று நாட்களுக்கான மதிப்பு வெளியீடு, தேர்வு பெற்றவர்களுக்கான “சோசியல் கேதரிங்” - சாப்பட்டு மேசை மற்றும் பழகுதல் பற்றிய சோதனை மற்றும் திறனாய்வு. வங்கி கடன்பெற கூட்டுறவு சங்க அலுவலர் வரும்வரை அருகில் உள்ள நூலகத்தில் அமர்ந்து படித்தன் பயன் இன்றும் கை கொடுத்தது. தெரிவுபெற்ற பத்து பேரில் மூன்றாம் இடத்தில் ஸ்லாம்டாக் விவிசாயி.

ஐந்தாம் நாள், விமான படை உயர் நிலை அதிகாரிகளுடன், கழுத்தில் தொங்கும் கோவணத்துடன் (டை), நேர்முக தேர்வு. ஒரு அதிகாரி அவன் தகுதி மற்றும் மதிப்பீடு குறித்து மகிழ்ச்சி தெரிவித்தார். அடுத்தவர் அவன் பின்புலம் என்ன என்று வினவினார்... (ஸ்லம்டாக்) விவசாயம் என்று பெருமையுடன் சொன்னான். இறுதி ஆனை இல்லம் அனுப்பப்படும் என்ற வாசகத்துடன் விடைபெற்றான்... சேற்றில் செந்தாமரை இன்றுவரை முளைக்கவில்லை.

இன்றும் அவன் “எய்ம் ஹை” என்ற தாரக மந்திரம் விவசாயத்தில் கிடைக்கும் என்ற நம்பிக்கையுடன் உ(ழ)ண்று வாழ்கிறான், ஆனால் வறண்டு போன காவிரியும், காலம் தவிர்த்து பெய்யும் வானமும் இன்றும் அவனுக்கு சோதனை மேல் சோதனையாய்... ”உன் எய்ம் பொய்” என சாதித்துக்கொண்டு இருக்கின்றன.

3 + 5 + 6 + 7 = 19

2010-02-03T00:21:00.002-05:00

என்ன ஏதோ புதுசா (தப்பு) கணக்கு சொல்லிகொடுக்கப் போரேன்னு நினைச்சிங்களா? இல்லை... நான் அவன் இல்லை.

தலைப்பில் உள்ளது எல்லாம் ஜப்பான் நாட்டில், வாகன (கார்) உற்பத்தியில் முதன்மை நிறுவனமான, மிகத்திறன் வாய்ந்த, தரத்திற்க்கு பெயர்பெற்ற டொயோட்டா நிறுவனத்தின் இன்றைய அமெரிக்க கணக்கு.

உற்பத்தி துறையில் ஜப்பானியர் எட்டிய உயரம் மிகப் பெரியது... காரணம் தரக்கட்டுப்பாடு. அதை அடைய அவர்கள் பயன்படுத்திய வாய்ப்பாடு 3எம், 5எஸ், 6சிக்மா, 7டபியு எனப்படும் உற்பத்தி திறன் தரக்கோட்பாடுகள்.

உண்மைதான், சென்ற வாரம் வரை அமெரிக்காவில் விற்க்கப்பட்ட டொயோட்டா வாகனங்களில் 80% சதவிகித வாகனகள் இன்னும் சாலையில் ஓடிக்கொண்டிருக்கின்றன என்ற பெருமையோடு.

இன்று, எங்கோ ஏற்ப்பட்ட ஒரு சிறு தவறு 19 உயிர்களை பலிகொண்டுவிட காரணமாகிவிட்டது. காரணம் கண்டுபிடிக்கப்பட்டு (விசையுந்து பலகை) அதை சரிசெய்து கொடுக்க ஆவணம் செய்யப்பட்டும், அமெரிக்க வாகன சந்தையில் முதன்மை நிலமையை இழக்கும் தருவாயில் நிலமை உள்ளது.

3 + 5 + 6 + 7 = 19? இப்போதைக்கு கணக்க சரி பண்ண ஒரேவழிதான். டொயோட்டாவுக்கு (20)10-ல 7 1/2 (ஏழரை) = 19

மொழி படத்துல பிரகாஷ்ராஜ் சொல்லுவாரே... தாத்தா தினம் வெள்ள பூண்டு சாப்பிட்டு திடமா இருந்தார். ஒரு நால் மழைல நனைந்து ஒரு தும்மல் போட்டார், பொட்டுன்னு போயிட்டார். அவர அந்த வெள்ளப்பூண்டால் கூட காப்பாத்த முடியலன்னு. டொயோட்டாவுக்கு இன்று அதே நிலமை... கெய்ஸானால கூட காப்பாத்த முடியல.

என்ன செய்யமுடியும் 3,5,6,7 எல்லாத்தையும் விட ஏழரை பெரியதால்ல இருக்கு,

அமெரிக்காவும் பேச்சு சுதந்திரமும்

2010-01-21T17:39:00.002-05:00

நான் தலைப்பை பற்றி பெரிதாக அல்லது புதிதாக ஒன்றும் சொல்வதற்க்கு இல்லை. அது உலகமறிந்த விசயம். அமெரிக்காவின் முதல் குடிமகனை நீங்கள் அவர் குடியிருக்கும் வெள்ளை மாளிகையின் முன்பு நின்று திட்டலாம். அடியாலுடன் ஆட்டோ வராது.

நான் சொல்ல வந்தது இப்போது என்.பி.சி தொலைகாட்சியில் நடக்கும் "டாக் ஷோ"-வின் பேச்சு சுதந்திரம். இரவு பத்து மணிக்கு மேல் நடைபெறும் "கேளிக்கை பேச்சு" நிகழ்ச்சிகளில் ஜே லெனோ மற்றும் கேனன் ஓ பிரையன் என்பவரின் நிகழ்ச்சிகள் பிரபலமான ஒன்று. நிகழ்ச்சியின் தரவரிசை அது இது என்று கேனன் ஓ பிரையன் நிகழ்ச்சி ஒரு வழியாக இந்த வாரத்துடன் முடிவடைகிறது.

இது நிச்சயம் மற்ற போட்டியாளர்களான பாஃக்ஸ் & சி.பி.எஸ்-க்கு மகிழ்ச்சி. என்.பி.சி-யையும் டாக் ஷோ நடத்துவர்களையும் விட்டு கிழி கிழி என்று கிழிக்கிறார்கள். நம்ம ஊருல நடக்கிற அதே கூத்துதான் (கலக்குறதுக்கு கரண்டி போதும், அசத்துரதுக்கு ஆள் வேணும்னு நக்கலடிக்கிற மாதிரி).

தான் வெளியேற்றப்படப்போவது உறுதியானதும் கேனன் ஓ பிரையன் அடிச்ச கூத்துதான் நான் குறிப்பிட வந்த விசயம். அமெரிக்காவின் பேச்சு சுதந்திரத்தின் தற்போதைய உச்சத்தை தொட்ட விசயம். கே.ஓ.பி தன் நிகழ்ச்சியில் என்.பி.சி பற்றியும், அதன் நிர்வாகிகள் மற்றும் வக்கீல்கள் பற்றியும் போட்ட போடு இருக்கே... இங்கு பதிவில் சொல்ல முடியா வார்த்தைகள். உதாரணத்திற்க்கு. என்.பி.சி என்றால்... நத்திங்க் பட் கு...( நீங்களே போட்டுகோங்க, தமிழ்ல ரைமிங்கா வரும்)-ன்னு சொன்னார். இவ்வளவுக்கும் என்.பி.சி அவருக்கு கொடுக்கும் தொகை (குறிப்பிட்ட நாட்களுக்கு முன்னாள் நிகழ்ச்சியை முடித்துக்கொள்ள) 45 மில்லியன் அமெரிக்க டாலர்.

நம்ம ஊர நினைச்சி பார்த்தேன். கன் டி.வி-ல ஹோஸ்ட் பண்ணும் போது சலா நிதிய சும்மா பேர மட்டும் மாத்தி காலாவதி-ன்னு சொல்ல முடியுமா? ஹோஸ்ட் அப்புறம் பேஸ்ட் ஆயிடுவாரு.

கே.ஓ.பி முதல் நாள் கெட்ட வார்த்தைல பேசினார். உடனே இரண்டாம் நாள் வந்து என்னை என்.பி.சி வக்கீல் பேசகூடாதுன்னு சொல்லிட்டார் அதனால நான் பாடப்போரேன்னு கெட்ட வார்த்தைல பாடுனார். மூன்றாம் நாள் வந்து வடை போச்சே...பேசவும் பாடவும் கூடாதாம் என்ன பண்ணுரது... சரி ஆங்கிலத்துல பேச பாடகூடாது... ஆனா நான் ஸ்பேனிஸ்ல திட்டுவனேன்னு மனுசன் திட்ட ஆரம்பிச்சுட்டார் (ஆங்கில சப் டைடிலோட).

சொந்த காசுல சூனியம் வெச்சுகிறது எப்படின்னு என்.பி.சிய பார்த்து கற்றுக்கொள்ள வேண்டும். நாற்பத்து ஐந்து மில்லியன கொடுத்து நாக்கை பிடிங்கி கொள்ளவது மாதிரி நாளுக்கு நாள் நாலு கேள்வியவேற கேட்டுக்க வேண்டியதாகிவிட்டது.

கேனன் ஓ பிரையன் நிகழ்சிகளைகாண இங்கே சொடுக்குங்கள்...

இஷா - இரண்டாம் சுற்று வாக்குப் பதிவு

2010-01-21T16:01:00.002-05:00

அன்பர்களே... இது ஒரு நல்ல காரியத்திற்க்காண நிதி திரட்டும் முயற்ச்சி. உங்களால் ஒரு ஓட்டு...
நண்பர்களால் ஒரு ஓட்டு...
சேஸ் வங்கி கொடுக்கபோகுது நோட்டு...

Vote For Isha
and Spread the Word!!!
Round 2 of Voting for Chase Community program has started.

You can now vote for Isha on Facebook until January 22nd. But don't wait!
Vote NOW then inform your family and friends about this opportunity to make a difference for thousands of people in Rural India and America.

VOTE FOR ISHA NOW!

http://www.ishafoundation.org/mailmarketer/link.php?M=53125&N=86&L=192&F=H

For More Information Visit
www.ishafoundation.org/vote
"How deeply you touch another life
is how rich your life is" - Sadhguru

பொங்கலோ பொங்கல்

2010-01-14T11:42:00.001-05:00

இன்று அந்த நாள் ஞாபகம்... முன் வாசலில் பரங்கி பூவுடன் தெருவடைத்து வண்ணக் கோலங்கள். பின் வாசலில் சாணத்தில் பாத்தி கட்டி மங்கள நீர் விட்டு அதில் மிதக்கும் வெள்ளைத் தும்பை பூ...

மஞ்சளுடன் வெள்ளை... மனது போகும் கொள்ளை.

உழவர்களை கொண்டாடி, பெரியோரிடம் ஆசி பெற்று, இன்பமாய் சுற்றித் திரிந்த அந்த இளமை காலம்...

பரங்கி

கோலத்தின் நடுவில் பரங்கி
நின்றேன் தெருவில் கிறங்கி
நினைத்தேன் மனதில் வருந்தி
மறந்தேன் இரவில் உறங்கி.

தும்பை

மாட்டுக் கொட்டிலில் தும்பை
பண்பாட்டை காட்டினால் அன்னை
பதிலுக்கு காட்டினோம் அன்பை

உழவர்

அன்று
உண்ண உணவு பயிரிட உழவர்
இன்று
எண்ண எலும்பு தெரிந்திட கிழவர்
நாளை
உன்னை என்னை மறந்திட இளையர்.

இன்று போல் என்றும் மங்களம் பொங்க
இனிய பொங்கலோ பொங்கல்.

பண்பாடு...

2010-01-07T12:03:00.002-05:00

பதிவுலக நண்பர்கள் அனைவருக்கும் இனிய புத்தாண்டு வாழ்த்துக்கள்.

கலைஞ்சர் தொலைகாட்சியில் ஒரு புத்தாண்டு பட்டிமன்ற நிகழ்ச்சியில் ஒரு பேராசிரியர் அவர் மாணவர் எழுதிய கவிதையாய் இதை கூறினார்.

பல்லவனில் இடிபாடு
பக்கத்தில் தடிமாடு
பட்டணத்தில் பண்பாடு
படுகின்றது படாதபாடு.

எனக்கு உடன் நினைவுக்கு வந்தது பதிவர்களின் பண்பாடு. அழகிய ஈரோடு நிகழ்விற்க்குப்பின் தமிழ்மணத்தில் பெரும் கூப்பாடு. நற்குடியில் ஆரம்பித்து...

பதிவர்களின் பண்பாடு...

பதிவுன்னு மொக்கைய போடு
பெயரில்லாம பின்னூட்டம் போடு

மீள் பதிவா போட்டதையே போடு
மீத பஃர்ஸ்டுன்னு அட்டெண்டன்ச போடு

படிச்சி பிடிச்சா ஓட்டப்போடு
பதிவு பிடிக்காட்டி ஓடிப்போய்டு

பாஃளோயர் இருந்தா காட்டு நீ வித்த
சிங்கிளா இருந்தா மவனே நீ செத்த

தொழிலல்ல சோசியம்
ஆரம்பத்தில் ஓசியாம்
நெருங்கினால் காசியாம்

ஒரு பதிவு
ஒருவருக்கு சந்தனம்
ஒருவருக்கு சாணி

ஒரு பதிவு
ஒருவருக்கு பழுது
ஒருவருக்கு பாம்பு

பதிவு சந்தனமோ சாணியோ...
சந்தனமெனில் முகறப் பழகு
சாணியெனில் ஒதுங்கப் பழகு

பதிவு பழுதோ பாம்போ...
பழுதெனில் பற்றப் பழகு
பாம்பெனில் தாண்டப் பழகு

ரௌதிரம் பழகு... ரௌதிரம் செய்னு சொல்லலியே!

சமைத்துப் பார்... சாப்பிட சொல்லலியே!!

களவும் கற்று மற... உன்னை திருட சொல்லியே!!!

படித்த பதிவருக்கு என்ன பண்பாடு?
வெள்ளத்தனைய மலர் நீட்டம் மாந்தர்தம் உள்ளத்தனைய உயர்வு - அழகாண அருமையான குறளை படித்திருக்கிறீர்கள்... அதை செயல்படுத்துவதில் ஏன் இத்தனை முரண்பாடு?

உங்கள் தமிழ் எழுத்து வளரட்டும்!
உங்கள் மண ஓட்டம் உயரட்டும்!!

போட மறந்த பதிவு...

2009-12-18T13:34:00.002-05:00

இயக்குனர் சேரன் சொல்ல மறந்த கதை-க்கு பின் ஏதும் மிகப் பெரிய வெற்றி படங்கள் அமையாததற்க்கு காரணம் தான் வைத்த படத்தின் பெயர் என்று நினைத்து சில பெரிய மனிதார்களை தன் அடுத்த படத்திற்க்கு நல்லதொரு பெயர் வைத்து தருமாறு கேட்க... அவர்கள் பரிந்துறைத்த பெயர்கள்

க.மு.க: (என்னை வந்து) பார்க்க மறந்த நடிகை

மருத்துவர் ராமதாஸ்: ( நெடுஞ்ச் சாலைகளில்) வெட்ட மறந்த மரம்

செ.ஜெ: (ஆட்சியில் இருந்தபோது) நீக்க மறந்த அமைச்சர்
சசி: (அக்கா ஆசியுடன் வளைக்க) வாங்க மறந்த இடம்

வை.கோ: (கொள்கையை மட்டுமா?) என்னையே மறந்த நான்

சு.சா: (மன்மோகன் தாடி போச்சே) வைக்க மறந்த பார்ட்டி

அழகிரி: (அமைச்சர் ஆனதால்) அனுப்ப மறந்த ஆட்டோ

ஸ்டாலின்: ( நான் மட்டுமா?) நாற்காலி மறந்த நாலுபேர்

வைரமுத்து:(பொய்யில்லாம எப்படி) எழுத மறந்த கவிதை

ஆசிரியர்: (அட்டை டு அட்டை) எடுக்க மறந்த பாடம்

மாணவன்: (அட்டு முதல் அழகி வரை) சொல்ல மறந்த காதல்

நீங்களும் சொல்லலாம்ல...

யார் கடவுள்?

2009-12-08T17:09:00.002-05:00

யார் நம் பிரச்சனையை தீர்த்து வைக்கிறார்களோ அவுங்கதான் கடவுள். பல சமயம் அது நம் நண்பர்களாகவே இருக்கும். அடிக்கடி சொல்லி இருப்போம்... என்ன செய்வது என்று அறியாது விழித்துக்கொண்டிருந்தேன்... நல்ல வேளை கடவுள் மாதிரி வந்து காப்பாற்றினாய் என்று. சில சமயம் அது நம் வலி/துயர் தீர்க்கும் மருத்துவராக கூட இருக்கலாம். டாக்டர்... பிழைப்பேனா இல்லை இறப்பேனா என்று கிடந்தேன்... கடவுள் மாதிரி வந்து காப்பாற்றினீர்கள் என்று சொல்லுவோம்.

மேலே சொன்ன பல சமயம் மற்றும் சில சமயம்-ல எந்த சமயத்துல யார் கடவுள்? இந்து சமயத்துல பல கடவுள், கிருஸ்துவ மற்றும் இஸ்லாமிய சமயத்தில் சில கடவுள் அல்லது தேவ தூதர்கள்... அவர்களும் கடவுள் தான்.

இந்து மதத்தில் ஏன் பல கடவுள்? அது தேவையா?

நாம் அனைவரும்/ஒவ்வொருவரும் ஒரு நிறுவாகத்தின்(பிரபஞ்ஜத்தின்) ஒரு அங்கம். உதாரணத்திற்க்கு ஒரு சிறிய அளவில் ஒரு பள்ளி / கல்லூரி / அரசாங்கம்-ன்னு எடுத்துக்கோங்க.... அதை நிறுவகிக்க ஒரு தலைமை, உப தலைமைகள், வேறுபட்ட துறைகள் என்று... திறம்பட செயல்பட.

இந்து மத கடவுள்களும் அப்படித்தான் தோன்றி வைக்கப்பட்டு இருக்கிறார்கள். அக்னி பகவான், வாயு பகவான், வருண பகவான்... என்று பஞ்ச பூதங்களுக்கு கடவுள். பின்னர் துறைகள்... பிறப்புக்கு பிரம்மா, கல்வியா அதற்க்கு சரஸ்வதி, பொருளாதாரமா அதற்கு லட்சுமி... இறப்புக்கு எமதருமன்.

சரி எமதருமன் தவறு செய்து விட்டால்? கணக்கை சரி செய்து காளனை வெள்ள திருக்கடையூர் அமிர்தகடேஸ்வரர்... என்றும் இந்த கடவுள்களின் பட்டியல் தொடர்ந்து கொண்டேயிருக்கிறது...

சரி கடவுள்கள் சரியாத்தான் இருக்காங்க... தலைமை யாரு? அதுவம் சரியாகவே சொல்லப்பட்டு இருக்கிறது... கடவுள்கள் (காட்-GOD) பல... ஆனால் தலைமை (லார்ட்-LORD) ஒருவரே... அவர் கிருஷ்ண பரமாத்மா.

டிக்கெட்... டிக்கெட்... சார் டிக்கெட்

2009-11-16T17:03:00.002-05:00

நாம் மரணத்தை குறிப்பிடும் போது அவர் சிவலோகத்திற்க்கு அல்லது பரலோகத்திற்க்கு டிக்கெட் வாங்கிவிட்டார் என்று சொல்லுவோம், அந்த சொல் எந்த அளவிற்க்கு நம் நடைமுறை வாழ்விற்க்கு பொருந்தும்?

உதாரணத்திற்க்கு நாமும் நம் நண்பரும் ஒரு பேருந்தில் பயணம் செல்லுவதாக வைத்துக்கொள்வோம், நீங்கள் சராசரி சாரீரம் கொண்ட நபர், உங்கள் நண்பரோ இரட்டை நாடி, இருப்பினும் அவருக்காக நாம் இரண்டு டிக்கெட் எடுக்க வேண்டாம், எந்த ஒரு பயணத்திலும்... அது தொடர்வண்டியோ அல்லது விமான பயணமோ... எதுவாயினும் பயணச்சீட்டு உருவத்தை பொருத்து வழங்கப்படுவது அல்ல. (பிறகு?....அவ்வ்வ்வ்வ்வ்வ்வ்)

அப்படி பயணிக்கும் போது நமக்கு மரணம் சம்பவிக்கிறது என வைத்துக்கொள்வோம்.... பிறகு என்ன நடக்கும்?

நடத்துனர் சொல்வார்... அதை கீழே இறக்கு என்று.

நம் நண்பர் சொல்லுவார்... சார் அவர் டிக்கெட் எடுத்திருக்கிறார் எதுக்கு பாதியில் இறங்க வேண்டும் என்று?

யோவ்... வேணும்னா லக்கேஜா மேல போட்டு கொண்டுவா, இங்க சீட்டுல உட்கார்ந்து வரமுடியாது... சொன்னாக்கேளு

சார்... இது என்ன அநியாயம்? டிக்கெட் எடுத்தவர் இதோ உட்கார்ந்து இருக்கிறார், அவர் பையில் அவர் வாங்கிய பயணச்சீட்டு இருக்கிறது, பிறகு ஏன் லக்கேஜுல போடனும்? டிக்கெட் இவருக்குதானே கொடுத்தீங்க?

யோவ்... டிக்கெட் வாங்கனப்ப இவருக்குள்ள இருந்த அவரு இப்ப இல்லைய்யா?

யாரு இப்ப இல்ல? இவருதான் டிக்கெட் வாங்கினாரு, இவருக்குள்ள அவரு இருந்தாரா? அவர நான் பார்க்கலையே... நீங்க பார்த்தீங்களா? அப்ப அவருகிட்ட கொடுத்த டிக்கெட் இவரு பையில எப்படி வந்தது?

அய்யா, உடல் என்பது பருப்பொருள்... உயிர் என்பது பரம்பொருள்... அந்த பரம-ஆத்மா பரமாத்தாவை பார்க்க பரலோகத்திற்க்கு டிக்கெட் வாங்கி இருக்கிறது. இந்த டிக்கெட் இனி செல்லாது... இனி புதுசா ஒரு லக்கேஜ் டிக்கெட் வாங்கு.

(பகவத்கீதை சொற்பொழிவில் நான் கேட்டது... இறப்பு என்பது உடலுக்கு... உயிருக்கு அல்ல... சற்றே நகைச்சுவையுடன் இங்கு. ஒருவரின் பிறப்பை வைத்தோ, உருவத்தை வைத்தோ மதிப்பது தவறு... எல்லா உயிரும்/டிக்கெட்டும் ஒன்றே)

இன்பமான வாழ்க்கை...

2009-11-05T16:25:00.003-05:00

இன்பமான வாழ்க்கை – இந்தியாவிலா? இல்லை அமெரிக்காவிலா?
(அட்லாண்டா மாநகரத் தமிழ் சங்கம் - 2009 தீபாவளி பட்டிமன்றம்)

நான் இந்தியாவில் என்று பேசியது...

இந்த அரங்கில் குழுமியிருக்கும் அனைத்து தமிழ் தமிழ் ரசிகப்பெருமக்களுக்கும், பட்டிமன்ற தலைவி திருமதி உமயாள் முத்து அவர்களுக்கும், இம்மேடையில் அமர்ந்திருக்கும் சக நண்பர்களுக்கும் என் வணக்கங்களும் தீபத்திரு நாள் வாழ்த்துக்களும்.

இன்பம், சந்தோசம் அல்லது மகிழ்ச்சி அமெரிக்காவில் இருக்கின்றது… ஏன் ஆப்பிரிக்காவில் இருக்கின்றது, ஐரோப்பாவில் இருக்கின்றது, அதை யாரும் மறுக்க முடியாது, அதானால்தான் நாம் எல்லோரும் பிறந்த மண்ணை, தாய் நாட்டை விட்டு இங்கு வந்திருக்கிறோம். சந்தோசம் என்பது ஒரு சத்தம் மாதிரி, அது அழுகின்ற குழந்தையின் அழுகையில் இருக்கிறது, நாம் விடுற குறட்டைல இருக்கிறது, கொத்து பரோட்டா போடுகிற கல்லில் இருக்கிறது, அதையா நாம் விரும்புகின்றோம்? இல்லையே... அதே சத்தம் இசையா ஒரு குழந்தையின் சிரிப்பில், இளையராஜாவின் பாடலில், குயிலின் கூவலில்... என்று இதமாக இருக்கிறது... நாம் அதைத்தான் விரும்புகிறோம். சத்தமாக இருந்தாலும் அது இசை... எதிரணியினர் பேசிய அமெரிக்காவில் சந்தோசம் என்கிற வாதம் வெறும் சத்தம். அது இசையா? இல்லை அது இம்சை.

எதிரணியில் பேசிய சகோதரி ஜெயா பேசிய போது பலவற்றை சொன்னாங்க, சுருக்கமா நாங்க நல்லாதான் நடக்கிறோம் என்கிறார், அவருக்கு பின் பேசிய நண்பர் தங்கமணி நடக்குரோம்ல்ல...என்கிறார். நானும், சகோதரி ராஜியும் என்ன சொல்கிறோம், அதே நடைய... சிங்கம் மாதிரி ராஜ நடையா நடங்கன்னு சொல்லுறோம், இல்ல நாங்க நண்டு மாதிரிதான் நடப்போம்கிறீங்க, மக்களே உங்களுக்கே தெரியும் நண்டு நேராக பார்க்கும் ஆனா பக்கவாட்டுலதான் நடக்கும், அதேமாதிரிதான் அமெரிக்க சந்தோசமும்.

நான் உங்களுக்கு என் அணியின் சார்பாக இரண்டு இன்பங்களை குறிப்பிட்டு சொல்ல விரும்புகிறேன். ஒன்று குழந்தை பருவ சந்தோசம், மற்றொன்று வாலிப பருவ சந்தோசம்... அமெரிக்காவில் 50 வயசு ஆனாலும் நாம யூத்து... யூத்து... யூத்து.

அமெரிக்க பெற்றோர்கள் எவ்வளவு பேர் குழந்தையை இடுப்பிலோ இல்லை தோளிலோ தூக்குறோம்? பிள்ளை ஸ்டோலர்ல வசதியா இருக்கான்னு சொல்லி ஷாப்பிங் போகும் போது அப்பா தள்ளுரார், வரும் போது அம்மா தள்ளுராங்க... அப்படி வளர்ந்த குழந்தை பின்னாலில் பெற்றோரை முதியோர் இல்லாத்தில் தள்ளுகிறது. உண்மயில் அந்த குழந்தை பெல்டை பிடிச்சி பிராண்டி அப்படியே தாவி தவிச்சிகிட்டு வரும். அது இன்பமா? இந்தியாவில் அந்த அம்மா... மகனே நான் பார்க்கின்ற உலகை நீயும் பார் என்று இடுப்பிலே தூக்கி அலைவால்... அப்பா... அம்மாவுக்கு ஒரு படி மேல போய், மகனை தோளில் தூக்கி வைத்து கொண்டு சொல்லுவார்... மகனே... நான் பார்க்காத உலகத்தையும் நீ பார் என்று, அம்மாவின் இடுப்பிலும், அப்பாவின் தோளிலும் உலகத்தை பார்த்த குழந்தை இன்பமா இருந்துச்சா இல்லை ஸ்டோலர்ல தவ்விகிட்டு வந்த குழந்தை இன்பமா இருந்துச்சா?

இப்படி வளந்த குழந்தைங்ககிட்ட ஒரு அழகான பெண்ணை காண்பித்து மூன்று வரிகளில் ஒரு கவிதை எழுதுன்னு சொன்னா... ஸ்டோலர் குழந்தை எழுதுனுது... “கொக்க கோலா” – கவிதையின் தலைப்பு, அட்லாண்டாவில் பிறந்து வளர்ந்த பிள்ளையா இருக்கும் போல… அப்ஜெக்டிவ் டைப்ல படிச்சி படிச்சி அழகான பெண்ணை ஆப்ஜெக்டா பார்க்கிறான்... மூன்று வரி கவிதை...

முப்பதியெட்டு...
இருபத்தி நாலு...
முப்பத்தியெட்டு,

தவறில்லை சந்தோசம்தான் நமக்கு. அம்மா தூக்கி வளர்ந்த பையன் சொன்னான்... “அம்மா” - கவிதையின் தலைப்பு, அம்மா இடுப்புல உட்கார்ந்து வளர்ந்த பையன் சப்ஜெக்ட்டிவா எழுதுனான்...

எர்கனாமிக் ஈஸி ச்சேரில் இல்லை...
எஸ்கிளாஸ் ஏஸி காரில் இல்லை...
உன் இடுப்புக்கு ஈடான இன்பம் –னு,

அடுத்த குறிப்பு... இங்கு அமெரிக்கவில் சந்தோசத்திற்க்கு ஒரு விடுமுறை அல்லது மணமகிழ் இடத்திற்கு செல்லுகிறோம்னு வெச்சுக்கோங்க, உதாரணத்திற்க்கு மூன்று நாள் டிஸ்னிலேண்ட் பயணம்ன்னு வெச்சுக்கோங்க...., ஆகா.. ஓகோன்னு ஒரே அலம்பலா இருக்கும், நாலாம் நாள் வீட்டுக்கு வந்தோன்ன ஒரு நண்பர் கேட்பார்... டிரிப் எல்லாம் எப்படி இருந்ததுன்னு? நாமும் சொல்லுவோம் நல்லா இருந்துங்க... நணபர்... ஓ அப்படியா-ன்னு சொல்றதுக்குள்ள... நாம என்ன சொல்லுவோம்... ஆனா கூட்டம்தான், வரிசைல நின்னு கால் வலிதான் மிச்சம்... பற்று அட்டைய தேய்த்ததுதான் சொச்சம்-ன்னு பல ம்-முவோம்.

அதே ஒரு கோடை விடுமுறைக்கு ஊருக்கு போயிட்டு வந்தத சொல்லும் போது... அவங்கள பார்த்தேன், இவங்கள பார்த்தேன், நான் படித்த பள்ளிக்கு போனேன், முக்குல உள்ள கடைக்கு போய் இலந்த அடை சாப்பிடேன், கடலை மிட்டாய் சாப்பிட்டேன், டீ குடிச்சேன்... அந்த இன்பம் பாருங்க இங்க பெட்டி கடை போடுற அளவுக்கு வந்திருக்கு. நீங்க சொல்லும்போதே... உடனே நண்பர் சொல்லுவார்... எங்க ஊர் பேருந்து நிலையத்துல ஒரு லஸ்ஸி போடுவான் பாருங்க-ன்னு அவர் ஆரம்பிப்பார்... இவ்வளவுக்கும் அவர் மூன்று வருசத்துக்கு முன்ன ஊருக்கு போயிட்டு வந்திருப்பார்... அந்த இன்பம் அவர் மனசுல மூன்று வருசமா வாழ்ந்துகிட்டு இருக்கு... அது அவர் அடுத்த முறை இந்தியா சென்று வரும் வரை வாழும். அங்க பாருங்க... ஒரு கோவை நண்பர் இப்பவே நெஞ்ச தடவுகிறார் (அது பழமை இல்லீங்கோ)... கோவை காந்திபுரம் பேருந்து நிலைய லாலா கடை இனிப்பு சாப்பிட்டத நினைத்து சந்தோசம். இங்க உட்கார்ந்திருக்கிற ஜெயாவா, அரங்கிற்க்கு வெளியில் என் மனைவியுடன் பார்த்தேன்... நடுவர் அவர்களே உங்களுக்கே தெரியும் அவர்கள் இருவரும் என்ன பேசியிருப்பார்கள் என்று... புடவைதான்.. என் மனைவி சொன்னாங்க... ஜெயா புடவை அருமையாயிக்குன்னு... ம்... ம்... நல்ல இருக்கா, போனமுறை இந்தியா போனப்ப எடுத்துட்டு வந்தேன்னு சொல்லி அப்படி ஒரு மகிழ்ச்சி. சரி ஏதோ மேடைக்காக பேசுகிறேன்னு நினைப்பீங்க...இல்லை. மற்றுமொரு நிகழ்வு... நான் இப்ப சொல்லப்போவது ஒரிரு மாதத்திற்க்குள் நடந்த நிகழ்வு. நான், நம் கேட்ஸ் செயலாளர் திரு.ரவி பழனியப்பன், கூட ஒரு நண்பர்... நான் பேர சொல்ல விரும்பல... தமிழ் கல்வி பயிற்சி முகாம் முடிந்து, மதியம் ஒரு சமுதாய கூட்டம், அருகில் சப்வே-ல சாப்பிட நண்பரின் வேனில் போனோம், வேன்ல பார்த்தா சில பல ஸிப்லாக் பாக்கெட்... பகோடா... ரொட்டி... நண்பர் சொன்னார்... எடுத்து சாப்பிடுங்க... ஊருலேருந்து எடுத்துட்டு வந்தேன்... அருமையா இருக்கும் அப்படின்னார்... சொல்லும்போது அப்படி ஒரு சந்தோசம்... ஆனா நான் அவர் பேர சொல்ல விரும்பல (அவர் எதிரணியில் வாதாடிய தங்கமணி).

ரொம்ப சுருக்கமா சொல்லானும்னா... அமெரிக்க வாழ்க்கையில் சந்தோசம் என்பது (தலையை தொட்டு) இங்க கேட்டு வேளை செய்வது, இந்திய வாழ்க்கையில் சந்தோசம் என்பது (நெஞ்சை தொட்டு)இங்க கேட்டு வேளை செய்வது... இத நான் உங்ளுக்கு சொல்லத் தேவையில்லை... ஏன்னா... நீங்க எல்லோரும் தமிழ் என்கிற அன்பால சேர்ந்த கூட்டம்... இன்பமான வாழ்க்கை இந்தியாவில்-ன்னு உங்க சார்பா நான் சொல்லிட்டேன்... நல்லதொரு தீர்ப்ப அதிரடியா நீதிபதி சொல்லுவாங்க... அதற்கு சரவெடியா உங்கள் கரகோசத்தை தாருங்கள் எனக்கூறி... வாய்ப்பிற்கு நன்றிகூறி விடைபெறுகின்றேன்... நன்றி...வணக்கம்.

குவாட்டர், ஹாஃப்... புஃல்

2009-11-02T23:47:00.002-05:00

இது பழமையின் "அரைலூசு யார்" என்ற "என் கேள்விக்கு என்ன பதில்"?

இலங்கைக்கு சுற்றுலா போன எம்.பி-ங்க எல்லோரும் கால் (குவாட்டர்) லூசு.

ஒரு இந்தியனா, இனப்படுகொலைக்கு காரணமாணவரை நம் பக்கத்து மானிலத்திற்க்கு வர வைத்து நம்மை ஆழம் பார்க்கும் இந்திய அரசு அரை (ஹாஃப்) லூசு.

இது போதாது தமிழ் கடவுள் முருகனையும் தமிழகம் வந்து சேவித்து செல் இல்லையேல் அவர் கோவித்து கொள்வார் என அழைக்க காத்து கிடப்பவர்கள் முழு (புஃல்) லூசு.

அவர்களுக்கு மீண்டும் மீண்டும் ஓட்டு போடும் நாம் வெறும் "காமெடி பீஸு"

அமெரிக்க பராசக்தி

2009-11-02T22:36:00.003-05:00

தமிழக முதல்வர் கலைஞர் மு.கருணாநிதி எழுதி, நடிகர் திலகம் சிவாஜிகணேசன் நடித்து பலரின் மனதை கொள்ளை கொண்ட பராசக்தி வசனம் இது.

இந்த ஆண்டின் தீபாவளி மலர் நகைச்சுவையை மையக் கருவாக கொண்டதாலும், அமெரிக்கா வந்த நம்மில் பலர் கடந்து வந்த சில நிகழ்வுகளையும், பலர் சொல்ல நினைத்ததையும் சற்றே நகைச்சுவையுடன் உங்களுக்காக, யார் மனதையும் வருத்தப் படுத்த அல்ல... கற்பனை மட்டுமே.
(தீபாவளி விழா மலருக்காக எழுதியது – இங்கு மீள்பதிவாக )
***

அமெரிக்கா, லேண்ட் ஆஃப் ஆப்போர்ச்சுனிடீஸ்... விசித்திரம் நிறைந்த பல நாட்டவரை உள்ளே விட்டிருக்கிறது, புதுமையான மனிதர்களை கண்டிருக்கின்றது, ஆனால் இந்த தேசியின் கூவல் விசித்திரமானதும் அல்ல கூவும் நான் புதிய தேசியும் அல்ல.

அமெரிக்க ஆசையிலே... ஒரு சாதாரண தேசியாக ஹெச்-1-ல் வந்தவன்தான் நான், இரண்டு டாலர் அதிகம் கிடைக்கிறது என்பதற்க்காக அடிக்கடி எம்ப்ளாயரை மாற்றினேன், ஒரே நேரத்தில் இரண்டு மூன்று ஹெச்-1-க்கு விண்ணப்பித்து லாட்டரிக்கு வழிவகுத்தேன், கிரீன் கார்ட் பிராசஸை ரிட்ராகேஸனுக்கு தள்ளினேன் – இப்படி எல்லாம் குற்றம் சாட்டப்பட்டிருகிறேன் நான்.

நீங்கள் எதிர்பார்த்து இருப்பீர்கள், இதையெல்லாம் நான் மறுக்க போகிறேன் என்று, இல்லை நிச்சயமாக இல்லை.

அடிக்கடி எம்ப்ளாயரை மாற்றினேன்... இரண்டு டாலர் அதிகம் கிடைக்கிறது என்பதற்க்காக அல்ல, கிளையண்ட்டிடம் 90 டாலர் வாங்கி எனக்கு 30 டாலர் கொடுத்து... நாம் கொடுப்பதைத்தான் வாங்கிகொள்ள வேண்டும் என்று மார்தட்டினார்களே... அந்த எம்ப்ளாயரின் கொட்டத்தை அடக்க வேண்டும் என்பத்றக்காக.

ஒரே நேரத்தில் இரண்டு மூன்று ஹெச்-1-க்கு விண்ணப்பித்து லாட்டரிக்கு வழிவகுத்தேன்... ஏன்? அதனால் இன்னொரு சக தேசிக்கு கிடைக்க வேண்டிய வேலை வாய்ப்பை கெடுக்க அல்ல, என்றோ ஒரு நாள் என்னுடைய தற்போதைய எம்ப்ளாயரிடம் வேலை போய்... நான் என் சோற்றுக்கு லாட்டரி அடிக்ககூடாது என்பத்றக்காக.

உனக்கு ஏன் இவ்வளவு அக்கறை... தேசிகள் யாருக்கும் இல்லாத அக்கறை என்று கேட்பீர்கள்? நானே பாதிக்கப்பட்டேன்... நேரடியாக பாதிக்கப்பட்டேன்.

சுய நலம் என்பீர்கள்... என் சுய நலத்திலே பலரது குடும்ப நலமும் கலந்து இருக்கிறது. என் வேலையை பற்றி மட்டுமே கவலைப்படாமல்... எல்லா தேசிகளுக்காகவும் கவலைப்பட்டேன், தனக்கு சாப்பிட உணவு கிடைத்தால் ஊரையே கூப்பிடுமே... அந்த காக்கையை போல.

என்னை குற்றவாளி என்பீர்களா? இந்த குற்றவாளியின் வாழ்க்கையிலே கொஞ்ச தூரம் பின்னோக்கி பார்த்தால் அவன் கடந்து வந்துள்ள காட்டாறு எவ்வளவு என்று பார்க்க முடியும். தானே முன்வந்து சம்பளத்தை உயர்த்தி கொடுக்கும் எம்ப்ளாயர் இல்லை என் வேலையில்... அலுவலக அரசியலில் படாதபாடுபட்டேன் நான்.... தங்கமானவன் என்று யாரும் தட்டிக்கொடுக்கவில்லை என்னை... தத்தாரிகளை தாண்டி வந்திருக்கிறேன் நான்.

கேளுங்கள் என் கதையை, இவன் தேசி இல்லை பரதேசி என்று பரிகாசம் செய்யும்முன் கேளுங்கள் என் கதையை, தமிழ் நாட்டிலே... தஞ்சை மாவட்டத்திலே பிறந்தவன் நான். பிறக்க ஒரு நாடு... பிழைக்க ஒரு நாடு. நன்கு படித்தவரின் தலை எழுத்திற்க்கு நான் மட்டும் விதிவிலக்கா? சிங்கப்பூர் என்னை சீராட்டி வரவேற்றது, தகுதியை வளர்த்தது, உயர்ந்தவனாக்கியது.

சரி அமெரிக்காவையும் ஒரு முறை பார்த்துவிடலாமே என்று அமெரிக்கா வந்தேன். இன்று லாட்டரி ஹெச்-1-னால் கலகலத்துபோய் இருக்கிறார்களே இந்த மேன்பவர் கம்பெனிகள்... அவர்கள் விரித்த வலையில் விழுந்த ஆயிரக் கணக்காணவர்களில் நானும் ஒருவன்... இண்டர்வியூ நன்றாக செய்தும் ரேட் சரியில்லை என்று பென்ச்ஞில் உட்கார வைக்கப்பட்டேன்... நல்ல ரேட்டிற்க்காக சீனியாரிட்டியை பறிகொடுத்தேன்... மனம் உடைந்தேன்... கடைசியில் கன்சல்டண்ட்டாக மாறினேன்.

காண வந்த அமெரிக்காவை கண்டேன்... அகண்டு விரிந்த மாகாணங்களாய்... ஆம் தறிகெட்ட தட்ப வெட்ப நிலையிலும், நாலு வேறுபட்ட நேரங்களுடனும். தரையிரங்கியா ஊரோ சிகாகோ... அடித்தது குளிர் என்னை சிக்-ஆக்க. தடுமாறிவிட்டது டிராபிகல் வெதரில் வளர்ந்த என் உடம்பு.

கூட்டாளிகளின் தொல்லை... குடிக்க சொன்னார்கள், எனக்கு பிடித்ததோ கல்யாணி... கூட்டாளிகள் ஹாட்டுக்கு அலைந்தார்கள்...கல்யாணிக்காக நான் அலைந்தேன். கண்டுபிடித்தோம் ஒரு கடையை, கல்யாணிக்காக காத்திருந்தனர்... அதில் காளையர் பலர், கண்ணியர் சிலர். கல்யாணியின் டிமாண்டை பார்த்து காசு கூடகேட்டான் அந்த கடைக்காரன்.

சம்பள பாக்கியில் சம்பந்தப்பட்டு லேபர்கோர்ட்டில் பாப்பர் சொல்லி நிற்க்கிறார்களே இந்த இன்க் கம்பெனிகாரர்கள்... பகட்டு வார்த்தையால் பலபேரை பதம் பார்த்தவர்கள்... என்னையும் மயக்க பார்த்தார்கள்... என் நண்பர்கள் தடுத்திருக்காவிடில் நானும் மாட்டியிருப்பேன். அமெரிக்க கம்பெனிகள் காப்பாற்ற வந்தன என்னை... பிரதி உபகாரமாய் டிராவலிங் ஜாப் பண்ணவேண்டும் என்று சொன்னார்கள். அதில் தலையாய பங்கு வகித்த கம்பெனி ஆர்.பி.எம். நாலு நாள் வேலை பார்த்தால் போதும் என்றனர்... ஆனால் அந்த நாலு நாளில் என் நாடி நரம்பையெல்லாம் கயட்டி விட்டான் அவன் கிளையண்ட்.

ஆர்.பி.எம்-ல் வேலை என்ற பெருமை... விட்டுவர மனமில்லை, குடும்பத்தை விட்டு அலையவும் விருப்பம் இல்லை... அதனால் டிராவலிங்கை கைவிட்டேன். விருப்பமான வேலையை விடுவது விந்தையல்ல... உலக உத்தமர் காந்தி... அகிம்சா மூர்த்தி... பாரட்-லா படித்தவர்... அவரே தேச சுதந்திரத்திற்க்காக வக்கீல் தொழிலை விட்டு இருக்கிறார்.

வேலை என்னை விரட்டியது... ஆரம்ப ப்ராஜக்ட் ஆர்கன்ஸாசில் என்றான்... அங்கு ஓடினேன்.... பக்கா ப்ராஜக்ட் பாஸ்டனில் என்றான்... அங்கும் ஓடினேன். ஜாப் ரிஸர்ஸன் என்னை பயமுறுத்தியது... ஓடினேன்... ஓடினேன்... அமெரிக்காவின் ஐம்பது மாகாணங்களுக்கும் ஓடினேன். அந்த ஓட்டத்தை நிறுத்தியிருக்க வேண்டும்... என் வாட்டத்தை போக்கியிருக்க வேண்டும் அந்த கிரீன் கார்ட் பிராசஸ் பண்ணும் ஐ.என்.எஸ்... ஈ.ஏ.டி கொடுத்தார்களா? ஈ.ஏ.டி கொடுத்தார்களா படித்த ஹெச்-4 உள்ளவர்களுக்கு?

(ஒருவர் இடைமறித்து: இவர் வேலைக்காகவோ இல்லை கிரீன் கார்டுக்காகவோ கூவ வில்லை... யாரோட ஈ.ஏ.டி-க்காகவோ கூவுகிறார்)

இல்லை... யாரோட ஈ.ஏ.டி-க்காகவோ இல்லை... அதுவும் என் கூவல் தான்... என் மனைவிக்காண கூவல்... பட்ட படிப்பு படித்த மனைவியின் படிப்பை, திறமையை வீணடிக்காமல் துட்டு பார்க்க நினைப்பதில் என்ன தவறு?

தகுதி உடையவர்களை ஈ.ஏ.டி-யை காரணம் காட்டி வீட்டில் உட்கார வைத்தது ஒரு குற்றம், தேசத்திற்க்கு திரும்பி விட்ட தேசிகளை கணக்கில் கொண்டுவராமல் பழைய கேப் கவுண்டை காட்டுவது இன்னொரு குற்றம். இத்தனை குற்றங்களுக்கும் காரணம் யார்? யார் காரணம்?

ஹெச்-4 அத்தைகளுக்கு ஈ.ஏ.டி கொடுக்காதது யார் குற்றம்? ஹெச்-1-ல் வந்தவனின் குற்றமா? அல்லது ஒருவருக்கே பல ஹெச்-1 தந்த ஐ.என்.எஸ்-ன் குற்றமா?

பணம் பறிக்கும் இன்க் கம்பெனிகளை வளர விட்டது யார் குற்றம்? அமெரிக்கா வந்தால் போதும் என்று வரும் தேசிகளின் குற்றமா? அல்லது கஞ்சமாக பலர் நெஞ்சை மிதிக்கும் வஞ்சகர்களின் குற்றமா?

பிரையாரிட்டி டேட்டை பிண்ணுக்கு தள்ளியது யார் குற்றம்? கோட்டா என்ற பெயரில் அப்ளிகேஸன் ”துட்டை” உயர்த்தி தேசியிடம் ”ஆட்டை”-யை போடும் ஐ.என்.எஸ்-ன் குற்றமா? அல்லது ”துட்டை” வாங்கி கொண்டு பதிலே பேசாமல் தேசியின் நெற்றியில் ”பட்டை”-யை போடும் அட்டர்னியின் குற்றமா?

இந்த குற்றங்கள் திருத்தப்படும் வரை இந்த ஹெச்-1/ஹெச்-4-ன் கூவல்களும் குமுறல்களும் குறையப்போவது இல்லை. இதுதான் நான் இங்கு படித்த பாடம், பட்டறிவு... பரிதாபமான அமெரிக்க அனுபவம்.

கனவு மெய்பட வேண்டும்...

2009-10-24T19:12:00.012-04:00

தொலைபேசி...

சுருண்ட அந்த மின் கம்பி (வயர்) தான் அதன் அடையாளம், அடிக்கடி சுருட்டிக் கொள்ளும் அதன் சுருக்கத்தை நீவி விட்டுகொண்டே பேசினால்தான் சிலருக்கு பேசிய நிறைவு கிடைக்கும்... அது கனவாக்கிப்போனது இப்போது. புதிய இணைப்புகளுக்காகவும் மேம்பட்ட சேவைக்கும் என்று மாதம் ஒருமுறை பள்ளம் தோண்டி விழ வைப்பதுடன் விழாக்காலங்களில் எங்கள் சேவை உங்களுக்கு தேவை என அன்பளிப்பு வாங்கியது... அது கனவாக்கிப்போனது இப்போது.

காரணம் கைத்தொலைபேசி... மின்விசிறி...

இதமான காற்று தர உதவும் இறக்கை தான் அதன் அடையாளம். காற்றில் அது வெட்டிவரும் ஓசை கேட்டால்தான் சிலருக்கு தூக்கமே வரும்... அது கனவாக்கிப்போனது இப்போது. இலகுப்பசை (கிரீஸ்) இத்துப்போய் கிறீச் சத்தம் போடுவதோடு மாதம் ஒருமுறை என்மீதுள்ள தூசியை துடை என்று நம்மை வேலை வாங்கியது... அது கனவாக்கிப்போனது இப்போது.

காரணம் புதிய இறக்கையில்லா மின்விசிறி...

அரசியல்...

காரியம் என்றால் வாரியம் வரை நடக்கும்/செய்யும் ஊழல் தான் அதன் அடையாளம். மத்திய அரசு கொடுக்கும் மாநில மானியங்களை மத்திய அமைச்சர் மாமுல் வெட்டாமல் கொடுக்கனும்... அது கனவாக்கிப்போனது இப்போது. இலவசம் கொடுத்து எங்களை இளித்த வாயர்களாக ஆக்காமல் மாதம் ஒருமுறை மாவட்டம் வாரியாக புதிய வேலைவாய்ப்பை உருவக்குவது... அது கனவாக்கிப்போனது இப்போது.

காரணம் பாழாய்போன, பழசாய்போன, பழகிப்போன அரசியல்.

கம்பியில்லா தொலைபேசியை போல்,

இறக்கையில்லா மின்விசிறியை போல்,

சுருட்ட தெரியாத அரசியல்வாதி,

கையில் தூசிபடாத அரசியல்வாதி...

அரசியல்வாதியில்லா அரசு... என் கனவு.

பத்து கோடி படமும்... பத்து நிமிட பதிவும்

2009-10-21T13:33:00.001-04:00

இன்றைய அளவில் ஒரு நடுத்தர படம் எடுக்க குறைந்த பட்சம் ஒரு பத்து கோடி தேவைப்படுகிறது.

கதையோ, உதையோ இல்ல சதையோ ஏதோ ஒன்றை நம்பி பல கோடி போட்டு எடுத்த படங்களின் இன்றைய நிலை என்ன?

படம் பார்த்து வந்த அடுத்த பத்தாவது நிமிடத்தில்... ஒரு பத்து நிமிட செலவில்... ஒரு பதிவு.

தயாரிப்பாளர்களுக்கு திருட்டு வி.சி.டி/டி.வி.டி தொல்லையோடு இன்றைய பெரும் தொல்லை ப.ப.ப (படம் பதிவிடும் பதிவர்) தொல்லை, அவர்களிடும் நக்கலுக்கு இல்லை ஒரு எல்லை.

பாவம் பத்து கோடி போட்டவரை பத்து நிமிடப் பதிவில் தெருக்கோடிக்கு கொண்டுவந்து விடுகிறார்கள்.

கத்திரிக்காய்க்கு கால் முளைத்தால்...

2009-10-19T18:23:00.004-04:00

கத்தீரிக்காய்... கத்தீரிக்காய்...
குண்டு கத்தீரிக்காய்...
கண்ணம் ரெண்டும் கிள்ளச் சொல்லும்
காதல் பேரிக்காய்...

இங்கிலாந்து போகும்போது
ஏரோபிளேன் ஏறும்போது
டிக்கெட் ரெண்டு வாங்கச் சொல்லி
நோட்டீஸ் விடும்...

என்று ஒரு நல்ல பாடல், இப்ப கிடைத்த தகவலைப் பார்த்தால், வரும் நாட்களில் அமெரிக்கா இந்தியாவிற்கு நோட்டீஸ் விடும் போல இருக்கு.

செய்திக்கு...

எல்லாம் ஒப்புக்கொள்ளப் பட்டால்... முதலில் விதை இலவசம்னு ஆரம்பித்து... போக போக... கால் முளைத்து அமெரிக்கா சென்ற கத்தரிக்காயை... பேட்டர்ன் ரைட்ஸ் கொடுத்து கூட்டிக்கொண்டு வரப்போகிறோம்.

புதிய கத்தரிக்காய்...சேதி

மரபணு மாற்றப்பெயர்...பி.டி
பயிரிட்டாக் கிடைக்காலாம்... கோடி
சாப்பிட்டால் குறையலாம்... நாடி

இனி வரும் காலத்தில்
நாட்டுக்கத்திரியை தேடனும்... ஓடி

கண்டிருக்கிறார்கள் புதிய... விதை
நிறைய இருக்குமாம்... சதை
நாமெல்லாம் நம்பனுமாம்... அதை

இனி வரும் காலத்தில்
இந்திய வழுதணங்காய் வரலாற்றுக்... கதை

வரும் காலத்தில்...
கத்தரிக்காய் ஒரு பணம்
சுமை கூலி மூன்று பணம்.

உங்க நேர்மை எனக்கு ரொம்ப புடிச்சிருக்கு...

2009-10-17T00:55:00.002-04:00

நான் அமெரிக்கா வந்த புதிதில் நண்பர்களுடன் பொருட்கள் வாங்க கடைகளுக்கு போகும் போது நான் வாங்கிய பொருட்களுக்கான ரசீதை பொருட்கள் வாரியாக சரி பார்ப்பேன், நண்பர்கள் எல்லோரும் மொத்த தொகையை பார்த்து விட்டு ரசீதை பையில் போட்டுவிடுவார்கள். ஏம்பா சரி பார்க்கலையா என்றால்... இங்கெல்லாம் அனைத்தும் கணிப்பொறி மயம், பைசா சுத்தமா இருக்கும் என்று சொல்லி அதற்க்கு ஒரு வங்கி உதாரணத்தையும் சொன்னார்.

ஒரு வங்கியில் நம் நண்பர் கணக்கில் ஒரு பைசா மட்டும் இருந்ததாம், கணக்கை முடித்தால் அவர் கடன் பற்று வரலாறு (கிரெடிட் ஹிஸ்டரி) பாதிப்படையும் என்று கணக்கை முடிக்காமல், ஆனால் பற்று வரவு இல்லாமல், வைத்திருந்தாராம். அதற்க்கு அந்த வங்கியில் இருந்து மாதா மாதம் குறைந்த மூன்று பக்கம் பற்று வரவு அறிக்கை என்று, அதற்கு அஞ்சல் செலவு வேறு, இருந்தாலும் நம் காசு ஒரு பைசாவாக இருந்தாலும் ரொம்ப ஞாயமாக நடப்பார்கள் என்று சொன்னார்.

இந்த கதை ஏதோ ஒரு 5 மாதம் இல்லை 6 மாதம்தான், பிறகு கணக்கை முடித்து கொள்ள சொல்லியிருப்பார்கள் என்று நினைக்காதீர்கள், இந்த கூத்து ஒரு இரண்டு வருடமாக நடந்திருக்கிறது. நான் கூட நண்பர் அமெரிக்காவ ரொம்ப தூக்கி பேசுகிறார் என்று நினைத்துக்கொண்டேன்.

இல்லை அது உண்மை என்பது போல் இன்று ஒரு நிகழ்வு. இந்த வருடம் ஜார்ஜியா மாஹானத்தில் வரிவிதிப்பில் சில சிறிய பிரச்சனைகள், சிலரிடம் சற்று அதிகமாக வரி வசூலித்து விட்டனர், இப்போது அதை சரி பார்த்து திரும்ப கொடுத்து வருகின்றனர். அந்த தொகைகள் ஒரு பைசாவிலிருந்து... சில நூறுகள் வரை.

இன்று செய்தியில் ஒருவருக்கு எட்டு பைசாவிற்க்கு, 42 காசு அஞ்சல் செலவு செய்து மாஹாண கருவூலத்தில் இருந்து காசோலை அனுப்பி இருக்கின்றனர், அரசாங்கத்திற்க்கு அஞ்சல் செலவு தெண்டம் என்று செய்தி வாசிப்பவர் கூறினார்.

உண்மையில் தெண்ட செலவு அந்த 42 பைசா மட்டும் அல்ல, காசோலை மற்றும் அதை அச்சு செய்ய, கிடைத்தவர்கள் அந்த எட்டு காசை பெற வங்கிக்கு கார் எடுத்து செல்ல, வங்கியிலிருந்து கருவூலத்திற்க்காண தகவல் மற்றும் பண பறிமாற்றம் என்று...பல தெண்டங்கள்.

இப்ப சொல்லுங்க... அவங்க நேர்மை எனக்கு ரொம்ப புடிச்சிருக்கு... சரிதான?

ஹும், நம்மூருல ஒரு பேரூந்து நடத்துனர் பணிகளிடம் 5 பைசா பாக்கி கொடுக்காம, அதை சேர்த்து மாடி வீடு கட்டிட்டார்ன்னு நையாண்டி பண்ணுவோம், இங்க கணிப்பொறி மயம்... அரசாங்க கஜானாவை காலி செய்து கொண்டிருக்கின்றது.

வளையுலக நண்பர்களுக்கு இனிய தீபாவளி நல்வாழ்த்துக்கள்.

பூனை கண்ணை மூடினால்....

2009-10-10T00:46:00.001-04:00

பூனை கண்ணை மூடினால் பூளோகம் இருண்டு போய்விடுமா? இப்படி ஒரு முதுமொழி உண்டு, அதை இந்த பத்திரிக்கை காரர்களும் நடிகர்களும் பின் பற்றி கண் மூடியோ இல்ல காதை பொத்தியோ இருக்கலாம். ஒரு பூனை (கண்) வாய் திறக்க பல பூனை இப்ப மணி கட்டி அலையிது.

அரசியல் வாதிக்கு வோட்டிங் பிரச்சனை,
நடிகர்களுக்கு டேட்டிங் பிரச்சனை,
பத்திரிக்கை காரங்களுக்கு ரேட்டிங் பிரச்சனை,
காவலர்களுக்கு கட்டிங் பிரச்சனை...

ஆக, அவன் அவன் அடுத்தவன் மேல இருந்த காண்ட கரெக்ட் பண்ணி மணியடிச்சிட்டீங்கள்ல... சரி, இடத்த காலிபண்ணுங்க.

பதிவர்களே... உங்களுக்கு என்னய்யா பிரச்சனை?
ஹி... ஹி... நமக்கு நாமேதான் பிரச்சனை.

மியாவ்... மியாவ்
மியாவ்... மியாவ்
மிய்..யா...வ்

மியாவ் மியாவ் பூனை
ரேட்டை சொல்லும் பூனை
சீ... போ... -ன்னு படிக்கமாட்டேன்
உன் பதிவுமேல ஆனை

மிய்..யா...வ்

சந்தோசக் காற்றில்...

2009-10-04T18:23:00.002-04:00

அலேக்ரா அலேக்ரா... கந்தசாமியில் ஒரு காட்டு... மன்னிக்கவும் பாட்டு. நான் பாடல் வரிகளின் ரசிகன்... இசை மற்றும் பாடல் வரிகள்... வரிகளில் ஆங்கில கலப்பு அதிகம் இருந்தாலும்... என்னை கவர்ந்தது.

சரி பாடல் வரிகளை தாண்டி இந்தப் பாடலில் இசை அமைப்பாளரால் சேர்க்கப்பட்ட ஜிங்கிள்ஸ் வரிகள்... அலேக்ரா அலேக்ரா... இதில் ஏதோ இருக்க வேண்டுமே என்று தேடினேன்... அலேக்ரா... இத்தாலிய பெயர், பெண் பெயர்... அதன் அர்த்தம் "சந்தோசம்". வரலாற்றில் அலேக்ரா பைரோன்... பிரிட்டிஷ் கவிஞருக்கு தகாத உறவில் பிறந்த பெண்ணுக்கு 1817-ல் வைக்கப்பட்ட பெயர். இசையுலகில் அலேக்ரா என்றால் "சந்தோஷக் காற்று".

சரி... பாடல் வரிகள படிப்போம்...

அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...
அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...

இந்திய பொண்ணுதாங்கோ- இத்தாலி கண்ணுதங்கோ
நான் ஒரு மின்னல்தாங்கோ தில் இருந்தா வாங்கோ

ஹேய்.. மேனியே மேக்னெட் தாங்கோ சாப்பிட சாக்லேட் தாங்கோ
நான் ஒரு மின்சாரங்கோ, தள்ளி நின்னு போங்கோ

ரெட் வைன் பாட்டில் நான்...
காஷ்மீர் ஆப்பில்நான்...
கோல்டன் ஏஞ்ஞெல் நானே...

அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...
அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...

இசை...

ஆ- ஆடலம் டாங்கோ டாங்கோ
அடிகலம் போங்கோ போங்கோ
வாழ்கையே சார்டோ லாங்கோ
வாழ்ந்துபார்போம் வாங்கோ
(அலேக்ரா அலேக்ராஅலேக்ரா அலே-அலேக்ரா)

பாடலாம் சாங்கோ சாங்கோ
உதடுகள் வீங்கும் வீங்கும்
வாழ்ந்தது ரைட்டோ ராங்கோ
வாழ்வோம் இனிமேல் வாங்கோ
(அலேக்ரா அலேக்ராஅலேக்ரா அளே-அலேக்ரா)

ஓசோன் தாண்டி நம் ஒசை போகட்டும்
வானம் கை தட்டுமே

அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலெலலே...

இசை...

அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...
அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...

ஓ...
ஆசைகள் ஒன்னோ ரெண்டோ
அடங்கிடும் மனசும் உண்டோ
நம்விழி ரெண்டும் விண்டோ
மூடி வைப்போம் ஏனோ

ஓ...ஓ...
வானவில் பெண்டு என்றோ
பிறை நிலா பெண்டு என்றோ
சொல்பவன் முட்டாள் அன்றோ
குறையை பார்த்தால் நன்றோ

நேற்று போயாச்சு
நாளை புதிராச்சு
இன்றே நிலையானது...து...து

அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...
அலேக்ரா அலேக்ரா
அலேக்ரா அலே-அலேக்ரா
அலேக்ரா அலேக்ரா
அலேக்ரா அலே-அலே...

மேலே கண்ட வரிகளில் சொரிவதற்க்கு நிறைய வரிகள்... இருந்தாலும் சில வரிகள் தமிழில் இருந்தால் இன்னுன் அழகாக இருந்திருக்கும் என்பது என் எண்ணம்.

வானவில் பெண்டு என்றோ
பிறை நிலா பெண்டு என்றோ
சொல்பவன் முட்டாள் அன்றோ
குறையை பார்த்தால் நன்றோ

இதையே...பெண்டுக்கு வளைவு என்று மாற்றி எழுதியிருக்கலாம்

வானவில் வளைவு என்றோ
பிறை நிலா வளைவு என்றோ
சொல்பவன் முட்டாள் அன்றோ
குறையை பார்த்தால் நன்றோ.

அதேமாதிரி... ஜிங்கிள்ஸ

அழகிடா அழகிடா
அழகிடா அழகிய-அழகிடா -ன்னு மாத்தி போட்டு படிச்சி/பாடி பாருங்க.

கூகிள்ஜி...

2009-10-02T21:50:00.003-04:00

காந்தி ஜெயந்தியை முன்னிட்டு இன்று கூகிள் தேடு தளத்தில் காந்திஜியின் முகப்பு...

அன்று... எளிமையின் திரு உருவம்
இன்று... கூகிளின் திரை உருவம்

அஞ்சாவுப்பு புள்ளையோட அறிவாளியா நீங்க?

2009-09-25T22:43:00.002-04:00

நீங்கள் ஐந்தாம் வகுப்பு மாணவரை விட அறிவாளியா?

இது ஒரு அமெரிக்க தொலைகாட்சி நிகழ்ச்சி (ஆர் யு ஸ்மார்டர் தன் பிஃப்த் கிரேடர்?), போட்டியிடும் பெரியவர்கள் ஒன்று முதல் ஐந்தாம் வகுப்பு வரை படிக்கும் குழந்தைகளுடன் மல்லுகட்ட வேண்டும். சரியாக பதில் சொன்னால் பணம் வரும்... இல்லையேல் மானம் போகும்.

மொத்தம் பத்து கேள்வி, பிறகு ஒரு கொசுறு (போனஸ்) சரியாக பதில் சொல்ல சொல்ல $250, $500, $1000 என்று பரிசு பணம் மில்லியனில் போய் நிற்க்கும்.

1-ம் வகுப்பிலிருந்து இரண்டு கேள்வி, 2-லிருந்து இரண்டு என பத்து கேள்விகள். ஒரு சில உதவிகள் உண்டு.

உதாரணத்திற்க்கு சில கேள்விகள்...

1. நட்சத்திர மீன்கள் எப்போதும் ஐந்து கைகளுடந்தான் பிறக்கும் -
சரியா / தவறா?

2. இந்த தொடரில் வரும் அடுத்த எண் என்ன?
1, 2, 6, 42, 1806, ?

3. 'மூஸ்' என்கிற வாத்தையின் பன்மை (ப்லூரல்) என்ன?
அ) மூஸஸ், ஆ) மீஸ்ஸ், இ) மூஸ்

கேள்விய பார்த்தா ரொம்ப சின்ன புள்ள தனமா இருக்கா? நாம்லும் போட்டியில் கலந்து கிட்டா சுலையா... முள்ளங்கி பத்தையா 1 மில்லியன ஆட்டைய போட்ட்டுலாம்ன்னு தோணுதா? பதில் சொன்னா பரிசு... சொல்லாட்டி? தருமி மாதிரிதான் நம் நிலமை... கைபுள்ள கணக்கா எனக்கு இப்பவே கண்ண கட்டுதேன்னு சொல்லிட்டு கழண்டுகிலாம்... ஆனா... கேமராவ பார்த்து "சாமியோவ் நான் அஞ்சாவுப்பு புள்ள மாதிரி அறிவாளி இல்லீங்கோ"-ன்னு சொல்லிட்டுதான் நடைய கட்டனும்.

( 1 மில்லியன் தரேன்னு சொல்லி கூப்பிட்டு நான் தற்குறின்னு நானே சொல்லிக்கினுமா? அவ்வ்வ்வ்வ்வ்வ்வ்வ்... அதுக்கு நாக்கை பிடிங்கிகிட்டு சாவலாம்)

இதுவரை இருவர் 1 மில்லியன் அமெரிக்க வெள்ளியை பரிசாக வென்றுள்ளனர்.

விடை:
1. தவறு. (இது வரை ஒரு நட்ச்சத்திர மீன் 40 கைகளுடன் பிறந்து உள்ளதாம்)
2. 3263442 (எப்பூடி?)
3. மூஸ்

லாபம் நமக்கு மட்டுமே...

2009-09-16T12:48:00.002-04:00

இலங்கையில் 11 வருசத்திற்க்கு பிறகு கிரிகெட்டு விளையாடி இலங்கை அணிக்கு நெத்தியில் திரு நாமத்தை போட்டுட்டு வந்திருக்காங்க நம்ம பசங்க.

அதுக்கு காரணம் யாரு? தோணி-யா? இல்லவே இல்லை... அங்கே அவன் உருவில் விளையாடிய பாணி.. நம் முருகன் தண்ட-பாணி.

சச்சின் எப்படி சதம் அடிச்சான்? எம்பெருமான் முருகன், தண்ட-பாணி கேப்டன் தோணி-யா மாறி சொன்னார்... சச்சின்... இலங்கை ஆட்டக்காரன் வீசுரது எல்லாம் பந்தே அல்ல அது பழனிமலை லட்டு... நீ அதை உன் இஸ்டத்துக்கு தட்டுன்னு.

லாபம் நமக்கு மட்டுமே... திருமுருக கிருபானந்த வாரியார் அருளியது...

பால் கறக்கும் மாடு நம்முடையதாக இருந்தாலும், கன்றுக்குட்டியை அருகில் கொண்டுபோனால் தான் பசு பால் கொடுக்கும். அதுபோல, அடியார்களின் துணையோடு போனால் ஆண்டவனின் அருளை எளிதாகப் பெற முடியும்.

அரசு ஒழிக என்று கோஷம் போடும் கைதிகளை சிறையில் அடைத்தாலும் அவர்களுக்கு உணவு போட வேண்டியது அரசனின் கடமையே. அதுபோல கடவுள் இல்லவே இல்லை என்று நாத்திகம் பேசுபவரையும் கடவுள் காப்பாற்றவே செய்கிறார்.

சத்தியத்தைப் பேசுதல், தர்மத்தை அனுசரித்தல், தாய்தந்தையரைப் போற்றுதல், தெய்வ வழிபாடு செய்தல் இவை எல்லாம் ஒவ்வொரு மனிதனும் செய்ய வேண்டிய அடிப்படை செயல்களாகும்.

சோதனைகள் நம்மை வருத்தும்போது, அறியாமையினால் "ஆண்டவனே! உனக்கு கண்ணில்லையா' என்று கதறுகின்றோம். ஆனால், கடவுள் நமக்குப் புரிவது எப்போதும் அருள் மட்டும் தான்.

கடவுளை வணங்காவிட்டால் நம்மை தண்டிப்பதில்லை. வணங்கினால் நமக்குத் தான் நன்மையே தவிர, அவருக்கு எந்த நன்மையுமில்லை. ஆற்றில் குளித்தால் நம் உடல் தான் தூய்மை பெறும். இதில் ஆற்றுக்கு எந்த லாபமும் இல்லை.

பாத்திரமறிந்து பிச்சையிடு...

2009-08-20T18:02:00.004-04:00

பாத்திரமறிந்து பிச்சையிடு... முதுமொழி

பதிவபடிச்சி பின்னூட்டமிடு... இது புதுமொழி

புது மொழிய விட்டுடுவோம், போடுறது மொக்கை அதை படிச்சி பார்த்து போடுனுமான்னு நீங்க கேட்க்க வேணாம், பதிவரே கேட்டுக்குவாங்க.

பீ கேர்புஃல்... நான் என்ன சொன்னேன்.

முது மொழிய பார்ப்போம், வாசலில் வந்து யாசகம் கேட்பவர் எல்லோரும் பிச்சைக்காறாரர் அல்ல அவர்களில் சிலர் சிவ/வைணவ அடியார்களாகவும் இருப்பார்கள், அவர்களில் சிலர் பழவகைகளை மட்டுமே பெற்றுகொள்வார்கள். அதனால் வந்திருப்பவரின் கையில் திருஓடு இருக்கிறதா இல்லை வேறு பாத்திரம் உள்ளதா என்பதறிந்து உணவிட வேண்டும் என்பதற்க்காக சொல்லப்பட்ட முது மொழி.

ராப்பிச்சை... வழக்கம் போலதான், எது போட்டாலும் வாங்கி கொண்ட காலம் போய், சூடா ஏதாவது போடுங்கன்னு கேட்டாங்க, அது இப்ப கொஞ்சம் சூடு பிடிச்சி... சூடா இல்லாட்டி பரவா இல்லை பணமா குடுங்க நல்ல கடையா பார்த்து நானே வாங்கி கொள்கிறேன் என்று சொல்லும் வரை வந்துவிட்டது.

காதல்பிச்சை... இப்ப காத-ல்/லில் பிச்சை எடுக்கிற ஸ்டைல்/டிரெண்டு ரொம்ப மாறிடுச்சி. கடற்க்கரையில் காதலி பாத்திரமே இல்லாமல் என்னங்க(!!!) என்றால் போதும் கையில் சுண்டலோ, பொறியோ, ஏதோ ஒன்று கிடைத்து விடுகிறது. பதிலுக்கு காதலன் கண்ணத்தை காட்டுகிறான்... கிடைத்தது முத்தப் பிச்சை.

அற்ப்பனுக்கு வாழ்வு வந்தால்...

2009-08-13T16:32:00.002-04:00

”அற்ப்பருக்கு வாழ்வு வந்தால் அர்த்த இராத்திரியில் குடை பிடிப்பார்” என்று ஒரு முது மொழி. அமெரிக்கா காரர்கள் ரொம்பவே குடை பிடித்து இருப்பார்கள் போல இருக்கு, இப்போது அதை கொஞ்சம் அனுபவிக்கிறார்கள். சரி இனிமேலாவது குடை பிடிக்காமல் இருக்கலாம் அல்லவா? இல்லவே இல்லை... ஆடின காலும் பாடின வாயும் போல... வாழ்க்கையை அனுபவிக்க அமெரிக்கருக்கு நிகர் அமெரிக்கரே.

அமெரிக்காவில் உட்கார்ந்து கொண்டு இதை சொல்வதற்க்கு சங்கடமாக இருந்தாலும் இப்போது நான் தொலைக்காட்சியில் பார்த்த ஒரு செய்தி, ”கேஸ் ஃபார் க்ளங்கர்ஸ்” - Cash for Clunkers, இது அமெரிக்க பொருளாதார சீர்குலைவை – குறிப்பாக நலிவுற்ற வாகன சந்தையை தூக்கி நிறுத்த - சரி செய்ய அரசாங்கத்தால் அறிவிக்கப்பட்ட திட்டம். பழைய கார்களை பெற்று கொண்டு அதற்க்காக புதிய காரின் விலையில் $4500 டாலர் குறைத்து கொள்வது. மக்களிடம் நல்ல வரவேற்ப்பை பெற்றுள்ளது. சரி இப்படி பெறப்பட்ட பழைய கார்கள் என்ன செய்யப்படுகின்றன? அப்படியே நொருக்கப்படுகிறன, அதிலிருந்து எந்த ஒரு பாகமும் மறுபயனீட்டிற்க்கு எடுத்துக் கொள்ளப்படவில்லை, அதைத்தான் தொலைக்காட்சி செய்தியில் நான் கண்டேன்.

சரி அமெரிக்கர்கள் முன்பு குடை பிடித்ததை – மாதிரிக்கு ஒன்றே ஒன்று பார்ப்போமா? அலுவலகத்தில் வெளிச்சம் பெற கூறையில் சுமார் இரண்டு மூன்று அடிகளுக்குள் ஒரு வாழைத்தண்டு விளக்கு பொருத்தி இருப்பார்கள், மேலும் நாம் உட்கார்ந்திருக்கும் சதுரத்தில் (கியூபிகல்) ஒன்றோ அல்லது இரண்டோ ( நான் இப்போது வேலை செய்யும் இட்த்தில் மூன்று) பொருத்தி இருப்பார்கள், அது போதாது என்று அமெரிக்க நண்பர்கள் தங்கள் சொந்த செலவில் ஒரு மேசை விளக்கு வாங்கி வைத்து இருப்பார்கள். வேலை இடம் சும்மா ஸூட்டிங் ஸ்பாட் போல பல பல என்று சொலிக்கும்.

ஏன் என்று கேட்டால் இதற்கு பெயர்தான் வாழ்க்கை தரம் என்பார்கள். பணக்காரனாய் வாழ்ந்து பிச்சைக்காரனாய் சாவது அமெரிக்கரின் தரம், மாறாக எதிர்காலத்திற்க்கு என்று சேமித்து சேமித்து பிச்சைக்காரனாய் வாழ்ந்து பணக்காரனாய் சாவது நாம் வாங்கி வந்த வரம்.

தாங்குமா தமிழகம்?

2009-07-24T17:00:00.002-04:00

சமீபத்திய சட்டசபை கூட்டத்தில் தமிழகத்தின் நிதித்துறை அமைச்சர் அன்பழகன் நாம் ரூ.74,456 கோடி கடனில் இருப்பதாகவும், வரும் வருடங்களில் அது இன்னும் அதிகரிக்கும் என்றும் கூறியுள்ளார்.

தங்களது (தி.மு.க) ஆட்சியால் ஒன்றும் அது அதிகரிக்க வில்லை, அதற்க்கு முன் இருந்த ஆட்சியிலிருந்து அது தொடர்வதாக குறிப்பிட்டு உள்ளார். அது 2000-2001 தி.மு.க ஆட்சியில் இருந்தபோது சுமார் 28,000 கோடியாகவும், தொடர்ந்து வந்த அ.தி.மு.க ஆட்சியில் அது சுமார் 57,000 பின்பு 60,000 என்று வளர்ந்து இன்று 75,000 கோடியை தொட்டு நிற்கிறதாம்.

நம் ஆட்சியாளர்களின் குறிகோள் என்ன? தமிழர்களை கடனில் முன்னேற்றுவதா? முந்தைய அட்சியில் இவ்வளவு கடன் இருந்தது அதை நாங்கள் குறைத்துள்ளோம் அல்லது உயராமல் பல நல்ல திட்டங்களை செய்துள்ளோம் என்று இருக்க வேண்டாமா?

தேவையான தொழிலுக்கு / துறைக்கு, நலிந்த மக்கள் வளர்ச்சிக்கு அரசு மானியம் மிக அவசியம். ஆனால் ஓட்டு தேவைக்காக அரசு மானியம் பல இலவச திட்டங்களால் வீணடிக்கப்பட்டு, தமிழர்களின் வீட்டை கொள்ளையடிக்கிறார்கள் நம் ஆட்சியாளர்கள்.

சட்டசபை உறுப்பினர்களுக்கு சென்னையில் வீடாம்... என்ன கொடுமை? அவர்களுக்கு அவர்கள் தொகுதியில் இல்லாத வேலை சென்னையிலா இருக்கிறது? அவர்கள் சட்டசபை கூட்ட நேரத்தில் தங்கிகொள்ளத்தானே பல கோடியில் சமீபத்தில் எம்.எல்.ஏ விடுதி புதுப்பிக்கப் பட்டது?

இலவசத்தாலும், தகுதிக்கு/திறமைக்கு மீறிய சம்பள முறையாலும் இன்று அமெரிக்கா எதிர்கொள்ளும் பொருளாதாரச் சீரழிவு உங்களுக்கு தெரிய வில்லையா?

பட்டு தெரிந்துகொள்பவன் முட்டாள், பட்டு கெட்டவரிடம் இருந்து கற்றுகொள்பவன் அறிவாளி.

அமெரிக்காவின் கட்டமைப்பு அதனை எந்த சீரழிவிலிருந்தும் எழுச்சிகொள்ள செய்துவிடும். தமிழகம் தாங்குமா?

உருவாக்கத்தன்மையின் உச்சகட்டம்...

2009-07-20T23:54:00.001-04:00

கிரியேட்டிவிட்டி என்கிற உருவாக்கத்தன்மைக்கு இன் நாளில் ஒரு சிறந்த உதாரணம் கூகிள் தேடு தளம் என்றால் மிகையாகாது.

அவர்கள் தொடர்ந்து அந்த நாளைப் பற்றிய சிறப்பை கூகில் முத்திரையாக பதிப்பதில் பெரும் கவனம் செலுத்தி அதில் வெற்றியும் பெற்று வருகின்றனர்.

இன்று மனிதன் நிலவில் காலடி வைத்த நாற்பது ஆண்டுகள் நிறைவை கொண்டாடுவதை குறிப்பிடும் பொருட்டு கூகிளின் முத்திரை...

எச்சரிக்க கடமை பட்டிருக்கிறேன்...

2009-07-08T11:03:00.003-04:00

இதுவும் ஒரு பெஃட்னா-2009 நிகழ்வு குறிப்புதான். இலக்கிய கவியரங்க நாள் அன்று கவிஞர் ஜெய பாஸகரன் சமகால கவிஞர்கள் பற்றி பேசிய போது "அரசியல்வாதி" பற்றி அவர் எழுதிய கவிதை ஒன்றை சொன்னார்...

அவர் சற்று நகைச்சுவையுடன் சொன்னது என்னை மிகவும் கவர்ந்தது... நீங்களும் படித்து மகிழுங்கள்.

இதுவரை
இருபது முறைகளுக்கு மேல் எதிரிகளை
"எச்சரிக்க கடமை பட்டிருக்கிறேன்"
என்றாய்...
சலனமற்றுக் கிடந்த உன்
ஆதரவாளர்கள் முன்னிலையில்.

பலமுறை
"நான் சொல்லிக்கொள்வது என்னவென்றால்"
என்றாய்...
அதை தாண்டி நீ சொன்னது
எதுவுமே விளங்கவில்லை.

அடிக்கடி
"இன்னொன்றையும் குறிப்பிட்டாக வேண்டும்"
என்றாய்...
ஆயினும் ஒன்றை கூட
குறிப்பிட வில்லை.

கடைசியில்
"இறுதியாக ஒன்றை சொல்லி விடை பெறுகிறேன்"
என்றாய்...
அந்த ஒன்றையாவது
சொல்லிவிட்டு போயிருக்கலாம் நீ.

நன்றி: கவிஞர் ஜெய பாஸ்கரனுக்கு - காதால் கேட்டதை கண்ணால் குறிப்பெழுதி இங்கு இடுக்கையாக இட்டிருக்கிறேன் - தவறுகள் இருப்பின் மன்னிக்கவும்

வென்றாக வேண்டும் தமிழ்...

2009-07-07T15:10:00.002-04:00

வென்றாக வேண்டும் தமிழ்... அமெரிக்க மாகாணம் ஜார்ஜியா - அட்லாண்டாவில் நடைபெற்ற பெஃட்னா - 2009 நிகழ்வுகளில் நடைபெற்ற ஒரு இலக்கிய நிகழ்ச்சி.

அதில் குறிப்பிடப்பட்ட ஒரு கவிதை குறிப்பு...

இப்போது
இருதயம் கூட இயந்திரத்தில்
தமிழ் கூட தடுமாற்றத்தில்...

உண்மைதான், தமிழ் வென்றாக வேண்டுமோ இல்லையோ தமிழ் ஒன்றாக வேண்டும் என்பது என் ஆசை... காரணம் அங்கு நான் கண்ட சில காட்ச்சிகள். அவ மனதிற்க்கு மிக வருத்தமளிக்கும் வகையில் இருந்தது.

விழாவில் கலந்துகொள்ள அழைக்கப்பட்ட கவிஞர்களிடம் காணப்பட்ட வேற்றுமை. சிலர் அதை பேசும் போது வெளிப்படுத்தினர், சிலர் அவர்களது செய்கை / நடத்தையில் வெளிப்படுத்தினர்.

இருந்தாலும் தமிழர்களின் ஒற்றுமை குறித்து பேசினார்கள்... எனக்கு அதில் மகிழ்ச்சியே.

கவிஞர் வைரமுத்துவிற்க்கு என் வரவேற்ப்பு

2009-07-06T15:32:00.005-04:00

பெஃட்னா 2009, அட்லாண்டாவில் மிக சிறப்பாக கொண்டாட பட்டது. கவிஞர் வைரமுத்துவிற்க்கு நான் வாசித்த கவிதை...

பெயரோ வைரமுத்து
கைகளிலோ விரல்கள் பத்து
உன் கவிதைகளோ பெரும் சொத்து.

முகத்திலே சாந்தம்
குரலிலே காந்தம்
கவிப்பாக்களிலே பாந்தம்
சுருங்கச்சொன்னால் நீயொரு ஏகாந்தம்.

மண்ணிற்க்கு கவிதை எழுதினாய்
மொழிக்கு கவிதை எழுதினாய்
மனிதனுக்கு கவிதை எழுதினாய்

ஏன்...மரத்திற்க்கும் கவிதை எழுதினாய்...

கவிதையின் தலைப்புத்தான் மரம்
அதில் ஒவ்வொரு வரியும் உலகத் தரம்
கவியே, நீ எங்களுக்கு கிடைத்த வரம்.

மரத்திலிருந்து... மரப்பாச்சி
மனிதனுக்கு... மனசாட்சி
கரிசலிலிருந்து... கருவாச்சி
அதுகாவியமாய்... உருவாச்சி.

தமிழை காதலித்தாய்... கவிஞனானாய்
பொண்மணியை காதலித்தாய்... கணவனானாய்
எதனை காதலித்தாய்?
கலைஞரின் நண்பனானாய்?

மொழிகளில் செம்மொழி
நம் தமிழ் மொழி
இவ்விழாவிற்க்கு அழைத்ததும்
இசைந்தது உன் விழி

தமிழில் நீயொரு அங்கம்
தமிழில் நீயொரு அங்கம்
உனை வருக வருக எனவரவேற்க்குது
அட்லாண்டா தமிழ் சங்கம்.

பி.கு: நேரமின்மை காரணமாக வரவேற்ப்பு நன்றி நவிலலாய் மாறியது...

தமிழில் நீயொரு அங்கம்
தமிழில் நீயொரு அங்கம்
உன் வருகைக்கு நன்றி நவிழ்கின்றது
அட்லாண்டா தமிழ் சங்கம்.

கள்ளக்குறிச்சியில்...

2009-05-21T16:11:00.002-04:00

கள்ளக்குறிச்சியில்... விஜய.டி.ஆர்...ஆ... டர்..ர்..ர்

ஏய்...
நான் தேர்தல்ல நின்ன இடம் கள்ளக் குறிச்சி
மக்கள் தந்தாங்க தோல்வி அதிர்ச்சி
காரணம் எனக்கு சரியில்ல சனிப் பெயர்ச்சி

ஏய் டண்டனக்கா...
ஏய் டணக்குனக்கா

அரசியலில் எனக்கு இருக்கு முதிர்ச்சி
தொடர்ந்து செய்வேன் நான் முயற்ச்சி
அடுத்து வருது குருப் பெயர்ச்சி

ஏய் டண்டனக்கா...
ஏய் டணக்குனக்கா

மருத்துவருக்கு அடிச்சாங்க ஆப்பு
அம்மாவுக்கு கொடுத்தாங்க கேப்பு
வைகோவுக்கு வாயில டேப்பு
கலைஞர் ஆயிட்டார் ஸேஃபு
காங்கிரஸ் மொத்ததில் டாப்பு

ஏய் டண்டனக்கா...
ஏய் டணக்குனக்கா

சுதீசு மாமா கேப்டன்
ரித்தீசு மாமா டாப்டென்

ஏய் டண்டனக்கா...
ஏய் டணக்குனக்கா

தமிழர்கள் அறிவாளிகளா?

2009-05-18T10:31:00.002-04:00

என்னை இப்படி ஒரு கேள்வி கேட்டு ஒரு பதிவு போட தூண்டியது தற்போது நடந்து முடிந்த பாராளுமன்ற தேர்தல் முடிவுகள்.

இந்தியாவில் 100 சதவிகிதம் படிப்பறிவு கொண்டவர்கள், இந்திய அளவில் முக்கிய உயர் பதவி வகிப்பவர்கள் என்று நிரூபிக்கப்பட்ட கேரள மக்களை காட்டிலும் தமிழ் மக்கள் ஓட்டறிவு பெற்றவர்கள் என்பதை நிரூபித்துள்ளனர்.

அன்னம் போல் வண்ணம் (ஜாதி) பெயரை கொண்டு கட்சி நடத்தியவர்களை இனம் கண்டு கொடுத்திருக்கின்றனர் பெரிய அடி.

ஈழப்பிரச்சனை இந்தியாவின் பிரச்சனை இல்லைதான். ஆனால் அவர்கள் தமிழர்களின் உறவுகள். அவர்களுக்கு மத்திய அரசு உதவ வேண்டாம், ஆனால் ராஜீவ் காந்தி செய்தது போல் அமைதி படையை அனுப்பாமலும், இப்போது செய்யும் ராணுவ தளவாடங்கள் உதவியை கொடுத்து உபத்திரவம் செய்யாமலும் இருங்கள் என்று வன்முறை இல்லாமல் சாத்வீகமாக காங்கிரஸ் கட்சி வேட்பாளர்களுக்கு கொடுத்திருக்கிறார்கள் பெரிய இடி.

நான் பார்த்த தேர்தல்களில் இந்த தேர்தல் வாழ்க்கை முக்கியத்துவம் கொண்ட தேர்தல், இந்த முறை என்னால் வாக்கு அளிக்க முடியவில்லையே என்ற வருத்தம் ஒருபுறம் இருந்தாலும் நல்ல தேர்தல் முடிவை கண்டு மகிழ்ச்சி அடைந்தேன்.

ஒரு பானை சோற்றிர்க்கு ஒரு சோறு பதம் என்பார்கள், அதற்க்கு எங்கள் மயிலாடுதுறை தொகுதி ஒரு முன் உதாரணம். சென்ற வருடம் ஊருக்கு சென்ற பொழுது தொகுதி மறுசீரமைப்பு பற்றி கேள்வி பட்டேன், அதனால் மயிலாடுதுறை தொகுதிக்காண இழப்பீடு பற்றி நண்பர்களிடம் பேசிய பொழுது, அவர்கள் தொகுதி வேட்பாளர் மணி சங்கர் அய்யரின் பங்களிப்பு பற்றி சொன்னார்கள். சரியாக சொன்னேன், இம்முறை அய்யர் சரியான பாடம் பெருவார், இனி அவர் ராஜ்ய சபா எம்.பி.யாக மட்டுமே தொடர முடியும் என்று. என் தொகுதி மக்களும் அறிவாளிகளே.

கலைஞரின் அணுகுமுறை சரியாக இருந்து தி.மு.க சார்பாக ஒரு இஸ்லாமிய வாக்காளர் நிருத்தப்பட்டிருந்தால் இது தி.மு.க கூட்டணிக்கு ஒரு வெற்றித் தொகுதி என்பது என் எண்ணம்.

ஓ.எஸ்.மணியன் வெற்றதில் சற்று வருத்தம்தான், அவருக்கு பதிலாக ம.தி.மு.க-வின் மகாலிங்கம் ஒரு நல்ல மாற்று வேட்ப்பாளராக வெற்றி கண்டு இருப்பார், அந்த வைகோ சைக்கோ தனக்கு பதில் அவரை அங்கு நிருத்தி இருந்தால் ம.தி.மு.க-வின் செல்வாக்கை கொஞ்சம் உயர்த்தி இருக்கலாம்.

எது எப்படியோ இந்த தேர்தலிலும் தமிழக மக்கள் 40-க்கு 40. பின்ன 7-க்கு 7 அவுட்ன்னா 40க்கு 40-தானே?

ஒப்பிட்டு பாருங்க... ஒப்பாறி வைக்காதீங்க

2009-04-30T23:05:00.004-04:00

நாம் இப்போது எல்லாம் எதற்க்கு எடுத்தாலும் ஒன்றோடு மற்றொன்றை ஒப்பீட்டு பார்ப்பது வழக்கமாகி விட்டது.

எம்.ஜி.ஆர்-ன்னா சிவாஜி-கூட, ரஜினிகாந்தோட கமலஹாசன, சரோஜாதவி-ன்னா பத்மினி-கூட... தமிழ ஆங்கிலத்தோட...

இது ஒரு இந்திய அமெரிக்க நிலம் மற்றும் மக்கள் தொகை ஒப்பீடு.

எண்களில் சொல்லும் போது அது எண்ணத்தை அடைவதை காட்டிலும் படத்தில் பார்த்தால் பட்டுன்னு புரியும் இல்லையா? அதான் இந்த ஒப்பீடு...படத்த பாருங்க... பதறாதீங்க

நிலப்பரப்பில் இந்தியா ஒரு பங்கு (2,973,190 சதுர கி.மீ), அமெரிக்கா மூன்று மடங்கு (9,631,418 சதுர கி.மீ)

மக்கள் தொகையில் அமெரிக்கா ஒரு பங்கு (306 மில்லியன்), இந்தியா அதை போல் மூன்று மடங்கு (1,147 மில்லியன்).

ஈவ்வ்வ்... எம்பராஸிங்க்... டிஸ்கஸ்டிங்க்

2009-04-21T22:48:00.002-04:00

அது எம்பராஸிங்க் இல்லை... அதுக்கு அர்த்தம் தமிழ்ல இன்பமா ரசிங்க... திரும்ப திரும்ப சொல்லி பாருங்க இன்பராஸிங்க்-ன்னு வரும்.

நம்ம தமிழ்/தெலுங்கு படத்துல வர பாட்டு... குறிப்பா வெளி நாடுகளில் நடு ரோட்டில் நம் கதா நாயகரும் நாயகியும் ஆடும் ஆட்டம் இருக்கே... அத பார்த்து இப்ப உள்ள பிள்ளைகள் சொல்லும் வார்த்தை... ஈவ்வ்வ்...எம்பராஸிங்க் இல்லைன்ன அடுத்த வார்த்தை டிஸ்கஸ்டிங்க் (இது ஆங்கில படங்களுக்கு).

இந்த பாடல்கள் ஒரு செட்டின் உள்ளே... பிறகு தோட்டத்தில் உள்ளே என உள்ளே எடுக்கப்பட்டு இன்பமாய் ரசிக்க பட்டது. பிறகு செட்டை விட்டு...பிறகு நம்ம நாட்டை விட்டு... பல பிறகுக்கு பின்னே வெளி நாட்டில் நடு தெருவில் எடுக்கப் பட்டு (பட்ஜெட்டால தயாரிப்பாளர் நடு தெருவுக்கு வருவது வேறு விஷயம்) எம்பராஸிங்க் ஆகிவிட்டது.

எவ்வளவு எம்பராஸிங்கா இருந்தாலும் ஹாலிவுட் கிராபிக்ஸ் பாடாவதிய பார்க்கும் போது நம்ம படத்த இன்பமா ரசிக்கலாம்.

ரசனை என்பதை சொன்ன உடனே எனக்கு ஒரு ஆங்கில படம் நினைவிற்க்கு வந்தது... நம்ம ஊரு ஆதி, பேதி, வில்லு, அம்பு அருவான்னு வர படங்களுக்கு நடுவில் பொம்மலாட்டம்-னு ஒரு படம் வந்த மாதிரி. கிராபிக்ஸ் கொடுமைகள் இல்லாம... கண்களுக்கும் காதுகளுக்கும் இதமா... எல்லோரிடமும் டிஸ்கஸிங்க் பண்ணக்கூடிய படம்.

பச்சை நிறமே... பச்சை நிறமே என பாடத்தோன்றும் அந்த படத்தை பார்த்த பிறகு. படம் முழுவதும் அப்படி ஒரு பச்சை வண்ணம். சார்லஸ் டிக்கென்ஸோட நாவலை தழுவி 1946-ல் பிரிட்டனில் எடுக்கப் பட்ட படம். அவசரப் படாதீங்க அது கருப்பு வெள்ளை படம், நமக்காக அந்த படத்தை மீண்டும் 1998-ல கலர்ல எடுத்திருக்காங்க...

என்ன கடைசியில் பச்சை நிறமே... பச்சை நிறமே... உடைந்தது என் இதயமே-ன்னு பாடுற மாதிரி ஆயிடுச்சி... அட இன்னும் படத்தோட பேர சொல்லவே இல்லையா நான்...கிரேட் எக்ஸ்பெக்டேஸன்ஸ்.

க.பி.கு: அதிக பட்சம் ஐந்து ஈர முத்தம், ஒரு முக்கால் நிர்வாண முதுகு.

வ.பி.கு: பெட்டியில் இருந்து தவறி வெளியே விழும் துப்பாக்கி, சத்தமில்லாமல் ஒரே ஒரு கத்தி குத்து.

இந்த படம் பற்றிய மேலும் தகவலுக்கு...
http://en.wikipedia.org/wiki/Great_Expectations_(1998_film)
கூகிள் பண்ணி பாருங்க... படம் கிடைச்சாலும் கிடைக்கும்.

எப்படி ஒரு எம்பராஸிங்க் தமிழ் படத்த இன்பாமா ரசிச்சோமோ... அது மாதிரி டிஸ்கஸ்டிங்க் ஆங்கில படத்த டிஸ்கஸிங்க பண்ணுனோம் அவ்வளவுதான்.

வெந்ததைத்தின்று வாயில் வந்ததை பேசும்...

2009-04-15T22:08:00.002-04:00

வெந்ததைத்தின்று வாயில் வந்ததை பேசும்... என்ன எல்லாம் வெ வா வ-ன்னு கோர்வையாக வருகிறதா? இருக்காதா பின்ன பேசியது வைகோ-வாச்சே.

விருது நகர் லோக்சபா-விற்க்கு போட்டியிடும் அவர் சந்திரப்பட்டியில் பேசிய பேச்சை பாருங்கள்

"ரத்த ஆறு ஓடும் என்று சொன்னதை நான் மறுக்கவில்லை" முத்துக்குமரனைப் போல் தீக்குளிப்புகள் நடக்கும் என்பதை கூறினேன் என்று அந்தர் பல்டி அடித்திருக்கிறார். மேலும் " நான் என்ன கருணாநிதி பேசாததையா நான் பேசிவிட்டேன்" என்ற கேள்வி வேறு...

வடிவேலு: ஏ வென்று அந்த ஆள் சரியில்லை என்றுதானய்ய உன் பின்னே ஒரு கூட்டம் வந்தது, அதை புரிந்து கொள்ளாமல் நானும் சேற்றில் விழுந்து புரல்கிறேன் என்கிறாயே? கவுத்துப்புட்டாய்ங்கய்யா கவுத்துப்புட்டாய்ங்க.

ஜெயலலிதா ஒரு டி.வி-க்கு அளித்த பேட்டியில், நாங்கள் கொண்ட நட்பின் காரணமாக "இன்று நேற்றா வைகோ இதுபோல் பேசுகிறார், எத்தனை ஆண்டுகளாக பேசிவருகிறார்" என்று மேற்கோளிட்டு பேசியிருக்கிறார்.

கவுண்டமணி: அடங்கொன்னியா... அந்த அம்மா உண்மையாவே என்ன சொன்னுதுன்னு நீ தெரிஞ்சு பேசுறியா இல்ல தெரியாம பேசுறியா? நீ தி.மு.க-வுல இருந்தப்ப ஆடுன ஆட்டத்துக்குத்தான் உன்ன பொடாவுல போட்டுது, இப்ப கூட இருந்துகிட்டு டார்ச்சர் பண்ணுரன்னு போட்டு குடுக்குது, நீ என்னமோ நட்பு தோழமைன்னு கூட்டம் போட்டு பேசிகிட்டு இருக்கிற... நாராயணா இந்த (வைகோ) கொசு தொல்ல தாங்களடா.

கட்ட கடைசியா மக்கள பார்த்து ஒன்னு சொல்லி இருக்கிறார் " நீங்கள் மனிதாபிமானத்திற்க்கு ஓட்டு போடுவீர்கள் பணத்திற்க்கு ஓட்டு போடமாட்டீர்கள் என்று நம்புகிறேன்" என்று.

விவேக்: அட தோ பார்ரா மிஸ்டர் கிளீன் சொல்றாரு நம்ம எல்லோரும் கேட்கணுமாம், இவரு மட்டும் 30 கோடிய வாங்கிகிட்டு மூனு வருஷமா மூடிகினு இருப்பாராம்...ஹும் இந்த தமிழக வாக்காளார்களை ஆயிரம் பெரியார் இல்ல... கூட ஆயிரம் காமராஜர் சேர்ந்து வந்தாலும் காப்பாத்த முடியாது.

காதல் கல்யாணம்...

2009-04-14T21:37:00.001-04:00

காதல் கல்யாணம்...

நான்கு கண்கள் பார்த்தன
இரண்டு மனங்கள் பேசின
ஒரு காதல் உருவானது...

ஒரு கல்யாணம் நடந்தது
இரண்டு வீடுகள் சம்மதித்து
நான்கு திசையிலும் சந்தோஷம்...

கூட்டி கழிச்சி பார்த்தா கணக்கு சரியா வருதா?

வோட்டு... அதுக்கு முன்னாடி

2009-04-11T23:35:00.003-04:00

வோட்டு... அதுக்கு முன்னாடி
வேட்பாளருக்கு வெக்கிராங்க வேட்டு.

தொண்டன்: என்ன தலைவரே இப்படி ஆயிப்போச்சி

வேட்பாளர்: என்னடா என்ன ஆயிப்போச்சி இப்ப?

தொண்டர்: ஜெயிக்கிறதுக்கு நிறைய எலெக்சன் டெக்னிக் வச்சிருக்கேன்னு சொன்னீங்க, இப்ப நிக்க சீட்டு கூட கிடைக்கலியே

வேட்பாளர்: டேய், அது அம்மாவோட கலெக்சன் டெக்னிக்டா, முதல்ல அறிவித்த வேட்பாளர் சரியில்லைன்னு என்னை அறிவிப்பாங்க பாரு.

---

தொண்டன்: தலைவா, எல்லாம் நாசமாகிப் போச்சு தலைவா

வேட்பாளர்: என்னடா நாசமா போச்சி, நான் இன்னும் ஜெயிக்கவே இல்லையேடா

தொண்டன்: அது இல்ல தலைவா, எதிர் கட்சி வேட்பாளருக்கு இணையா நீங்க தாக்கு பிடிக்க மாட்டீங்கன்னு வேறு வேட்பாளர அறிவிச்சிட்டாங்க தலைவா

வேட்பாளர்: விடுடா, ஏற்கனவே எதிர்கட்சி வேட்ப்பாளர் எல்லாத்துலயம் பாதி கமிசன் தரேன்னு சொல்லிட்டாரு

---

தொண்டன்: தலைவா என்ன அதுக்குள்ளே எல்லோருக்கும் இனிப்பு வழங்குறீங்க

வேட்பாளர்: எதிர்கட்சி வேட்பாளர மாத்திட்டங்களாம்ல, பிறகு என்ன நான் ஜெயிச்ச மாதிரிதான

தொண்டன்: புரியலயே தலைவா

வேட்பாளர்: விடுடா பழைய வேட்பாளர் புது வேட்பாளர தோற்க்கடிச்சி தொகுதியில் அவர் பவர காமிச்சிடுவார்.

---

தொண்டன்: தலைவா, நீங்க எங்கயோ போயிட்டீங்க தலைவா

வேட்பாளர்: என்னடா சொல்லுற, ஜெயிச்சா டெல்லிக்கு போவேன், தோத்தா அடுத்த எலெக்சனுக்கு எதிகட்ச்சிக்கு போயிடுவேன் நீ எத சொல்லுற?

தொண்டன்: அதில்ல தலைவா, நேத்தி மப்புல் இருந்தப்ப நீங்க அடிச்சீங்களே ஜோக்கு, தேர்தல் பிரச்சாரம் பண்ண வெள்ளை மாளிகையில் இருந்து ஓபாமா வாரான்னு - அத சொன்னேன்.

ஏய்ய்... சைலன்ஸ்... கூட்டணி பாட்டு பாடிகிட்டு இருக்கோம்ல...

2009-04-11T17:32:00.002-04:00

இடம்: போயஸ் தோட்டம்
நேரம்: கூட்டணி தொகுதிப் பங்கீடு முடிந்த நேரம்
காலம்: அந்தி மாலைப் பொழுது

( நீண்ட நாட்களாய் தன்னை திரும்பி பார்க்காமல் இருக்கும் சசிகலாவை பார்த்து நடராஜன் ஆரம்பிக்கிறார்)

நடராஜன்: யம்மாடி... ஆத்தாடி...
என்கிட்ட திரும்பி வருவியாடி...

ஜெ: செரினா-வ உள்ள போட்டு நொங்கு எடுத்தது மறந்து போச்சா... அப்படியே ஓடிபோயிடு...

சசி: அக்கா, விடுங்கக்கா... காய்ஞ்சி போயி வந்திருக்கிறார், நாமும் சீட்டு பேரம் பேசி மண்ட காய்ஞ்சி கிடக்கிறோம்... ஏதோ பாடிட்டு போகட்டும்... நீ பாடுய்யா...டி.ஆரோட குத்துப் பாட்டு சும்மா சூப்பரா இருக்கும்.

ஜெ: அப்படியா... சரி கூட்டணி தலைவர்கள் எல்லோரும் இருக்கீங்க... கூச்சப்படாம ஆளாளுக்கு ஒரு குத்து குத்துங்க

சசி: வைகோ ஸ்டார்ட் த மியூசிக்

நடராஜன்: யம்மாடி... ஆத்தாடி...
என்கிட்ட திரும்பி வருவியாடி...

சசி: அக்கா பாதி... நான் பாதி
அட சேர்ந்துபுட்டா தமிழ்நாடு காலி...

வைகோ: அம்மா காலில் விழுவோமா...
குடுத்த இடத்தில் நிப்போமா...

இடது சாரி: கலைஞ்சர் பேர கெடுப்போமா...
சேதுபாலம் பிரச்சனைன்னு சொல்லுவோமா...

கூட்டணி தலைவர்கள் (ஜெ காலை தொட்டு வணங்கி வணங்கி):
யம்மா யம்மா யம்மா யம்மா
யம்மா யம்மா யம்மம்மா...

கூட்டணி தலைவர்கள் (ஜெ காலை தொட்டு வணங்கி வணங்கி):
யம்மா யம்மா யம்மா யம்மா
யம்மா யம்மா யம்மம்மா...

நட: யம்மாடி... அய்யோ ஆத்தாடி...
எனக்கொரு எம்பிசீட்டு வாங்கித் தரியாடி...

சசி: ஏய் அக்காதாண்ட முதளாலி...
மத்தவனெல்லாம் எங்களுக்கு தொழிளாலி...

(கூட்டணி ஸ்பெசல் தலைவர் மரம் வெட்டி அய்யா எண்ட்ரி ஆகிறார்)

மரு.அய்யா: அச்சம்வேண்டும் மரம் வெட்டுவேண்ணு அச்சம்வேண்டும்
கூட்டணி தாவிப்பார்த்தா தாவிப்பார்த்தா சீட்டு கூடவரும்...

ஜெ:வெட்கம் கெட்ட அய்யாவத்தான்...
அனைச்சிகிட்டா சேர்த்துகிட்டா ஜெயிசிடுவோம்

மரு.அய்யா: நேத்துவர நேத்துவர
நீயும்தான் நானும்தான் ஒட்டவில்ல...

ஜெ: ஓடுகாலி நீ ஓடுகாலி ஜெயிச்சபிறகு
நானும்தான் உன்ன நம்பவில்ல

வைகோ: எனக்கு தொகுதி கொஞ்சமடி...

சசி: நீ ஓடிப்போன கட்சிகாரன தேடிப்புடி...

(சுப்ரமணிய சாமி உள்ளே வருகிறார்)

சு.சா: உன்னைபோல என்னைபோல
தமிழகத்த காப்பாத்த யாருமில்ல

ஜெ: நல்லவரே... வல்லவரே
"அவளண்ட என்ன இல்லைன்னு" சொன்னவரே

கூட்டணி தலைவர்கள் (ஜெ காலை தொட்டு வணங்கி வணங்கி):
யம்மா யம்மா யம்மா யம்மா
யம்மா யம்மா யம்மம்மா...

கூட்டணி தலைவர்கள் (ஜெ காலை தொட்டு வணங்கி வணங்கி):
யம்மா யம்மா யம்மா யம்மா
யம்மா யம்மா யம்மம்மா...

வைகோ: அய்யோ... அய்யோ

(சைடில் நடராஜன் சசியை சரிகட்டியதை பார்த்த ஜெ-வுக்கு அதிர்ச்சி, பிறகு இருவரும் சுதாரித்து கொண்டு ரொமான்ஸ்)

ஜெ: ஆதாரமா... அவதாரமா...
ஆயிபுட்ட நெஞ்சுக்குள்ள

சசி: உன்ன விட்டா, என்ன விடும்
உயிர்தானம்மா உள்ளுக்குள்ள

ஜெ: உன்வாசம்தான் என்மூச்சில்வீசி
உயிருக்குள் உயிர்வாழுரேன்

சசி: நம் பேரத்தான் ஊரெல்லாம் பேசும்...
ஊமைக்கும் மொழியானது...

(ஜெ-சசி ரொமான்ஸை பார்த்த நட்டு மூட் அவுட், அவரை சரிகட்டுகிறார் சசி)

சசி: நீதாண்ட நீதாண்டா ஜல்லிக்கட்டு
முடிஞ்சாக்கா என்ன கட்டு
(சசி இருக்கிற சைஸுக்கு எங்க கட்டுரது)

நட: ஊருக்கும் பேருக்கும் மல்லுக்கட்டு
என்னோட பெட்டுக்கு டாட்டா காட்டு...டு ...டு... டு

கூட்டணி தலைவர்கள் (ஜெ காலை தொட்டு வணங்கி வணங்கி):
யம்மா யம்மா யம்மா யம்மா
யம்மா யம்மா யம்மம்மா...

கூட்டணி தலைவர்கள் (ஜெ காலை தொட்டு வணங்கி வணங்கி):
யம்மா யம்மா யம்மா யம்மா
யம்மா யம்மா யம்மம்மா...

நடராஜன்: யம்மாடி... ஆத்தாடி...
என்கிட்ட திரும்பி வருவியாடி...

சசி: அக்கா பாதி... நான் பாதி
அட சேர்ந்துபுட்டா தமிழ்நாடு காலி...

வைகோ: அம்மா காலில் விழுவோமா...
குடுத்த இடத்தில் நிப்போமா...

இடது சாரி: கலைஞ்சர் பேர கெடுப்போமா...
சேதுபாலம் பிரச்சனைன்னு சொல்லுவோமா...

சு.சா: ஏ எம்மா... ஏ எம்மா... ஏ எம்மா... ஏ எம்மா... யம்மம்மா

மரு.அய்யா: யம்மா யம்மா யம்மா யம்மாயம்மா யம்மா யம்மம்மா...

வலது சாரி வரதராஜன்: என்னய்யா பாட்ட நிறுத்திட்டீங்க...பட்டய கிளப்பு...

நட: குத்துன்னா... கூட்டணியாத்தான் குத்தனும்... செமகுத்து... தேங்க்ஸுப்பா...

யம்மாடி... ஆத்தாடி...

2009-04-11T17:13:00.002-04:00

ஆண்: யம்மாடி... ஆத்தாடி...
உன்ன எனக்குத் தரியாடி...

பெண்: நீ பாதி... நான் பாதி
அட சேர்ந்துபுட்டா சிவன் ஜாதி...

ஆ: அரைச்ச மாவ அரைப்போமா...
துவைச்ச துணிய துவைப்போமா...

பெ: ராமன் கதைய கேட்ப்போமா...
வில்ல வலைச்சி பார்ப்போமா...

ஆ: யம்மா யம்மா யம்மா யம்மா
யம்மா யம்மா யம்மம்மா...

பெ: யம்மா யம்மா யம்மா யம்மா
யம்மா யம்மா யம்மம்மா...

ஆ: யம்மாடி... அய்யோ ஆத்தாடி...
உன்ன எனக்குத் தரியாடி...

பெ: ஏய் நாந்தாண்ட முதளாலி...
நீதான் எனக்கு தொழிளாலி...

ஆ: மச்சம் வேண்டும் நட்ச்சத்திரம் நீ
எண்ணிப்பார்த்தா எண்ணிப்பார்த்தா வெட்கம்வரும்...

பெ:வெட்ட வரும் வில்லனத்தான்...
அடிச்சிபுட்டா உடைச்சிபுட்டா சத்தம்வரும்

ஆ: நேத்துவர நேத்துவர
நீயும்தான் நானும்தான் ஒட்டவில்ல

பெ: வாழும்வர வாழும்வர
நீயும்தான் நானும்தான் ரெட்டபுள்ள

ஆ: வயசுப்ப் பையன் மூச்சிடி...

பெ: அடப் பட்ட இடம் பூச்செடி...

ஆ: உன்னைபோல என்னைபோல
காதலிக்க யாருமில்ல

பெ: நல்லவரே... வல்லவரே
வாழவைக்க வந்தவரே

ஆ: யம்மா யம்மா யம்மா யம்மா
யம்மா யம்மா யம்மம்மா...

பெ: யம்மா யம்மா யம்மா யம்மா
யம்மா யம்மா யம்மம்மா...

ஆ: அய்யோ... அய்யோ

பெ: ஆதாரமா... அவதாரமா...
ஆயிபுட்ட நெஞ்சுக்குள்ள

ஆ: உன்ன விட்டா, என்ன விடும்
உயிர்தானம்மா உள்ளுக்குள்ள

பெ: உன்வாசம்தான் என்மூச்சில்வீசி
உயிருக்குள் உயிர்வாழுரேன்

ஆ: நம் பேரத்தான் ஊரெல்லாம் பேசும்...
ஊமைக்கும் மொழியானது...

பெ: நீதாண்ட நீதாண்டா ஜல்லிக்கட்டு
முடிஞ்சாக்கா என்ன முட்டு

ஆ: பூவுக்கும் பேருக்கும் மல்லுக்கட்டு
என்னோட பெட்டுக் கட்டு...டு ...டு... டு

பெ: யம்மா யம்மா யம்மா யம்மா
யம்மா யம்மா யம்மம்மா...

ஆ: யம்மா யம்மா யம்மா யம்மா
யம்மா யம்மா யம்மம்மா...

ஆண்: யம்மாடி... ஆத்தாடி...
உன்ன உன்ன எனக்குத் தரியாடி...

பெண்: நீ பாதி... நான் பாதி
சேர்ந்துபுட்டா சிவன் சிவன் ஜாதி...

ஆ: அரைச்ச மாவ அரைப்போமா...
துவைச்ச துணிய துவைப்போமா...

பெ: ராமன் கதைய கேட்ப்போமா...
வில்ல வலைச்சி பார்ப்போமா...

ஆ: ஏ எம்மா... ஏ எம்மா... ஏ எம்மா... ஏ எம்மா... யம்மம்மா

பெ: யம்மா யம்மா யம்மா யம்மா
யம்மா யம்மா யம்மம்மா...

டி.ஆர்: என்னய்யா பாட்ட நிறுத்திட்டீங்க...பட்டய கிளப்பு...

சிம்பு: தேங்க்ஸுப்பா.

பாடல் வரிகள் தெரிந்து பாடல் கேட்பது ஒரு சுகம்... இப்ப கேட்டு பாருங்க பாட்ட...

http://geetham.biz/V/Vallavan/Tamilmp3world.Com%20-%20Ammadi%20Athadi.mp3

என்ன... எங்க ஊரு காரு...டி.ஆரு நல்லா பாடியிருக்காருல்ல... ரசிச்சிகிட்டே இருங்க... அரசியல் உள்குத்தோடா மீண்டும் வரேன்

என்ன ஆச்சு எங்க ஊருக்கு...

2009-04-09T10:45:00.002-04:00

எங்கு பார்த்தாலும் மாயூரம் பற்றிய பேச்சு... என்ன ஆச்சு எங்க ஊருக்கு...

மாதவி பந்தலில் ஒரு அருமையான பதிவு...
http://madhavipanthal.blogspot.com/2009/04/blog-post_08.html

தட்ஸ் தமிழில் ஒரு ஏக்கம்...
http://thatstamil.oneindia.in/cj/vaithiyanathan-sowmian/2009/0409-will-mayiladuthurais-dream-come-true.html

என்ன செய்வது படித்தவர்கள் ஊரை முன்னேற்ற பார்க்கிறார்கள், பணம் படைத்தவர்கள் (இப்போதுள்ள பேரூந்து நிலையத்தை சுற்றி தொழில் செய்யும் பலவான்கள்) ஊரை பின்னேற்றுகிறார்கள்... சுயநலவாதிகள்.

ஊமைக் குசும்பன்...

2009-04-07T16:09:00.001-04:00

நம்ம வலையுலக குசும்பு ஒன்லி குசும்பன உங்களுக்கு எல்லாம் நன்றாக தெரியும், நல்ல நகைச்சுவையா ஏழுதுகிறவர்... அவர் குசும்பன்.

சென்ற வாரம் அவர நட்ச்சத்திர பதிவரா இருந்து சில பல நல்ல குசும்புகளை எழுதியதால்... அவர் நட்ச்சத்திர குசும்பன்.

இப்போது ஆராவாரம் இல்லாமல் அவங்க ஊரு பண்ணையார் மற்றும் சொடலையின் லீலைகளை குசும்பி இருக்கிறாரே அந்த குசும்பனை வேறு என்ன சொல்ல... அவர்தான் ஊமைக் குசும்பன்.